09-Jul-2021

ବିନିକା (ହିମାଂଶୁ ଶେଖର ପୁଟେଲ) : ବିନିକା ବିଜ୍ଞାପିତ ଅଂଚଳ ପରିଷଦର ସର୍ବାଙ୍ଗୀନ ଉନ୍ନତି ତଥା ଏକ ବିକଶିତ ସହରରେ ପରିଗଣିତ କରିବା ପାଇଁ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ଉପରେ ପଦକ୍ଷେପ ଗ୍ରହଣ କରାଯାଇଥିବା ଜଣାପଡ଼ିଛି l ଏନେଇ ମାନ୍ୟବର ଯୋଜନା ସମନ୍ମୟ,ପରିବହନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରା ସ୍ଥାନୀୟ ଏନଏସି ପ୍ରଶାସକ ତଥା ବୀରମହାରାଜପୁର ଉପଜିଲ୍ଲାପାଳ ଅଶୋକ କୁମାର ଭୋଇଙ୍କ ସହ ଆଲୋଚନା କରି ଏହାର ଅଗ୍ରଗତି ଉପରେ ଗୁରୁତ୍ୱ ଦେଇଥିଲେ l ଉନ୍ନୟନ କାର୍ଯ୍ୟକ୍ରମ ଗୁଡ଼ିକ ମଧ୍ୟରେ  ବିନିକା ମାଟିର ଗୌରବ ପ୍ରଖ୍ୟାତ ଅଭିନେତା,ନାଟ୍ୟକାର,ଗୀତିକାର ତଥା ଔପନ୍ୟାସିକ ସ୍ବର୍ଗତ ଅଟଳ ବିହାରୀ ପଣ୍ଡା(ଶଲାବୁଡ଼ା)ଙ୍କ ପ୍ରତିମୂର୍ତ୍ତି ଓ ଅଟଳ ଭବନ ବିନିକା ଏନଏସିରେ ନିର୍ମାଣ,ଦୃତଗତିରେ ଚାଲିଥିବା ବିଜୁ ପଟ୍ଟନାୟକ ମାର୍କେଟ କମ୍ପ୍ଲେକ୍ସ ଉପର ମହଲାରେ ନିର୍ମାଣ କାର୍ଯ୍ୟ ଶୀଘ୍ର ସମ୍ପୂର୍ଣ୍ଣ କରିବା ଦିଗରେ ପଦକ୍ଷେପ, ସହୀଦ ଗୁରୁବାରି ମେହେର ମାର୍କେଟ କମ୍ପ୍ଲେକ୍ସର ନିର୍ମାଣ କାର୍ଯ୍ୟ ଆରମ୍ଭ ହୋଇ 6ମାସ ମଧ୍ୟରେ ସଂପୂର୍ଣ୍ଣ କରିବାକୁ ପଦକ୍ଷେପ,ମହାନଦୀ ବ୍ରିଜ ନିକଟରେ ସ୍ମାର୍ଟ କ୍ରୀମିଟରିଅମ କାର୍ଯ୍ୟକ୍ଷମ ଖୁବ ଶୀଘ୍ର,ପର୍ଯ୍ୟଟନ ସ୍ଥଳୀ ପାପକ୍ଷୟ ନିକଟରେ ନିର୍ମାଣାଧୀନ ସ୍ମାର୍ଟ ପାର୍କ ବିଷୟରେ ସମୀକ୍ଷା,ପୁରୁଣା ପୂର୍ତ୍ତବିଭାଗ ଡାକବଙ୍ଗଳା ମାର୍କେଟ କମ୍ପ୍ଲେକ୍ସ ନିର୍ମାଣ ପାଇଁ ନିଷ୍ପତ୍ତି,ବିନିକା ଦୈନିକ ବଜାରରୁ କଂସେଇ ଖାନାକୁ ଅନ୍ୟତ୍ର ସ୍ଥାନାନ୍ତରିତ,ଇଣ୍ଡୋର ହବ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା,ନୂତନ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ର ଉଦଘାଟନ ପାଇଁ ନିଷ୍ପତ୍ତି,ବିନିକା ଓକିଲ ସଂଘ ଉପର ମହଲା ନିର୍ମାଣ,ଜଗନ୍ନାଥ ମନ୍ଦିର ନିକଟରେ ଥିବା ମାଁ କମ୍ୟୁନିଟିହଲ ପାର୍ଶ୍ବରେ ଉପର ମହଲା ନିର୍ମାଣ, ଏକ ସେଲଫି ପଏଣ୍ଟର ନିର୍ମାଣ(ଆଇ ଲଭ ମାଇଁ ବିନିକା) ଦୈନିକ ବଜାର ଓ ବସଷ୍ଟାଣ୍ଡରେ ଭେଣ୍ଡିଂ ଜୋନ ନିର୍ମାଣ ନେଇ ପଦକ୍ଷେପ l ଆଦି ଅନେକ ଉନ୍ନୟନମୂଳକ କାର୍ଯ୍ୟକ୍ରମ ଉପରେ ଆଲୋଚନା ହୋଇଥିଲା l ସେହିପରି ବିନିକା ବିଜ୍ଞାପିତ ଅଞ୍ଚଳ ପରିଷଦର ବିଭିନ୍ନ ସ୍ଥାନକୁ ମେଗା ପାଇପ ମାଧ୍ୟମରେ ଜଳ ଯୋଗାଣ ପାଇଁ ରାଜ୍ୟ ସରକାର ୧୨.୪୩ କୋଟି ଟଙ୍କାର ଟେଣ୍ଡର ପ୍ରକାଶ ପାଇଥିବା ବେଳେ ବିନିକା ବ୍ଲକ ଅନ୍ତର୍ଗତ ମହାଦେବପାଲି, ବାଉଁଶୁଣି,ସେଲେଡୀ,ଶଙ୍କରା,କଇନ୍ତରା,ଚରଦା ଆଦି ଗ୍ରାମପଞ୍ଚାୟତର ଜନସାଧାରଣଙ୍କୁ ମେଗା ପାଇପ ମାଧ୍ୟମରେ

ଜଳ ଯୋଗାଣ ନିମନ୍ତେ ୪୧କୋଟି ଟଙ୍କାର ଟେଣ୍ଡର ପ୍ରକ୍ରିୟା ସମାପ୍ତ ହୋଇଛି l ସମସ୍ତ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା ପରେ ଯଥା ଶୀଘ୍ର କାର୍ଯ୍ୟ ତ୍ଵରାନିତ କରିବାକୁ ମନ୍ତ୍ରୀ ଶ୍ରୀ ପଦ୍ମନାଭ ବେହେରା ନିର୍ଦ୍ଦେଶ ଦେଇଛନ୍ତି l ଅନୁଷ୍ଟିତ ଏହି ଆଲୋଚନା ରେ ବିନିକା ବିଜେଡ଼ି ନଗର ସଭାପତି ସୋମନାଥ ମିଶ୍ରଙ୍କ ସମେତ ଅଫିସ ଷ୍ଟାଫ ଓ ବିଜେଡ଼ି ସଦସ୍ୟ ଉପସ୍ଥିତ ଥିଲେ l