22-Jul-2021

ଭୁବନେଶ୍ବର (ପ୍ରେରଣା ଖବର) : ତୃତୀୟ ଲହର ପାଇଁ ଓଡିଶା ସରକାର ସମ୍ପୂର୍ଣ ପ୍ରସ୍ତୁତି ଶେଷ କରି ସାରିଛନ୍ତି l ଗତ ଜୁନ୍ 17 ତାରିଖରେ  ଏକ ସ୍ୱତନ୍ତ୍ର ଗାଇଡଲାଇନ ପ୍ରସ୍ତୁତ କରାଯାଇ ସମସ୍ତ ଜିଲ୍ଲାପାଳ ଏବଂ ମେଡିକାଲ କଲେଜ ଗୁଡିକୁ ନିର୍ଦେଶ ଦିଆଯାଇଛି ବୋଲି ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ସୂଚନା ଦେଇଛନ୍ତି lଶିଶୁ ମାନେ ଅଧିକ ପ୍ରଭାବିତ ହେବାର ଆଶଙ୍କା ଥିବାରୁ ଡିଏମଇଟିଙ୍କ ନେତୃତ୍ୱରେ ଏକ କମିଟି ଗଠନ କରାଯାଇଛି. ଶିଶୁଙ୍କ ପାଇଁ 1610 ଜେନେରାଲ ବେଡ଼, 610 ଆଇସିୟୁ ଏବଂ ଶିଶୁ ଭବନରେ ସ୍ୱତନ୍ତ୍ର କୋଭିଡ ବ୍ଲଗ ଖୋଲାଯାଇଛି. ଶିଶୁ ମାନଙ୍କ କ୍ଷେତ୍ରରେ ଅଧିକ ସଂକ୍ରମଣ ବଢିଲେ କୋଭିଡ କେୟାର ସେଣ୍ଟର ଖୋଲିବାକୁ ନିଷ୍ପତ୍ତି ନିଆଯାଇଛି. ପ୍ରତି ସିଏଚସିରେ ଅତି କମରେ 2 ରୁ 4 ଟି ଶିଶୁ ମାନଙ୍କ ପାଇଁ ବେଡ଼ ବ୍ୟବସ୍ଥା କରାଯାଇଛି. ଏହା ସହ ସମସ୍ତ 7 ଟି ମେଡିକାଲ କଲେଜରେ 64 ଟି ଏନଆଇସିୟୁ ଏବଂ 155 ଆଇସୋଲେସନ ବେଡ଼ ପ୍ରସ୍ତୁତ କରାଯାଇଛି. ସବୁ ଜିଲ୍ଲା ସଦର ମହକୁମା ହସ୍ପିଟାଲରେ ଶିଶୁ ମାନଙ୍କ ପାଇଁ ଆଇସିୟୁର ବ୍ୟବସ୍ଥା କରିବାକୁ ନିର୍ଦେଶ ଦିଆଯାଇଛି. ସବୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦରେ ଷ୍ଟାଫ ନର୍ସ ଏବଂ ଡାକ୍ତରମାନଙ୍କୁ ପ୍ରଶିକ୍ଷଣ ପାଇଁ ବ୍ୟବସ୍ଥା କରାଯାଇଛି. ପରିସ୍ଥିତି ଉପରେ ତୀକ୍ଷଣ ନଜର ରଖିବାକୁ ଅଙ୍ଗନବାଡି ଏବଂ ଆଶା କର୍ମୀଙ୍କୁ ନିର୍ଦେଶ ଦିଆଯାଇଛି ବୋଲି ମନ୍ତ୍ରୀ ଶ୍ରୀ ଦାସ କହିଛନ୍ତି l

କେନ୍ଦ୍ର ସରକାର ତୃତୀୟ ଲହର ମୁକାବିଲା ପାଇଁ ରାଜ୍ୟକୁ 861 କୋଟି ଟଙ୍କା ଦେଇଛନ୍ତି. ଆକ୍ସିଜେନ, ଶିଶୁ ମାନଙ୍କ ବିଭାଗ, ଆଇସିୟୁ, ପିଏଚସି ଏବଂ ଆରଟି - ପିସିଆରରେ ଖର୍ଚ୍ଚ କରିବାକୁ କହିଛନ୍ତି. ଏହି ଟଙ୍କାକୁ କେନ୍ଦ୍ର ସରକାର ଆମକୁ 40/60 ରେସିଓରେ ଆମକୁ ଯୋଗାଇ ଦେଇଛନ୍ତି. ଯାହା ଟଙ୍କା ପ୍ରଯ୍ୟାୟ କ୍ରମେ କେନ୍ଦ୍ରରୁ ଆସିବ ସେଥିରେ ଆମେ ଯାହା କାର୍ଯ୍ୟକ୍ରମ ଆମର ରହିଛି ତାହାକୁ ତ୍ୱରାନ୍ୱିତ କରିବୁ. ଶିଶୁ ମାନଙ୍କ ପାଇଁ ଆଇସିୟୁ, ବେଡ଼,ବ୍ୟବସ୍ଥା ଅଧିକ କରାଯିବ.  ମେଡ଼ିସିନ ଠୁ ନେଇ ପ୍ରତ୍ୟେକ ବ୍ୟବସ୍ଥା ମହଜୁଦ ରଖିବା ନିମନ୍ତେ ସବୁ ସିଡ଼ିଓଙ୍କୁ ନିର୍ଦେଶ ଦିଆଯାଇଛି. ତୃତୀୟ ଲହରକୁ ସମ୍ପୂର୍ଣ ଭାବେ ନିୟନ୍ତ୍ରଣ କରିବାକୁ ଆମେ ଆଶା ରଖିଛୁ ବୋଲି ସ୍ୱାସ୍ଥ୍ୟ ମନ୍ତ୍ରୀ ନବ ଦାସ, କହିଛନ୍ତି l