10-Jul-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା  ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ପାତାଳି ଶ୍ରୀକ୍ଷେତ୍ରରେ ଆଜି  ଚତୁର୍ଦ୍ଧାମୂର୍ତ୍ତି  ନବଯୌବନ ବେଶରେ ଦର୍ଶନ ଦେଇଛନ୍ତି । ଦେବସ୍ନାନ ପୁର୍ଣ୍ଣୀମାରେ ୧୦୮ ଗରା ସୁବାଶିତ ଜଳରେ ସ୍ନାନ ପରେ ଠାକୁର  ଅସୁସ୍ଥ ହୋଇ ଅନବସରରେ ରହିଥିଲେ ।  ଆଜି ପଂଚମୁଲ, ଦଶମୁଲ, ଫଲମୁଳାଦି ସେବା ପରେ ପବିତ୍ର ନେତ୍ରୋତ୍ସବରେ ନବ ଯୌବନ ଦର୍ଶନ ଦେଇଛନ୍ତି । ହେଲେ କୋଭିଡ କଟକଣା ଯୋଗୁଁ ନବେଯøବନ ଦର୍ଶନ ଭକ୍ତଙ୍କୁ ବାରଣ  କରାଯାଇଥିବାରୁ ନିରାଶ ହୋଇ ଫେରିଯାଇଥିବା ଦେଖିବାକୁ ମିଲିଛି । ପଣ୍ଡିତ ବିଶେଶ୍ୱର ପାଢୀ, ଦେବାର୍ଚନ ଦାସ, ଗୁଣାକର ପଣ୍ଡା ହୋମଯଜ୍ଞ ସହ ପୁଜାକାର୍ଯ୍ୟ ସଂପାଦନ କରିଥିବା ବେଳେ ଟ୍ରଷ୍ଟର ସମସ୍ତ ସଦସ୍ୟ ସହଯୋଗ କରିଥିଲେ । ସେହିପରି ଉଲୁଣ୍ଡା ସଦର ସ୍ଥିତ ଜଗନ୍ନାଥ ମନ୍ଦିରରେ ଜଗନ୍ନାଥଙ୍କ ନେତ୍ରୋତ୍ସବ ଓ ନବଯୌବନ ଦର୍ଶନ ସିମିତ ସେବକଙ୍କୁ ନେଇ ସମ୍ପନ୍ନ ହୋଇଯାଇଛି । ମୁଖ୍ୟ ସେବକ ଦଶରଥ ମହାପାତ୍ର ପାରମ୍ପରିକ ପୁଜାର୍ଚ୍ଚନା କରିଥିବା ବେଳେ ପରିଚାଳନା ପରିଷଦର ସମସ୍ତ ସଦସ୍ୟ ସହଯୋଗ କରିଥିଲେ ।