26-Jul-2021

କଳାହାଣ୍ଡି,ଭବାନୀପାଟଣା(ତ୍ରିନାଥ ବେଶ୍ରାଙ୍କ ସହ ସଞ୍ଜୀବ ଦାସ): ସମାଜର ଚତୁର୍ଥ ସ୍ତମ୍ଭ ହେଲେ ଗଣମାଧ୍ୟମ ପ୍ରତିନିଧି । ଖରା,ବର୍ଷା ଆଦିକୁ ଖାତିରି ନଥାଏ ଜଣେ ସାମ୍ବାଦିକର । କରୋନାକୁ ବି   ଭୟ ନକରି ଲୋକଙ୍କ ପାଖରେ ଖବର ପହଞ୍ଚାଇବା କାର୍ଯ୍ୟରେ ସର୍ବଦା ବ୍ଯସ୍ତ ଅଛନ୍ତି ସାମ୍ବାଦିକ ବନ୍ଧୁ ମାନେ । ତେବେ ଏଭଳି ସମୟରେ  କେନ୍ଦ୍ରାପଡା ଜିଲ୍ଲାରେ କାର୍ଯ୍ୟରତ ଜଣେ ସାମ୍ବାଦିକଙ୍କ ଉପରେ ଆକ୍ରମଣ କରିଥିବା  ମହିଳା କନେଷ୍ଟବଳ ପିନୁ  ନାୟକଙ୍କୁ ତୁରନ୍ତ ଗିରଫ କରି ଚାକିରିରୁ ନିଲମ୍ବନ କରାଯିବା ସହ ଏହିଭଳି ପୂର୍ବରୁ କରିଥିବା କାର୍ଯ୍ୟ ପାଇଁ ପୁରୀ ଜିଲ୍ଲା ଗୋପ ଥାନାର ଥାନାଧିକାରୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରି ତୁରନ୍ତ ରାଜ୍ୟରେ ସାମ୍ବାଦିକ ସୁରକ୍ଷା ଆଇନକୁ କାର୍ଯ୍ୟକାରୀ କରାଯିବା ଆଦି  ଦାବିରେ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଳାହାଣ୍ଡି ଜିଲ୍ଲାପାଳଙ୍କ ଜରିଆରେ ଏକ ମେମୋରେଣ୍ଡମ୍ପ୍ରଦାନ କରାଯାଇଛି । ଜିଲ୍ଲାପାଳଙ୍କ ଅନୁପସ୍ଥିତିରେ  ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ଶ୍ରୀ ଚନ୍ଦନ ଦାବିପତ୍ର ଗ୍ରହଣ କରିଥିଲେ ।

କଳାହାଣ୍ଡି ୱେବ୍ ମିଡିଆ ଆସୋସିଏସନ୍ ପକ୍ଷରୁ ସଭାପତି ଶ୍ରୀ ଆଦିତ୍ଯ ମହାନ୍ତି,  ସାଧାରଣ ସମ୍ପାଦକ ସଂଗ୍ରାମ କେଶରୀ ପାତ୍ର, କାର୍ଯ୍ୟକାରୀ ସଭାପତି ତୁଳମଣୀ ନାଗ , ସୁନିଲ କୁମାର ମୁଣ୍ଡ୍ , ରଞ୍ଜନ କୁମାର ମହାନ୍ତି ଉପ ସଭାପତିଦ୍ବୟ , ସାଙ୍ଗଠନିକ ସମ୍ପାଦକ ସଞ୍ଜୟ କୁମାର ସିଂ, କୋଷାଧ୍ୟକ୍ଷ  ମଧୁସୂଦନ ମହାପାତ୍ର ଙ୍କ ସହ ନର୍ଲା ବ୍ଳକ ୱେବ୍ ମିଡିଆ ଆସୋସିଏସନ୍ ସଭାପତି ଶ୍ରୀ ଚିନ୍ତାମଣୀ ନାଏକ, ଗୋଲାମୁଣ୍ଡା ବ୍ଳକ ଆସୋସିଏସନ୍ ସଭାପତି ରାମ କୁମାର ସେନାପତି,  ଧର୍ମଗଡ ବ୍ଳକ କମିଟି ସଭାପତି ଶ୍ରୀ ସୁଧିର ଗୋପାଳ, କୋକସରା ବ୍ଲକ ତ୍ରିନାଥ ବେଶ୍ରା ସହ ଅନ୍ୟ ସାମ୍ବାଦିକ ବନ୍ଧୁମାନେ ଉପସ୍ଥିତ ଥିଲେ । ଦାବିପତ୍ର ଅନୁଯାୟୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରା ନଗଲେ ଆଗାମୀ ଦିନରେ ସାମ୍ବାଦିକମାନେ ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେବେ ବୋଲି ଜଣାଇଛନ୍ତି ।