07-Jul-2021

ବଲାଙ୍ଗିର, ବଲାଙ୍ଗିର କରାଟେ ସ୍କୁଲ ଦେଓଗାଁ ଶାଖା ତରଫରୁ ଦେଓଗାଁ ମିନିଷ୍ଟେଡିୟମ ଠାରେ ୭୨ତମ ବନମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଦେଓଗାଁ ଶାଖାର ସଂଯୋଜକ ବଦ୍ରିନାଥ ହୋତାଙ୍କର ଅଧ୍ୟକ୍ଷତା କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ତହସିଲଦାର ଯୁଗଲ ବିଶ୍ୱାଲ ଓ ସମ୍ମାନିତ ଅତିଥି ଭାବରେ ଡେଙ୍ଗ ବିଦ୍ୟାଳୟର ପ୍ରକୃତିବନ୍ଧୁ ଶିକ୍ଷକ ତଥା ଜୁନିଅର ରେଡକ୍ରସ କାଉନସିଲର ରାମ ନାରାୟଣ ଦାଶ, ଫରେଷ୍ଟ ଗାର୍ଡ ବିପିନ ବିହାରୀ ଭୋଇ, ଡେଙ୍ଗ ବିଦ୍ୟାଳୟର ସ୍କାଉଟ ମାଷ୍ଟର ହିମାଂଶୁ ଶେଖର ବିଶ୍ୱାଲ ଯୋଗଦାନ କରିଥିଲେ । ଗଛ ବିନା ଆମେ ବଞ୍ଚିବା ଅସମ୍ଭବ । ଗଛ ନଷ୍ଟ କଲେ ପରିବେଶ ନଷ୍ଟ ହେବ । ମୃର୍ତ୍ତିକା କ୍ଷୟଠାରୁ ଆରମ୍ଭ କରି ଉତ୍ତାପ ବୃଦ୍ଧି, ପାଣି ପାଗର ଅନିୟମତା, ବନ୍ୟା, ବାତ୍ୟା ମରୁଡି ଭଳି

ପ୍ରାକୃତିକ ବିପର୍ଯୟ ବଢି ଚାଲିବ । ଏହି ସବୁ ପ୍ରକୃତିକ ଦୂର୍ବିପାକରୁ ପ୍ରାଣୀ ଜଗତକୁ ସୁରକ୍ଷିତ ରଖିବାକୁ ହେଲେ ବୃକ୍ଷ ରୋପଣ କରି  ଜଙ୍ଗଲ ସୃଷ୍ଟି ହିଁ ଏକମାତ୍ର ହିଁ ବିକଳ୍ପ ବୋଲି ଅତିଥିଗଣ ମତ ପ୍ରକାଶ କରିଥିଲେ ।  ଚାରା ବଡ ହେବା ପର୍ଯ୍ୟନ୍ତ ଉପଯୁକ୍ତ ଯତ୍ନ ନେବା ଆବଶ୍ୟକତା ଅଛି ବୋଲି ସୂଚାଇ ଥିଲେ । ପରେ ଦେଓଗାଁ ମିନିଷ୍ଟେଡିୟମ ଠାରେ ଜାମ୍ବୁ, ପଣସ, କୃଷ୍ଫଚୂଡା, ନିମ୍ବ, କନିୟର, କରଞ୍ଜ ପ୍ରଭୃତି ଗଛ ରୋପଣ କରାଯାଇଥିଲା ।  କାର୍ଯ୍ୟକ୍ରମରେ ବନ ବିଭାଗ କର୍ମଚାରିୀ ନରେନ୍ଦ୍ର ବିଶ୍ୱାଲ,  ଶରତ ଧରୁଆ, କନକ ବର୍ଦ୍ଧନ ବାରିକ, ସୁଜିତ ସାହୁ ପ୍ରମୁଖ ଉପସ୍ଥିତ ଥିଲେ । କରାଟେ ସ୍କୁଲ୍‌ର କୋଚ ତଥା ସେଂଚୁରିୟନ ବିଦ୍ୟାଳୟର ଜୁନିଅର ରେଡକ୍ରସ କାଉନସିଲର  ଚନ୍ଦ୍ରଶେଖର ସେଠ କାର୍ଯ୍ୟକ୍ରମ ପରିଚାଳନା ସହିତ ଧନ୍ୟବାଦ ଅର୍ପଣ କରିଥିଲେ ।