30-Jun-2021

ସମ୍ବଲପୁର, (ସଂଜୀବପାଣିଗ୍ରାହୀଙ୍କରିପୋର୍ଟ): କ୍ଷେତରାଜପୁର ଥାନା ଅନ୍ତର୍ଗତ ତାଲଭଟାପଡ଼ାଠାରେ ଘର ଭିତରୁ ଗ୍ୟାସ୍ ସିଲିଣ୍ଡର, କଟର ଓ ଏକ ମୋବାଇଲ୍ ଫୋନ୍ ଚୋରି ହୋଇଥିବା ଅଭିଯୋଗ ହୋଇଥିଲା। ସୂଚନା ଅନୁଯାୟୀ ତାଲଭଟାପଡ଼ାରେ ମୋହନ ବାଗ (୪୮) ଏକ ନୂଆ ଘର ତିଆରି କରୁଛନ୍ତି। ଗତ ଶନିବାର ରାତି ୧୨ଟାରୁ ୧୨ଟା ୩୦ ମଧ୍ୟରେ କିଛି ଦୁର୍ବୃତ୍ତ ଉକ୍ତ ଘର ଭିତରେ ପଶି ଗୋଟିଏ ଗ୍ୟାସ୍ ସିଲିଣ୍ଡର, କଟର୍ ଓ ଏକ ମୋବାଇଲ୍ ଫୋନ୍ ଚୋରି କରିନେଇଥିଲେ। ଏ ନେଇ ମୋହନ କ୍ଷେତରାଜପୁର ଥାନାରେ ରବିବାର ଲିଖିତ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା। ମଙ୍ଗଳବାର ଏହି ଘଟଣାରେ ସମ୍ପୃକ୍ତ ଥିବା ତାଲଭଟାପଡ଼ାର ମଦନ ନାଗ (୨୩) ଓ ମନୋଜ ଚୌହାନ (୨୧) ଏବଂ ମୋତିଝରଣର ନିରଞ୍ଜନ ତାଣ୍ଡି (୨୨)କୁ ପୁଲିସ ଗିରଫ କରିବା ସହ କୋର୍ଟଚାଲାଣ କରିଛି । ସେମାନଙ୍କ ଠାରୁ ଗୋଟିଏ ଭିଭୋ ମୋବାଇଲ୍, ଗୋଟିଏ ନୋକିଆ ମୋବାଇଲ, ଗୋଟିଏ ଗ୍ୟାସ୍ ସିଲିଣ୍ଡର ଓ ଗୋଟିଏ କଟର ଜବତ କରାଯାଇଛି I