07-Jul-2021

ଉଲୁଣ୍ଡା,  କରୋନା ସମୟରେ ଅମ୍ଲଜାନର ଅଭାବ ଆମ ସମସ୍ତଙ୍କୁ ଚେତେଇ ଦେଇଛି ଯେ ଗଛ ଆମ ପାଇଁ କେତେ ଉପକାରୀ । ବୃକ୍ଷ ରୋପଣ ଏବଂ ସଂରକ୍ଷଣ ପରିବଶକୁ ସନ୍ତୁଳନ କରିଥାଏ । ସବୁଜ ବଲୟ ପରିବେଶ  ସମାଜର ପ୍ରଗତି ସୂଚାଇ ଥାଏ ବୋଲି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କାଇରାଝୁଲି ଉଚ୍ଚ ପ୍ରାଥମିକ ବିଦ୍ୟାଳୟରେ ଅନୁଷ୍ଠିତ ହୋଇଥିବା ଅନ୍ତିମ ଦିବସର ବନମହୋତ୍ସବ ସପ୍ତାହ ପାଳନ ଅବସରରେ ଯୋଗଦେଇଥିବା ଅତିଥି ବୃନ୍ଦ ମତ ପ୍ରକାଶ କରିଛନ୍ତି । ୨୦୨୧ ବର୍ଷ ଜୁଲାଇ ପ୍ରଥମ ସପ୍ତାହରେ ସମଗ୍ର ଦେଶ ପାଳନ କରୁଛି ୭୨ ତମ  ବନମହୋତ୍ସବ ।  ଆଜି ବୁଧବାର ଏହାର ଅନ୍ତିମ ଦିବସରେ ମୁଖ୍ୟଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ଅତିରକ୍ତ ଜିଲ୍ଲା ଶିକ୍ଷାଧିକାରୀ ଡ.ରାଧାକାନ୍ତ ଗଡତିଆ, ଉଲୁଣ୍ଡା ଗୋଷ୍ଠି ଶିକ୍ଷାଧିକାରୀ ିରାଜେନ୍ଦ୍ର କୁମାର ମିଶ୍ର, ସାମ୍ବାଦିକ କୁଶ ବଘାର ଯୋଗଦାନ କରି ବିଦ୍ୟାଳୟ ପରିସରରେ ବୃକ୍ଷରୋପଣ କରିଥିଲେ । ବୃକ୍ଷରୋପଣ ପୂର୍ବରୁ ନିମ୍ବ ଚାରା ଗୁଡିକୁ ଅତିଥିମାନଙ୍କ ଦ୍ୱାରା ପୂଜାର୍ଚ୍ଚନା କରାଯାଇଥିଲା । ବିଦ୍ୟାଳୟର ପ୍ରଧାନ ଶିକ୍ଷକ ଜନାର୍ଦ୍ଦନ ସାହୁ କାର୍ଯ୍ୟକ୍ରମରେ ସଭାପିତିତ୍ୱ କରିଥିଲେ । ଜାଲୋଏ ସିଆରସିସି ଦାଶରଥ ନାଏକ, ପରିଚାଳନା କିମିଟି ସଭାପତି ସଚିତ ଜଗଦଲା, ପରିଚାଳନା କମିଟି ବରିଷ୍ଠ ସଦସ୍ୟ ବିଶିକେଶନ ମାହାକୁର,  ସମେତ ଗ୍ରାମବାସୀ ମାନେ ବୃକ୍ଷରୋପଣ କାର୍ଯ୍ୟକ୍ରମରେ ଯୋଗଦେଇଥିଲେ । ବିଦ୍ୟାଳୟର ଜୁନିଅର ରେଡକ୍ରସ ପରାମର୍ଶଦାତା ହୁଷିକେଶ ଚାନ୍ଦଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଥିବା ବନମହୋତ୍ସବରେ  ବିଦ୍ୟାଳୟର ଶିକ୍ଷକ ସୁରେଶ ପଧାନ, ବିଭିଷଣ ଧରୁଆ , ଯିତେନ୍ଦ୍ର ପର୍ଡିଆ, କିଶାର ସାହୁ, ଶରତ ନାଏକ ଚୈତନ୍ୟ  ଜଗଦଲା, ଶିକ୍ଷାକର୍ମଚାରୀ ନରେନ୍ଦ୍ର ପଧାନ, ନିର୍ମଲ ଜଗଦଲା, ମାଗିଖିଆ ମେଣ୍ଡେଲିଙ୍କ ସମେତ କମିଟି ସଦସ୍ୟ ନାୟକ ଜଗଦଲା, ସୁବାଷ ମାହାକୁର, ବୃକ୍ଷରୋପଣ କାର୍ଯ୍ୟକ୍ରମରେ ସହଯୋଗକରିଥିଲେ । ବିଦ୍ୟାଳୟ ପରିସରରେ୧୫ଟି ନିମ୍ବ ଗଛ ସମେତ ସମୁଦାୟ ୨୫ଟି ଗଛ ଲଗାଯାଇଥିଲା । ଜିଲ୍ଲା ଜୁନିଅର ରେଡକ୍ରସର ଆହ୍ୱାନକ୍ରମେ ଗୋଟିଏ ନିମ୍ବ ଗଛକୁ ‘ବୋଧିଦୃମ’   ନାମରେ ନାମିତ କରାଯାଇଥିଲା । ପରିଶେଷରେ ପରାମର୍ଶଦାତା ହୃଷିକେଶ ଚାନ୍ଦ ଧନ୍ୟବାଦ ଅର୍ପଣ କରିଥିଲେ ।