19-Jul-2021

କାଠମାଣ୍ଡୁ, (ପ୍ରେରଣା ଖବର ବ୍ୟୁରୋ) : ନେପାଳୀ କଂଗ୍ରେସର ପ୍ରମୁଖ ଶେର ବାହାଦୁର ଦେଉବା ବିଧିବଦ୍ଧ ଭାବେ ନେପାଳର ନୂଆ ପ୍ରଧାନମନ୍ତ୍ରୀ ହୋଇଛନ୍ତି। ରବିବାର ପ୍ରତିନିଧି ସଭା ବୈଠକରେ ଆସ୍ଥା ଭୋଟ୍‌ରେ ବିଜୟୀ ହୋଇଛନ୍ତି ଶେର ବାହାଦୁର । ୨୭୧ ସିଟ୍‌ ବିଶିଷ୍ଟ ସଂସଦରେ ତାଙ୍କ ସମର୍ଥନରେ ୧୬୫ ସାଂସଦ ଭୋଟ୍‌ ଦେଇଥିବା ଜଣାପଡ଼ିଛି। ୧୨ ଜୁଲାଇରେ ସୁପ୍ରିମକୋର୍ଟଙ୍କ ନିର୍ଦେଶ କ୍ରମେ ୧୩ ଜୁଲାଇରେ ଦେଉବାଙ୍କୁ ପ୍ରଧାନମନ୍ତ୍ରୀ ନିଯୁକ୍ତ କରାଯାଇଥିଲା। ୨୧ ମେ’ରେ ଭଙ୍ଗ ହୋଇଥିବା ପ୍ରତିନିଧି ସଭାକୁ ସୁପ୍ରିମକୋର୍ଟ କାର୍ଯ୍ୟକ୍ଷମ ମଧ୍ୟ କରାଇଥିଲେ। ସେପଟେ ଓଲିଙ୍କ ସପକ୍ଷରେ ସମର୍ଥନରେ ୨୩ ସାଂସଦ ଏବଂ ୧୨ ମନ୍ତ୍ରୀ ମତଦାନ କରିଛନ୍ତି।  ତେବେ ନେପାଳର ନୂଆ ପ୍ରଧାନମନ୍ତ୍ରୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି।