15-Aug-2026

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର)
 ଡାବୁଗାଁ ବ୍ଲକର ବିଭିନ୍ନ ସ୍ଥାନରେ ୮୦ ତମ ସ୍ୱାଧୀନତା ଦିବସ ପାଳିତ ହୋଇଯାଇଛି।ଏହି ଅବସରରେ ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ପ୍ରଦାନ କରିବା ସହିତ ସ୍ୱାଧୀନତା ପାଇଁ ଶହୀଦ ହୋଇଥିବା ସ୍ୱାଧୀନତା ସଂଗ୍ରାମୀ ଙ୍କ ସ୍ମୃତି ଚାରଣ କରିବା ସହିତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଡାବୁଗାଁ ବିଧାୟକ ମନହର ରନ୍ଧାରୀ। ଆଜି ୮୦ ତମ ସ୍ବାଧିନତା ଦିବସ ରେ ଡାବୁଗାଁ ବ୍ଲକ କାର୍ଯ୍ୟାଳୟ, ତହସିଲ , ଥାନା,ଡାବୁଗାଁ ପଞ୍ଚାୟତ କାର୍ଯ୍ୟାଳୟ, ପୋଷ୍ଟ ଅଫିସ, ସାମ୍ବାଦିକ ସଂଘ, ଜୟ ଭାରତ ଅଟୋ ମାଲିକ ସଂଘ,ମୋଟର ସାଇକେଲ ମେକାନିକଲ ସଙ୍ଘ ଏଵଂ ବିଭିନ୍ନ ସରକାରୀ ବେସରକାରୀ କାର୍ଯ୍ୟାଳୟ ରେ ଓ ବିଭିନ୍ନ ବିଦ୍ୟାଳୟ ଗୁଡିକରେ ସ୍ୱାଧୀନତା ଦିବସ ପାଳିତ ହୋଇଯାଇଛି | ଏହି ଶୁଭ ଅବସରରେ ବିଭିନ୍ନ ସରକାରୀ କାର୍ଯ୍ୟାଳୟରେ ମଧ୍ୟ ଦାୟିତ୍ୱରେ ଥିବା ଅଧିକାରୀମାନେ ପତକା ଉତ୍ତୋଳନ କରିଥିଲେ।ଆଜିର କାର୍ଯ୍ୟକ୍ରମଟି ସୁରୁଖୁରୁରେ ଅନୁଷ୍ଠିତ ହେଇଯାଇଛି। ଡାବୁଗାଁ ସାମ୍ବାଦିକ ସଂଘରେ ଡାବୁଗାଁ ଥାନା ଅଧିକାରୀ ଲକ୍ଷ୍ମୀ ପରଜା ପତାକା ଉତ୍ତୋଳନ କରିଥେଲେ ।ଡାବୁଗାଁ ବିଧାୟକ ମନହର ରନ୍ଧାରୀ ସ୍ଥାନିୟ ସରକାରୀ ପଞ୍ଚାୟତ ହାଇସ୍କୁଲ ରେ ବ୍ଲକସ୍ତରୀୟ ପତାକା ଉତ୍ତୋଳନ କରିଥିଲେ। ଡାବୁଗାଁ ସଦର ମହକୁମାରେ ଜୟଭରାତ ଅଟ ୟୁନିଅନ ତରଫରୁ ଏବଂ ଡ୍ରାଇଭର ମାନଙ୍କ ମିଳିତ ଉଦ୍ୟମରେ ବିଶାଳ ଅଟ ରାଲି ଅନୁଷ୍ଠିତ ହୋଇଥିଲା। କିନ୍ତୁ ଦୁଃଖର ବିଷୟ ଡାବୁଗାଁ ବ୍ଲକ ସ୍ତରୀୟ ପତାକା ଉତ୍ତୋଳନ ସ୍ଥାନରେ କିଛି ତ୍ରୁଟି ପରିଲକ୍ଷିତ ହୋଇଥିଲା। ଖାସ କରି ଆୟୋଜନ ସଠିକ ଭାବରେ ହୋଇ ନଥିବା ଦେଖିବାକୁ ମିଳିଥିଲା।