17-Jun-2021

ଲୋଇସିଂହା, (ବିନୋଦ କୁମାର ଦୀପ): ବଲାଙ୍ଗିର ଜିଲ୍ଲା ଲୋଇସିଂହା ନିକଟସ୍ଥ ଫାସଡ଼ ଠାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି l ଡ୍ରାଇଭର୍ ଙ୍କ ବେପରୁଆ ଗାଡି ଚାଳନା ଯୋଗୁଁ ଦୁଇଜଣ ନିରୀହ ଗୁରୁତର ଅବସ୍ଥାରେ ଡାକ୍ତରଖାନାରେ  ଭର୍ତି ହୋଇଛନ୍ତି l 

ସୂଚନା ମତେ, ଗତ ରାତ୍ରୀ ପାଖାପାଖି ରାତ୍ର 11 ଟା ସମୟରେ ବଲାଙ୍ଗୀର ପଟରୁ ଏକ ଗ୍ୟାସ ବୋଝେଇ (OR-16D 7921) ଟ୍ରକ ଆସି ଫlସଡ଼ ନିକଟରେ ଏକ  ନିମ୍ବଗଛ ସହ ପିଟିହୋଇ ରାସ୍ତା କଡରେ ଥିବା ଏକ ଘର ଭାଙ୍ଗି ଘର ଭିତରକୁ ପଶି ଯାଇଥିଲା l  ଏହି ସମୟରେ ଘରେ ଶୋଇଥିବା ବୃଦ୍ଧl ସ୍ୱାମୀ ଓ ସ୍ତ୍ରୀ ଦୁଇଜଣ ଏହି ଟ୍ରକ ଧକ୍କାରେ  ଗୁରୁତର ଆହାତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି 

l  ସମାରୁ ପଧାନ ଓ ଉଦିଆ ପଧାନ ନାମକ ଏହି ସ୍ଵାମୀ ସ୍ତ୍ରୀ  ଦୁର୍ଘଟଣାର ଶିକାର ହୋଇଛନ୍ତି l ସେମାନଙ୍କୁ  ଗୁରୁତର ଅବସ୍ଥାରେ ଚିକିତ୍ସା ଲାଗି ବଲାଙ୍ଗୀର ହସ୍ପିଟାଲକୁ ପଠାଯାଇଛି l ଲୋଇସିଂହା ପୋଲିସ ଦଳ ଘଟଣାସ୍ଥଳକୁ ପହଂଚି ଘଟଣାର ତଦନ୍ତ ଚଳାଇଛନ୍ତି l