29-Jun-2021

ନୟାଗଡ଼, (ପ୍ରଦୀପ କୁମାର ପଣ୍ଡା), ନୟାଗଡ ଜିଲ୍ଲା ଖଣ୍ଡପଡା ଥାନା ଅଧିନସ୍ଥ କଣ୍ଟିଲୋରେ ସକ୍ରିୟ ପଲସର ଲୁଟେରା | ଗାଡି ଡ଼ିକି ରୁ ଚୋରି କଲେ 58000 ଟଙ୍କା | କଣ୍ଟିଲୋ ଫାଣ୍ଡି ଅଧିକାରୀ ପ୍ରଫୁଲ୍ଲ କୁମାର ଦେଓ ସୂଚନା ଦେଇଛନ୍ତି ଅତିଶୀଘ୍ର ଧରା ହେବେ ଲୁଟେରା ନମ୍ବର ବିହୀନ କଳା ପଲସର ରେ ଦୁଇଜଣଙ୍କୁ ସିସିଟିଭି ଫୁଟେଜ ରୁ କଏଦ କରାଯାଇଛି | ସୂଚନା ମୁତାବକ ଭାପୁର ବ୍ଳକ ଅନ୍ତର୍ଗତ ଧାନଚେଙ୍ଗଡା ପଞ୍ଚାୟତ ମହୁଲ ବେରେଣl ଗ୍ରାମର ବାସନ୍ତୀ ରାଉତ ସୋମବାର ପୂର୍ବାହ୍ନ ରେ କଣ୍ଟିଲୋ ୟୁକୋ ବ୍ୟାଙ୍କ ଏଟିଏମ ରୁ 58000 ହଜାର ଟଙ୍କା ଉଠାଇ ଥିଲେ l ନିଜ ବାଇକ ଡ଼ିକିରେ  ଟଙ୍କା ରଖି ଘରକୁ ଫେରୁ ଥିବା ବେଳେ କଣ୍ଟିଲୋ ଯାତ୍ରାପଦା ନିକଟ ବଜାରରେ ଏକ ଦୋକାନ ସାମନାରେ ଗାଡି ରଖି ରାସ୍ତା ପାର ହୋଇ ଅନ୍ୟ ଏକ ଦୋକାନକୁ ଛତା କିଣିବାକୁ ଯାଇଥିଲେ | ହଠାତ ନାଲି ଗଞ୍ଜି ପିନ୍ଧି ଜଣେ ଯୁବକ ତାଙ୍କ ଗାଡି ଡ଼ିକି ଖୋଲି ଟଙ୍କା ନେଇ ଏକ ନମ୍ବର ବିହୀନ କଳା ପଲସର ରେ ଆଉଜଣେ ସହଯୋଗୀ ଙ୍କ ସହ ଫେରାର ହୋଇ ଯାଇଥିଲା | ଛତା କିଣି ଦମ୍ପତି ଫେରି ଦେଖିଲେ ତାଙ୍କ ଗାଡି ଡ଼ିକି ଭାଙ୍ଗି କେହି ଦୁର୍ବୁତ୍ତ ସମସ୍ତ ଟଙ୍କା ନେଇଯାଇଛି | ଏ ସଂକ୍ରାନ୍ତରେ ସେ କଣ୍ଟିଲୋ ଫାଣ୍ଡି ରେ ଅଭିଯୋଗ କରିବା ପରେ ଫାଣ୍ଡି ଅଧିକାରୀ ଘଟଣା ସ୍ଥଳରେ ପଂହଁଚି ଏକ ଦୋକାନର ସିସିଟିଭି ରୁ ସମସ୍ତ ଘଟଣା ଦେଖିବା ପରେ ତଦନ୍ତ ଆରମ୍ଭ କରିଛନ୍ତି l