21-Jul-2021

କେନ୍ଦ୍ରାପଡା (ପ୍ରେରଣା ଖବର) :; ସାମ୍ବାଦିକ ପୋଲିସ ବିବାଦ ଯେମିତି ଏସ୍ ପି କାର୍ଯ୍ୟାଳୟର ପିଛା ଛାଡୁନି | ପୁଣି ସେହି ମାସ୍କ ପିନ୍ଧା କୁ ନେଇ ବିବାଦ ଘେରରେ କେନ୍ଦ୍ରାପଡା ଜିଲ୍ଲା ପୋଲିସ କାର୍ଯ୍ୟାଳୟ l ସୋସିଆଲ ମିଡିଆରେ ଏକ ପୋଷ୍ଟକୁ କେନ୍ଦ୍ର କରି କେନ୍ଦ୍ରାପଡାର ଜଣେ ୱେବ ଚ୍ୟାନେଲର ସାମ୍ବାଦିକଙ୍କୁ ଦୁର୍ବ୍ୟବହାର ସହିତ ସର୍ବସାଧାରଣ ସମ୍ମୁଖରେ ମହିଳା ରିଜର୍ଭ ପୋଲିସ କନେଷ୍ଟବଳ ପିନୂ ନାୟକ ଚାପୁଡ଼ା ମରିଛନ୍ତି ଆଉ ମତେ ଚିହ୍ନି ନାହିଁ ବୋଲି କହୁଛନ୍ତି l  ସାମ୍ବାଦିକ ଜଣକ ଚାଲି ଯିବାରୁ ପଛରେ ଗୋଡାଉ ଥିବା ଦ୍ରୁଶ୍ୟ ସୋସିଆଲ ମିଡିଆରେ ବର୍ତ୍ତମାନ ଘୁରିବୁଲୁଛି l କେନ୍ଦ୍ରାପଡା ଏସ୍ ପି ଙ୍କ କାର୍ଯ୍ୟାଳୟ ସମ୍ମୁଖରେ ବିଜେପି ପକ୍ଷରୁ ଧାରଣା ଦିଆଯାଇଥିଲା ଓ ସାମ୍ବାଦିକ ଭୀମସେନ ସେଠି ଧାରଣା ସ୍ଥଳକୁ ଖବର ସଂଗ୍ରହ କରିବାକୁ ଯାଇ ମହିଳା କନେଷ୍ଟବଳ ମାକ୍ସ ପିନ୍ଧି ନଥିବା ଫଟୋକୁ ସୋସିଆଲ ମିଡିଆରେ ଛାଡି ଦେଇଥିଲେ l ଏହି ଘଟଣାରେ ଖପ୍ପା ହୋଇ ମହିଳା କନେଷ୍ଟବଳ ଉକ୍ତ ସାମ୍ବାଦିକଙ୍କୁ କଲରକୁ ଟାଣି ମାଡ ମାରି ଥିଲେ l ଘଟଣାକୁ ରାଜ୍ଯର ବିଭିନ୍ନ ସ୍ଥାନରେ ଗଣମାଧ୍ୟମ ସଂଘ ତୀବ୍ର ନିନ୍ଦା କରିବା ସହ ମହିଳା କନେଷ୍ଟବଳଙ୍କୁ ନିଲମ୍ବନ ଦାବି କରିଛନ୍ତି