05-Jul-2021

ପାଟଣାଗଡ(ପ୍ରେରଣା ଖବର) : ଦମକିପାଲି ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ପାଟଣାଗଡ ବନାଞ୍ଚଳ,ବଲାଙ୍ଗିର ବନଖଣ୍ଡ ଲରମ୍ଭା ସେକ୍ସନ ସହଯୋଗରେ ୭୨ତମ ବନ ମହୋତ୍ସବ ପାଳିତ ହୋଇଥିଲା । ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ମୁରାରୀ ପ୍ରସାଦ ଶତପଥୀ ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବରେ
ଫରେଷ୍ଟର ଶ୍ରୀଯୁକ୍ତ ଭାଗବତ ଦାଶ  ଓ ମୁଖ୍ୟବକ୍ତାଭାବେ ବନରକ୍ଷୀ ସୁନ୍ଦର ରାମ ସାଇ ଯୋଗ ଦେଇ ବୃକ୍ଷରୋପଣର ଆବଶ୍ୟକତା ସମ୍ବନ୍ଧରେ ଉଦବୋଧନ ଦେଇ ଥିଲେ  ।

ବୃକ୍ଷରୋପଣକୁ କ୍ରାନ୍ତି ଭାବରେ ଗ୍ରହଣ କରି ତାର ଉପଯୁକ୍ତ ଯତ୍ନ ପାଇଁ ସଚେତନମୂଳକ ବାର୍ତା ଦେଇଥିଲେ।  ଜୁନିୟର ରେଡକ୍ରସ୍ ପରାମର୍ଶଦାତା ତଥା ପ୍ରକୃତିବନ୍ଧୁ ସୁଶ୍ରୀ ସବିତାଭୋଇ ସଭା ପରିଚାଳନା  କରିଥିଲେ।  ନିମ୍ବ,ପଣସ, ଅଁଳା,ପିଜୁଳିଆଦି ବୃକ୍ଷ ରୋପଣ କରାଯାଇ ଥିଲା । ବନବିଭାଗର ଶ୍ୟାମସୁନ୍ଦର ସାହୁ, ଗଦିଲାଲ ସେଠି, ବିଦ୍ୟାଳୟ ପରିଚାଳନାକମିଟି ସଭାନେତ୍ରୀ ଗୀତାଞ୍ଜଳି ତାଣ୍ଡି, ଲକ୍ଷ୍ମଣ ତାଣ୍ଡି  ସହଯୋଗ କରିଥିଲେ ।