10-Jul-2021

ବିନିକା (ହିମାଂଶୁ ଶେଖର ପୁଟେଲ) : ସୁବର୍ଣ୍ଣପୁର ଜିଲ୍ଲାର ବିନିକା ସହର ଗଡ଼ଭିତରପଡା ସ୍ଥିତ ଜଗନ୍ନାଥ ମନ୍ଦିରରେ ମହାପ୍ରଭୁ ଜଗନ୍ନାଥଙ୍କ ନବଯୌବନ ଦର୍ଶନ ଓ ନେତ୍ରୋତ୍ସବ କୋଭିଡ଼ କଟକଣା ନିୟମ ଅନୁଯାୟୀ ପାଳିତ ହୋଇଯାଇଛି l  ସର୍ବପୁରାତନ ୧୨୩୦  ମସିହାରେ ନିର୍ମିତ ଜଗତର ନାଥ ଜଗନ୍ନାଥଙ୍କ ମନ୍ଦିରରେ   ପ୍ରଭୁ ଜଗନ୍ନାଥ,ବଳଭଦ୍ର ଓ ସୁଭଦ୍ରାଙ୍କ ପୂଜାର୍ଚ୍ଚନା ନିତିକାନ୍ତି ଅନୁସାରେ କରାଯାଇଥିଲା l ଏହା ବ୍ୟତୀତ ନିତ୍ୟ ଆଳତି,ଖେଚୁଡ଼ି, କ୍ଷୀରି, ପିଠା ଭୋଗ ଆଦି ପ୍ରଭୁ ଜଗନ୍ନାଥଙ୍କ ପାଇଁ କରାଯାଇଥିଲା l ମନ୍ଦିର ପୂଜକ ହରିହର

ପୂଜାରୀଙ୍କ ପ୍ରତ୍ୟକ୍ଷା ତତ୍ତ୍ଵାବଧାନରେ ଅନୁଷ୍ଟିତ ଶ୍ରୀଜୀଉଙ୍କ ନବଯୌବନ ଦର୍ଶନ ଓ ନେତ୍ରୋତ୍ସବ ଦେଖିବା ପାଇଁ ଭକ୍ତମାନେ କୋଭିଡ଼ ନିୟମାନୁଯାଇ କରିଥିଲେ l ଏହି କାର୍ଯ୍ୟକ୍ରମରେ ମଧୁସୂଦନ ଦାଶ, ନାରାୟଣ ପାଢ଼ୀ, ଉମା ଷଡ଼ଙ୍ଗୀ, ଘଡିଗୋପାଳ ପଣ୍ଡା, ଶୀତଳ ପ୍ରସାଦ ମହାକୁର, ସ୍ଵାଧୀନ ମିଶ୍ର, ସୋମନାଥ ମିଶ୍ର, ହଲାୟୁଦ ମିଶ୍ର ପ୍ରମୁଖଙ୍କ ସମେତ ସୀମିତ ସଂଖ୍ୟାରେ ସେବାୟତ ଓ ଭକ୍ତ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ l