05-Jul-2021

ବିନିକା (ହିମାଂଶୁ ଶେଖର ପୁଟେଲ) : ବିନିକା ଆଜି ଅପରାହ୍ନରେ ଗୋଡ଼ଭଗା-ବିନିକା ରାଜ୍ୟ ରାଜପଥରେ ଏକ କାର ଧକ୍କାରେ ୨ଜଣ ବାଳକ ଆହତ ହୋଇଛନ୍ତି l ବରଗଡ଼ ଜିଲ୍ଲାପାଳ ସେମାନଙ୍କୁ ଉଦ୍ଧାର କରି ବିନିକା ଡାକ୍ତରଖାନାକୁ ଚିକିତ୍ସା ପାଇଁ ପଠାଇ ମହାନତାର ପରିଚୟ ଦେଇଛନ୍ତି l ସୂଚନା ଯୋଗ୍ୟ ଯେ ବିନିକା ବ୍ଲକ ବିଶାଳପାଲି ଗ୍ରାମର ୨ଜଣ ବାଳକ ଶୁଭମ ପେରା ଓ ରୋହିତ ସୁନା ଏକ ସାଇକଲ ଯୋଗେ ଗ୍ରାମରୁ ବାହାରି ବିଶାଳ ପାଲି ଛକକୁ ଆସୁଥିଲେ l ଠିକ ସେହି ସମୟରେ ଗୋଡ଼ଭଗା ପଟରୁ ଆସୁଥିବା ଏକ କାର ମହାଦେବ ମନ୍ଦିର ନିକଟ ରାସ୍ତାରେ ଉଭୟଙ୍କୁ ଧକ୍କା ଦେବାରୁ ବାଳକ ଦ୍ୱୟ ତକେ ପଡିଯାଇ ଆହତ ହୋଇଥିଲେ l ଏତିକି ବେଳେ ବରଗଡ଼ ଜିଲ୍ଲାପାଳ ମୋନିସା ବାନାର୍ଜୀ ଦୁର୍ଘଟଣା ସ୍ଥାନରେ ପହଞ୍ଚି ବାଳକ ଦ୍ୱୟଙ୍କୁ ଉଦ୍ଧାର କରି ସେହି ଗାଡ଼ିରେ ହିଁ ବିନିକା ଡାକ୍ତରଖାନାକୁ ପଠାଇ ମେଡିକାଲ ଅଫିସରଙ୍କୁ ଫୋନ ମାଧ୍ୟମରେ ଅବଗତ  କରାଇଥିଲେ l ଉଭୟ ବାଳକ ବିନିକା ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି l ତେବେ ଜିଲ୍ଲାପାଳ ମୋନିସା ବାନାର୍ଜୀଙ୍କ ଏପରି ମହାନତାକୁ ନେଇ ସାଧାରଣରେ ଆଲୋଚନା ହେଉଛି l