26-Jul-2021

କଳାହାଣ୍ଡି (ସଞ୍ଜୀବ ଦାସ ଓ ତ୍ରିନାଥ ଵେଶ୍ରା): କେନ୍ଦ୍ର ସରକାର ଓ ବି ସି ବର୍ଗର ଶିକ୍ଷାର୍ଥୀ ମାନଙ୍କ ପ୍ରତି ଅବିଚାର କରି   NIIT ପରୀକ୍ଷାରେ ଓବିସି ଙ୍କୁ  ସଂରକ୍ଷଣ  ଦେଇ ନଥିବା ବିରୋଧରେ  ଆଜି ରାଷ୍ଟ୍ରୀୟ ପଛୁଆ ବର୍ଗ ମୋର୍ଚ୍ଚା କଳାହାଣ୍ଡି ଶାଖା ପକ୍ଷରୁ କଳାହାଣ୍ଡି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ସହ  ଜିଲ୍ଲାପାଳଙ୍କ ଜରିଆରେ ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି ।

   ୧୯୩୧ ମସିହାର ଜନଗଣନା ଅନୁଯାୟୀ ଓବିସି ଙ୍କ ସଂଖ୍ୟା ୫୨% ପ୍ରତିଶତ ଅଟନ୍ତି କିନ୍ତୁ ସେମାନଙ୍କୁ କ୍ରିମିଲେୟର ଲଗାଇ  ୨୭% ପ୍ରତିଶତ ଦିଆଗଲା  ଯାହାକି ସମ୍ବିଧାନର ଅନୁଛେଦ ୩୪୦ ର ମୂଳ ଭାବନାର ବିରୋଧ ଅଟେ। ୧୨ ସେପ୍ଟେମ୍ବର ୨୦୨୧ ରେ ମେଡିକାଲ୍ ପ୍ରବେଶ କରିବା ପାଇଁ ହେବାକୁ ଥିବା ନିଟ୍ ପରୀକ୍ଷା ଓବିସି ଙ୍କୁ କେନ୍ଦ୍ରୀୟ କୋଟା ୧୫% ପ୍ରତିଶଦ୍ ବଦଳରେ ରାଜ୍ୟ ମେଡିକାଲ୍ କଲେଜ ସିଟ୍ ରେ ଜିରୋ କରି ଦିଆ ଯାଇଥିବା ଅଭିଯୋଗ ହୋଇଛି । ଏହାକୁ ବିରୋଧ କରି ରାଷ୍ଟ୍ରୀୟ ପଛୁଆ ବର୍ଗ ମୋର୍ଚ୍ଚା କଳାହାଣ୍ଡି ଶାଖା ସାଧାରଣ ସମ୍ପାଦକ ଆଦିତ୍ୟ ହଂସ ଯାଦବଙ୍କ ନେତୃତ୍ୱରେ।  ରାଷ୍ଟ୍ରୀୟ ପଛୁଆ ବର୍ଗ ମୋର୍ଚ୍ଚା ରାଜ୍ୟ ସଭାପତି ଜଗଦୀଶ ଯାଦବଙ୍କ  ଅଧ୍ୟକ୍ଷତାରେ ଧାରଣା ପ୍ରଦର୍ଶନ ଅନୁଷ୍ଟିତ ହୋଇଯାଇଛି।

ଅନୁଷ୍ଟିତ କାର୍ଯ୍ୟକ୍ରମରେ ମୁଖ୍ୟବକ୍ତା ଆର୍ ଏମ୍ ବି କେ ଏସ ରାଜ୍ୟ ଉପ ସଭାପତି ତୁଳମଣି ନାଗଙ୍କ  ସମେତ  ବହୁଜନ କ୍ରାନ୍ତି ମୋର୍ଚ୍ଚା ଜିଲ୍ଲା ସଂଯୋଜକ ଆଇନଜୀବୀ ରିଶି ସୁଦାନ ଛାତ୍ରପାଲ୍, ରାଷ୍ଟ୍ରୀୟ ମୁସଲିମ ମୋର୍ଚ୍ଚା ରାଜ୍ୟ ସଭାପତି ମେହେବୁବ୍ ରାଜା ଓ କଳିମ ମୁଳଖାନ୍, ଆଦିବାସୀ ଏକତା ପରିଷଦର ସନ୍ତୋଷ ନାଏକ, ରାଜକିଶୋର ଦଳପତି, ଭାରତ ମୁକ୍ତି ମୋର୍ଚ୍ଚା ର ସଂଜୟ ଶବର, ଯୁବ ସମାଜସେବୀ ସୁଧିର ଗୋପାଳ, ସେତୁରାମ ଭକ୍ତ, ମହିନ୍ଦ୍ର ଧଙ୍ଗଡାମାଝୀ, ଦୁର୍ଯ୍ୟଧନ ଜାଲ, କାର୍ତ୍ତିକ ମାଝୀ ପ୍ରମୁଖ ଯୋଗ ଦେଇ ଓବିସି ଙ୍କ ହକ ଅଧିକାର ପାଇବା ଉଚିତ୍ ବୋଲି ସମର୍ଥନ କରି ବକ୍ତବ୍ୟ ରଖିଥିଲେ।
ଏହି କାର୍ଯ୍ୟକ୍ରମରେ କମଳାକାନ୍ତ ଖର୍ସେଲ, କରୁଣା ଚଣ୍ଡୀ, ବନମାଳୀ ନାଏକ,ମୁରଲୀଧର ଚଲାନ, ଠାକୁର ମଙ୍ଗରାଜ, କୁନୁ ଦୁର୍ଗା, ବାଲେଶ୍ଵର ହରପାଲ, ଉଛବ ଚଲାନ, ଅଶୋକ ଗଉଡ, ବିନୟ ନାଗ, ଧର୍ମେନ୍ଦ୍ର ନାଗ, ଖିତିସ୍ ଯାଦବ, ଶରତ ସାହୁ, କୁଶ ଶବର, ଅଜୟ ନାଏକ, ଯାଦବ ଶବର, ଯୁବରାଜ ଛତ୍ରିଆ,ଓମ ବେହେରା ପ୍ରମୁଖ ସହଯୋଗ କରିଥିବା ବେଳେ  ଶେଷରେ ସୁରେଶ ଚନ୍ଦନ ଧନ୍ୟବାଦ ଅର୍ପଣ କରିଥିଲେ l