21-Jul-2021

ଉଲୁଣ୍ଡା, (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଲସ୍ତଲା ଶ୍ରୀ ଜଗନ୍ନାଥଙ୍କ ନଅଦିନ ବ୍ୟାପି ଅନୁଷ୍ଠିତ ରଥଯାତ୍ରା  ଉତ୍ସବ ଏଥର କୋଭିଡ କଟକଣା ଯୋଗୁଁ କେବଳ ନିତୀକାନ୍ତିରେ ସମ୍ପନ୍ନ ହୋଇଛି । ରଥଯାତ୍ରା ଦିନ ଶ୍ରୀଜିଉ ପରମ୍ପରା କ୍ରମେ ନିରାଡମ୍ବର ଭାବରେ ଅତିଥି ହୋଇ ନିକଟ ସିନ୍ଦ୍ରିଆବାହାଲ ଗ୍ରାମ ମାଉସୀ ଘରକୁ ଯାଇଥିଲେ । ସେଠାରେ ଗ୍ରାମବାସୀ ଏଥର କୌଣସୀ ଉତ୍ସବର ଆୟୋଜନ ନକରି ସିମିତ ସେବକଙ୍କୁ ନେଇ ନଅଦିନ ଧରି ଅପରାହ୍ନ ସମୟରେ ବିଭିନ୍ନ ବେଷ କରିଥିଲେ । ବାହୁଡା ଦିନ ମଧ୍ୟ ଠାକୁରଙ୍କୁ ଶୋକାକୁଲ ପରିବେଷରେ ସିନ୍ଦ୍ରିଆବାହାଲ ଗ୍ରାମବାସୀ ବିଦାୟ ଦେଇଥିଲେ ।  ଆଜି ପ୍ରଭୁଙ୍କୁ ରତ୍ନ ସିଂହାସନରେ ବିଜେ କରାଯାଇଛି ।  ଏ ଉପଲକ୍ଷେ ଆଜି ତୁଲସୀ ରାମାୟଣ ଅନନ୍ତମୁଖି ପାରାୟଣ ସହ ବିଶ୍ୱସାନ୍ତି ହୋମ ସହ ପୁର୍ଣ୍ଣାହୁତୀ ହୋଇଥିଲା । ପଦ୍ମନାଭ ପୁଝାରୀ, ଦିଲ୍ଲିପ ପୁଝାରୀ, ଚିତରଂଜନ ପୁଝାରୀ, ପୁଜାର୍ଚନା କରିଥିବା ବେଳେ ଜନାର୍ଦନ ପୁଝାରୀଙ୍କ ସମେତ ସମସ୍ତ ଗ୍ରାମବାସୀ ସହଯୋଗ କରିଥିଲେ ।