17-Jun-2021

କଳାହାଣ୍ଡି,ଧର୍ମଗଡ଼(ଜ୍ୟୋତିରଞ୍ଜନ ବେମାଲ): ବୟସ ୯ବର୍ଷ,ଚତୁର୍ଥ ଶ୍ରେଣୀ ଛାତ୍ର, ପଢ଼ା ସାଂଗେ ସଙ୍ଗୀତରେ ରହିଛି ପ୍ରଗାଢ଼ ରୁଚି  । ନିଜ ଇଚ୍ଛାଶକ୍ତି, ଉଦ୍ୟମ ଓ ପ୍ରଚେଷ୍ଟା  ବଳରେ  ନିଜ ପ୍ରତିଭାର ମହକକୁ ବିଚ୍ଛୁରିତ କରିପାରିଛନ୍ତି ଏହି କୁନି କଳାକାର l ନାଁ ହେଉଛି ଦୟା ସାଗର l ତାଙ୍କର କଳାକୁ ନେଇ ସବୁଠି ପ୍ରଶଂସା, ହେଲେ ସରକାରୀ ପ୍ରୋତ୍ସାହନ ଅଭାବ ଯୋଗୁଁ ନିଷ୍କ୍ରିୟ ପାଲଟି ଯାଇଛି କଳା । କେବଳ ଘର ଚାରି କାନ୍ଥ ଭିତରେ ସୀମିତ ହୋଇଯାଇଛି ତାଙ୍କର କଳାର ମହକ । କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଜୟନ୍ତପୁର ଗ୍ରାମର  ଦୟା ସାଗର ମେହେର ଏକ ଗରିବ ପିଲା ଟେ। ବାପା ହରେକୃଷ୍ଣ ମେହେର ଜଣେ କ୍ୟାସିଓ ପ୍ଲେୟାର l ଏ ବୃତ୍ତିରେ ପରିବାର ପ୍ରତିପୋଷଣ କରନ୍ତି ସେ l ଲକଡାଉନ ଯୋଗୁଁ ତାହା ବି ଠପ ପଡିଯାଇଛି।ଏଇ ଭିତରେ ସ୍କୁଲ କଲେଜ ସବୁ ବନ୍ଦ। ପୁଅ  ବାପାଙ୍କ ପ୍ରାକ୍ଟିସକୁ ଅନେଇ ଅନେଇ ଏଇ କେତେ ଦିନରୁ  କ୍ୟାସିଓ ଉପରେ ହାତ ଦେଇଛି l ଶେଷରେ ଜଣେ ଉଚ୍ଚକୋଟିର କଳାକାର ଭାବେ ନିଜକୁ ଗଢି ତୋଳିଛି ଦୟା ସାଗର ।  ଅତି ସୁନ୍ଦର ଭାବେ ସ୍କେଲ ଦେଇ ଯେକୌଣସି ଗୀତ ବଜାଇ ପାରୁଛି ସେ । ତେବେ ସରକାରୀ ପ୍ରୋତ୍ସାହନ ଆବଶ୍ୟକ ଥିବାବେଳେ ଜିଲ୍ଲା ପ୍ରଶାସନ ଦୟା ସାଗର ପ୍ରତି ଦୟା ଦୃଷ୍ଟି ଦେବାକୁ ଅଞ୍ଚଳବାସୀ ସରକାରଙ୍କୁ ନିବେଦନ କରିଛନ୍ତି ।