21-Jul-2021

କଣ୍ଟାବାଞ୍ଜି (ପ୍ରେରଣା ଖବର ବ୍ୟୁରୋ):  ବଲାଙ୍ଗୀର ଜିଲ୍ଲା କଣ୍ଟାବାଞ୍ଜିରେ ଅସାମାଜିକ ବ୍ୟକ୍ତିଙ୍କ ବେଆଇନ କାମ କୁ ନେଇ ଗତକାଲି ପ୍ରେରଣା ନିଉଜ୍ ପୋର୍ଟାଲରେ  ଖବର ପ୍ରସାରଣ ହୋଇଥିଲା l ଆଜି କଣ୍ଟାବାଞ୍ଜି ବନବିଭାଗକୁ ଚେତା ପଶିଛି ଓ କଟା ଗଛକୁ ଜବତ କରାଯାଇଛି l କିନ୍ତୁ ପ୍ରଶ୍ନ ଯୋଗ୍ୟ ଯେ ସ୍କୁଲର ଶିକ୍ଷକ ନଥାଇ ଚାବି କାହା ଠାରୁ ଆଣି କଟା ଗଛ ଜବତ କରାଯାଇଛି ତାହା ସଂପୂର୍ଣ୍ଣ ଭାବେ ଜଣା ପଡିନି, 
   ଅନ୍ୟ ପକ୍ଷରେ ସ୍ଥାନୀୟ ମହିଳା ମାନେ ଏହି  କାର୍ଯ୍ୟକୁ ବିରୋଧ କରି ସୂଚନା ଦେଇଛନ୍ତି ଯେ ବନବିଭାଗ ପକ୍ଷରୁ ଯଦି ଉଚିତ ପଦକ୍ଷେପ ନ ନିଆଯାଏ ତେବେ ବନବିଭାଗ ବିରୁଦ୍ଧରେ ସ୍ୱର ଉତ୍ତୋଳନ କରାଯିବ ବୋଲି ଫୋନ ଯୋଗେ ଜଣାଇଛନ୍ତି l ଏ ଦିଗରେ ବିଧାୟକ ସନ୍ତୋଷ ସିଂ ସାଲୁଜା କାହା ସପକ୍ଷରେ ରହିବେ ତଥା ପୂର୍ବ ବିଧାୟକ ଆୟୁବ ଖାଁ ମଧ୍ଯ କାହା ସପକ୍ଷରେ ରହିବେ, ପୁରାତନ ସ୍କୁଲ କଣ୍ଟାବାଞ୍ଜିର ସ୍ମୃତିକୁ ବଞ୍ଚାଇବା ପାଇଁ ନା ସ୍ମୃତି କୁ ମେଣ୍ଟାଇବା  ତାହା ଦେଖିବାକୁ ବାକି ରହିଲା l ତେବେ ଗଛ କାଟିବା ବିରୋଧରେ କାର୍ଯ୍ୟାନୁଷ୍ଠାନ ବର୍ତ୍ତମାନ ସୁଦ୍ଧା ନେଇ ନଥିବା ବେଳେ ଅସାମାଜିକ ବ୍ୟକ୍ତି ମାନଙ୍କ ନେତା ମାନଙ୍କ ନିକଟରେ ଗୁହାରି କରା ଚାଲିଛି ବୋଲି ବିଶେଷ ସୂତ୍ରରୁ ଜଣାପଡିଛ l ତେବେ ଫରେଷ୍ଟର ବିନୋଦ ବିହାରୀ ଧରୁଆ ମଧ୍ୟ ଚାବି ବିଷୟ ରେ ପଚାରିବାରୁ ସଠିକ ଉତ୍ତର ଦେଇନାହାନ୍ତି, ଶ୍ରମିକ ମାନେ ମଧ୍ଯ କ୍ୟାମେରା ସମ୍ମୁଖରେ ମୁହଁ ଖୋଲି ନ ଥିଲେ l

ଯଦି ବିନା ଅନୁମତିରେ ଗଛ କଟାଯାଏ ଓ ସରକାରୀ ସ୍ତରରେ କୌଣସି ଆଖିଦୃଶିଆ ପଦକ୍ଷେପ ଗ୍ରହଣ କରାନଯାଏ ତେବେ ସରକାରୀ ଭାଷାରେ ବନ ବିଭାଗ କର୍ମଚାରୀ ମାନଙ୍କୁ କଣ କୁହାଯିବା ଯୁକ୍ତିଯୁକ୍ତ ବୋଲି ଆପଣ ମାନେ ଭାବୁଛନ୍ତି,
ଗଛ କାଟିବା ବିରୋଧରେ କାର୍ଯ୍ୟାନୁଷ୍ଠାନ ନିଆଁ ଯାଉଛି ନା ଘଣ୍ଟା ଗୁଡା ଯାଉଛି ତାହା ଦେଖିବାକୁ ବାକି ରହିଲାା l