23-Jul-2021

କଣ୍ଟାବାଞ୍ଜି ( ଆନନ୍ଦ କୁମାର  ମୋଟେ ) ବଲାଙ୍ଗିର ଜିଲ୍ଲା ତୁରେକେଲା ବ୍ଲକ କାର୍ଯ୍ୟାଳୟରେ କାର୍ଯ୍ୟରତ ଥିବା ଗ୍ରାମ ପଂଚାୟତ ଅଫିସର (ଜିପିଓ) ଘରେ ସମ୍ବଳପୁର-ସୋନପୁର-ବରଗଡ-ବଲାଙ୍ଗିର ଭିଜିଲାନ୍ସ ଟିମ ଚଢାଉ କରିଛି । ଜି.ପି.ଓ. ଗୋବିନ୍ଦ ଭୋଇଙ୍କ କଣ୍ଟାବାଞ୍ଜି  ପଟେଲ କଲୋନି ସହ ଖପ୍ରାଖୋଲ ବ୍ଲକ ଧଣ୍ଡାମୁଣ୍ଡା ଗାଁ ସ୍ଥିତ ପୈତୃକ ଘର, ମୁରିବାହାଲ , ତୁରେକେଲା ବ୍ଲକ କାର୍ଯ୍ୟାଳୟ ସହ ତାଙ୍କ ପୁଅ ଖୋଲିଥିବା ଏକ ଫଟୋ ଷ୍ଟୁଡିଓରେ ଭିଜିଲ୍ଲାନ୍ସ ଚଢାଉ କରିଥିଲା । ଏକକାଳୀନ ୫ ଟି ସ୍ଥାନରେ ଭିଜିଲାନ୍ସ ଚଢାଉ କରିଥିବା ବେଳେ  ଆୟ ବହିର୍ଭୁତ ଠୁଲ କରିଥିବା ଅଭିଯୋଗରେ ଏହି ଚଢାଉ ହୋଇଥିବା ବଲାଙ୍ଗିର ଭିଜିଲାନ୍ସ ଡିଏସଡି ସଦାନନ୍ଦ ପାଣୀ ସୁଚନା ଦେଇଛନ୍ତି । ଖବର ଲେଖାଯିବ ପର୍ଯ୍ୟନ୍ତ ଭିଜିଲାନ୍ସ ଟିମ ଶ୍ରୀ ଭୋଇ ଏବଂ ଦୁଇ ପୁଅ, ସ୍ତ୍ରୀ ନାଁରେ ଥିବା ବିଭିନ୍ନ ବ୍ୟାଙ୍କ ଆକାଉଣ୍ଟ, ଘରେ କେତେ ଦୁଇ ଓ ଚାରି ଚକିଆ ଅଛି, ଯେଉ ଘରେ ସେ ରହୁଛନ୍ତି ତାର ମୁଲ୍ୟ ଭଲି ଅନେକ ସମ୍ପତିର ନିକିନିଖୀ ଯାଂଚ କରାଯାଇଥିଲା । ଦିର୍ଘ ବର୍ଷ ପରେ କଣ୍ଟାବାଞ୍ଜି ସହରରେ ଏଭଲି ଏକ ବଡ ଧରଣର ଭିଜିଲାନ୍ସ ଚଢାଉ ହୋଇଥିବା ବେଳେ ଦୁର୍ନିତି କରୁଥିବା ଅଫିସର, ଅଧିକାରି ମାନଙ୍କ ମଧ୍ୟରେ କୋକୁଆ ଭୟ ଦେଖିବାକୁ ମିଲିଛି ।