11-Jul-2021

ସୋନପୁର(ମନୋରଞ୍ଜନ ତ୍ରିପାଠୀ) : ସୁବର୍ଣ୍ଣପୁର ସଦର ମହକୁମାର କୋଭିଡ୍-୧୯ର ସମ୍ମୁଖ ଯୋଦ୍ଧାମାନଙ୍କୁ କ୍ରେଡିଟ୍ ଆକ୍ସେସ୍ ଗ୍ରାମୀଣ ସଂସ୍ଥା ପକ୍ଷରୁ ସୁରକ୍ଷା ସାମଗ୍ରୀ ବିତରଣ କରାଯାଇଛି । ସଂସ୍ଥାର ସତ୍ୟ ନାରାୟଣ ପଟ୍ଟନାୟକଙ୍କ ନେତୃତ୍ବରେ ସୁବର୍ଣ୍ଣପୁର ର ପୋଲିସ ଓ କାର୍ଯ୍ୟରତ ସାମ୍ବାଦିକଙ୍କୁ ମାସ୍କ,ସାନିଟାଇଜର୍ ପରି ବିଭିନ୍ନ  ସୁରକ୍ଷା ସାମଗ୍ରୀ ସବୁ ବଣ୍ଟନ କରାଯାଇଛି । ଏହି ବିତରଣ କାର୍ଯ୍ୟକ୍ରମରେ ସଂସ୍ଥାର ନରସିଂହ ସାହୁ ଓ ବିଜୟ ନାୟକ ପ୍ରମୁଖ ସହଯୋଗ କରିଥିଲେ । ବିଗତ ବର୍ଷରୁ ଲାଗି ରହିଥିବା କରୋନା ସମୟରେ ସାମାଜିକ ଦାୟିତ୍ବ ନେଇ ଉଭୟ ସାମ୍ବାଦିକ ଓ ପୋଲିସ ଉତ୍ସର୍ଗୀକୃତ ସେବା ଓ  ଉଲ୍ଲେଖନୀୟ କାର୍ଯ୍ୟ କରୁଥିବାରୁ ସଂସ୍ଥା ତରଫରୁ କୋଭିଡ୍ ର ସମ୍ମୁଖ ଯୋଦ୍ଧାଙ୍କୁ ଉତ୍ସାହ ପ୍ରଦାନ   କରାଯାଇଛି । ଏବଂ ଉକ୍ତ ଗ୍ରାମୀଣ ସଂସ୍ଥା କୁ ମଧ୍ୟ  ବୁଦ୍ଧିଜୀବୀ ମହଲ ରେ ପ୍ରଶଂସା କରାଯାଇଛି l