27-Jun-2021

ବଲାଙ୍ଗୀର(ପ୍ରେରଣା ଖବର) - ଏବେ ସଦାଇ ପାଲି ପଞ୍ଚାୟତ ଚର୍ଚ୍ଚାରେ । ବଡ଼ ବଡିଆ ଏବଂ ବୁଦ୍ଧିଜୀବୀ ଏହି ଗ୍ରାମରେ ବସବାସ କରୁଥିବା ବେଳେ ଜୀବନ ଜୀବିକା ପାଇଁ ସଙ୍ଘର୍ଷ କରୁଥିବା ଖଟିଖିଆ , ମୂଲିଆ, ଗରିବ ଶ୍ରେଣୀ ର ଲୋକେ ପଞ୍ଚାୟତ ର କାର୍ଯ୍ୟକଳାପ ଯୋଗୁ ସୋଷିତ ହେଉଥିବା ଦେଖିବାକୁ ମିଳିଛି । ସରକାରୀ ଯୋଜନା ର ଦୁରୁପଯୋଗ ,ତଥା ମନୋମୁଖୀ କାର୍ଯ୍ୟକଳାପ ଯୋଗୁ ପଞ୍ଚାୟତ ବାସି ଅନେକ ଯୋଜନାରୁ ବଞ୍ଚିତ ହେଉଥିବା ପରିଲକ୍ଷିତ ହୁଏ । ୪ ବର୍ଷ ପୂର୍ବେ MNREGA ରେ ସଦାଇପାଲି ଗ୍ରାମର ତେଳିବନ୍ଧ ପୁନଃରୁଦ୍ଧାର ପାଇଁ ୧,୬୦,୦୦୦ ଟଙ୍କା ମଞ୍ଜୁର ହୋଇଥିବା ବେଳେ ମାତ୍ର ୮୦,୦୦୦ ଟଙ୍କା ମିଳିଲା କହି ବର୍ତମାନ ପର୍ଯ୍ୟନ୍ତ କାର୍ଯ୍ୟରେ ନିୟୋଜିତ ହୋଇଥିବା ମେସିନ ମାଲିକ ଙ୍କୁ ତାଙ୍କ ପାଉଣା ଦେଇ ନ ଥିବା ମେସିନ  ମାଲିକ ପ୍ରକାଶ କରିଥିଲେ । ତେଳିବନ୍ଧ ର ଜଳ ନିଷ୍କାସନ  ପାଇଁ ତିନି ଗୋଟି ପମ୍ପ ଲାଗିଥିଲା । ଗ୍ରାମର ଯୁବକ ସୁଧାକର ନାଏକ ଏହି ତିନି ଗୋଟି ପମ୍ପ ଲଗାଇଥିଲେ । ଘଣ୍ଟାକୁ ୧୦୦ ଟଙ୍କା ହିସାବରେ ୨୦ ଘଣ୍ଟାକୁ ୬୦୦୦ ଟଙ୍କା  ପାଇବା ପାଇଁ ହକଦାର ଥିବା ବେଳେ ବର୍ତମାନ ପର୍ଯ୍ୟନ୍ତ ମେସିନ ର ଟଙ୍କା ନ ପାଇ ପଞ୍ଚାୟତ ଦଉଡି ଦଉଡି ନୟାନ୍ତ ହୋଇସାରିଲାଣି । ଚର୍ଚ୍ଚା ହୁଏ ପୋଖରୀ ପୁନଃରୁଦ୍ଧାର କାର୍ଯ୍ୟରେ ନିୟୋଜିତ ହୋଇଥିବା ଯେ ସି ବି ମାଲିକ କୁଆଡେ ୮୦,୦୦୦ ଟଙ୍କା ମେସିନ ବାବଦକୁ ପାଇ ନାହାନ୍ତି । ତେବେ MNREGA କାର୍ଯ୍ୟରେ ଲେବର ଦ୍ଵାରା କାମ କରାଇବା ବଦଳରେ ମେସିନ ଲାଗିଲା କିପରି ତଦନ୍ତ ସାପେକ୍ଷ୍ୟ । କାମ ନ ପାଇ ପ୍ରତିବର୍ଷ ବଲାଙ୍ଗୀର ଜିଲ୍ଲାରୁ ହଜାର ହଜାର କୁଶଳୀ ଶ୍ରମିକ ବାହାର ରାଜ୍ୟ କୁ ପେଟ ପାଇଁ କାମ କରିବାକୁ ଯାଇ ଧନ, ଜୀବନ ଏବଂ ଯୌବନ ହଜାଇ ହରାଇ ଆସିଥାନ୍ତି । ପଞ୍ଚାୟତ ର ଏଭଳି ବ୍ୟବସ୍ଥା ଯୋଗୁ ଲୋକଙ୍କ ବିଶ୍ୱାସ ସରକାର ଉପରୁ ଉଠି ଯାଉଛି । ଏ ଦିଗରେ ଜିଲ୍ଲାରେ ଥିବା ରାଜନେତା ମାନେ ସଜାଗ ହେଲେ ଜିଲ୍ଲାରୁ ଦୁର୍ନୀତି କିଛିମାତ୍ରାରେ କମିବ । ଉପରୋକ୍ତ ତେଲିବନ୍ଦ୍ ଦୁର୍ନୀତି କୁ ବିରୋଧ କରି ପଞ୍ଚାୟତ ର ୩ ଜଣ ୱାର୍ଡ ମେମ୍ବର ସେ ସମୟରେ  ଜିଲ୍ଲାପାଳ ଙ୍କ ଅଭିଯୋଗ ପ୍ରକୋଷ୍ଠ ରେ ଅଭିଯୋଗ କରିଥିଲେ ମଧ୍ୟ ବର୍ତମାନ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ହୋଇ ନ ଥିବା ଅଭିଯୋଗକାରୀ ମାନେ ପ୍ରକାଶ କରିଛନ୍ତି । ଯୁବକ ମାନେ ବର୍ତମାନ ପରିସ୍ଥିତି ରେ ଜୀବନ ଜୀବିକା ପାଇଁ ସଙ୍ଘର୍ଷ କରୁଥିବା ବେଳେ ସେମାନଙ୍କ ପାଉଣା କୁ ମଧ୍ୟ ହଡ଼ପ କରୁଥିବା ଲଜ୍ଜ୍ୟା ର ବିଷୟ । ଇତି ମଧ୍ୟରେ ଗତ ଜାନୁଆରୀ ମାସରେ ହିତାଧିକାରୀ ଙ୍କ ଭତ୍ତା ଦେଇ ନ ଥିବା ଅଭିଯୋଗ ପରେ ମେ ମାସରେ ହିତାଧିକାରୀ ମାନଙ୍କୁ ବାଧ୍ୟ ହୋଇ ଭତ୍ତା ଫେରାଇ ଥିଲେ । ତେବେ କେଉଁ କାରଣରୁ ମାସାଧିକାଳ ଗରିବ ଲୋକଙ୍କ ପାଇଁ ଉଦ୍ଦିଷ୍ଟ ଭତ୍ତା କୁ ନ ଦେଇ ରଖିଲେ ଏବଂ ଗଣମାଧ୍ୟମ ରେ ଖବର ପ୍ରକାଶିତ ପରେ ଦେଲେ । ଏହା କଣ ବେନିୟମ ନୁହେଁ କି ? ଯଦି ବେନିୟମ ତେବେ ଭତ୍ତା ଟଙ୍କା କୁ ଗିଳିବା ପାଇଁ ଆଁ କରି ରହିଥିବା ଅଭିଯୁକ୍ତ ଙ୍କ ଉପରେ ବର୍ତମାନ ପର୍ଯ୍ୟନ୍ତ କାର୍ଯ୍ୟାନୁଷ୍ଠାନ ହୋଇନାହିଁ କାହିଁକି ବୋଲି ସବୁଠାରେ ଚର୍ଚ୍ଚା ହୁଏ । ତେବେ ଏହି କାର୍ଯ କୁଆଡେ ସରପଞ୍ଚ କରୁଥିଲେ । ଏଣୁ ମେସିନ ମାଲିକ ମାନେ ତାଙ୍କ ପାଉଣା କିଭଳି ପାଇବେ ସରପଞ୍ଚ ଦୃଷ୍ଟି ଦେବେ । ନଚେତ୍ ଆଗାମୀ ଦିନରେ ପଞ୍ଚାୟତ ରେ ଚାଲିଥିବା ଅନେକ ଦୁର୍ନୀତି ର ପୋଲ ଖୋଲିବ ପ୍ରେରଣା ।ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର ସଦାଇପାଲି କୁ ଆସି ସମସ୍ତ କାର୍ଯ ତଦାରଖ କରିଥିବାରୁ ଗ୍ରାମବାସୀ ତାଙ୍କ ଖୁସି ଜାହିର କରିଛନ୍ତି ତଥା ତାଙ୍କ ଦୀର୍ଘାୟୁ କାମନା କରିଛନ୍ତି ।