28-Sep-2020

କୁସମେଲ ଗାଁ ରେ ଗୋହତ୍ୟା ଅଭିଯୋଗ
ଜଣେ ଗିରଫ, ୪ଜଣ ଫେରାର
ବଲାଙ୍ଗୀର,୨୮/ଠ୯(ମହେନ୍ଦ୍ର କୁମାର ଦର୍ଜି )  ହିନ୍ଦୁ ଧର୍ମରେ ଗାଈକୁ ଆମେ ଗୋମାତା ଭାବରେ ପୂଜା କରୁ । କିନ୍ତୁ କିଛି ଅମାନୂଷିକ ଓ ଅଧର୍ମୀ ମଣଷ ଆଜି ହିନ୍ଦୁ ଧର୍ମର ଏହି ପବିତ୍ର ଜୀବ ଗୋମାତାକୁ ମାରି ମାଂସ ଖାଇବାକୁ ମଧ୍ୟ ପଛାଉ ନାହାନ୍ତି । ବଲାଙ୍ଗୀର ଜିଲ୍ଲାର ବିଭିନ୍ନ ସ୍ଥାନରେ ଏପରି ହିନ୍ଦୁ ଧର୍ମ ବିରୋଧୀ କାମ ଚାଲିଥିବା ବେଳେ ଏପରି ଘୃଣିତ କାରବାରକୁ ଆମ ସମାଜରୁ ବନ୍ଦ କରାଯାଇ ପାରି ନାହିଁ । ଏପରି କିଛି ଧର୍ମବିରୋଧୀ କାମ ଦେଖିୁବାକୁ ମିଳିଛି ବଲାଙ୍ଗୀର ଜିଲ୍ଲାରେ । ବଲାଙ୍ଗୀର ସଦରଥାନା ଅନ୍ତର୍ଗତ କୁସମେଲ ଗାଁ ର ସୁକତେଲ ନଦୀ ଭିତରେ ଗାଈମାଂସ କଟାଯାଉଥିବା ଗ୍ରାମବାସୀ ଅଭିଯୋଗ କରିବା ପରେ ସଦର ପୋଲିସ ଏହି ମାଲାରେ ଜଣକୁ ଗିରଫ କରିଛି ।  ଗିରଫ ଅଭିଯୁକ୍ତ ଜଣକ କେସନ ନାଗ ବୋଲି ଜଣାପଡିଛି । କେସନ ନାଗ ସହ ଗାଈ ମାଂସ କଟାରେ ସଂପୃକ୍ତ ଥିବା ଆଉ ୪ଜଣ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଗାଈର ମୃତଦେହକୁ ବ୍ୟବଛେଦ ପରେ ପୋତି ଦିଆଯାଇଥିବା ସଦର ଥାନା ଅଧିକାରୀ ତୁଫାନ ବାଗ କହିଛନ୍ତି । ଗତ କାଲି ରାତି ପ୍ରାୟ ସାଢ଼େ ୧ଠଟାରେ ସୁକତେଲ ନଦୀ ଭିତରେ ଲଙ୍କାବାହାଲରୁ ଆଣିଥିବା ଏକ ଗାଈକୁ କାଟୁଥିବା ବେଳେ ଗ୍ରାମବାସୀ ପହଂଚି କେସନକୁ କାବୁ କରିବା ସହ ସଦର ପୋଲିସକୁ ଖବର ଦେଇଥିଲେ । ସଦର ଥନା ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଫେରାର ଥିବା ୪ଜଣଙ୍କୁ ତୁରନ୍ତ ଗିରଫ କରିବା ପାଇଁ ବଜରଙ୍ଗ ଦଳ ଓ ବିଶ୍ୱ ହିନ୍ଦୁ ପରିଷଦ ପକ୍ଷରୁ ବଲାଙ୍ଗୀର ଏସ୍‌ପିଙ୍କ ଠାରେ ଦାବି କରାଯାଇଛି ।