17-Jun-2021

ଭୁବନେଶ୍ବର (ପ୍ରେରଣା ଖବର ବ୍ୟୁରୋ) ଉପକୂଳ ସଂକ୍ରମଣ ନେଇ ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ରଙ୍କ ପ୍ରତିକ୍ରିୟା। ଆଗ ଅପେକ୍ଷା ରାଜ୍ୟରେ ବେଶ କମିଛି ସଂକ୍ରମଣ ସଂଖ୍ୟା। ପଶ୍ଚିମ ଓଡ଼ିଶାରେ ଆଗ ଆରମ୍ଭ ହୋଇଥିଲା। ଆଗ କମିଲା। ଉପକୂଳ ଜିଲ୍ଲାରେ ମଧ୍ୟ କମିବ। କିନ୍ତୁ ଏବେ ଲୋକମାନେ କୋଭିଡ କଟକଣା କୁ ମାନୁନାହାଁନ୍ତି। ରାସ୍ତାରେ ଅନୁମତି ନଥାଇ ହଜାର ହଜାର ଗାଡି ଚାଲୁଛି। ଲକଡାଉନ ରେ ପାଦରେ ଯାଇ କିଣିବା ପାଇଁ ଅନୁମତି ଅଛି। ୧୦ ପ୍ରତିଶତ ଅନୁମତି ଥିଲା ବେଳେ ୯୦ ପ୍ରତିଶତ ଲୋକ ଅନୁମତି ନଥାଇ ବୁଲୁଛନ୍ତି ବୋଲି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର କହିଛନ୍ତି ।ଗତ ଶିତଳଷଷ୍ଠି ସମୟରେ ଲୋକମାନେ ବାହାରେ ବିନା ମାସ୍କ ରେ ବୁଲୁଥିବା ର ଦେଖାଯାଇଛି। ଦିଲ୍ଲୀରେ ମଧ୍ୟ ଏଭଳି ଦେଖାଦେଇଛି। ଏଥିପାଇଁ ଗତ ୩ ଦିନ ମଧ୍ୟ ସାରା ଭାରତରେ ପଜିଟିଭ ସଂଖ୍ୟା ପୁଣି ବଢିଛି। ୫୬ ହଜାରକୁ ସଂକ୍ରମଣ ଆସିଥିଲା ଏବେ ୬୬ ହଜାର କୁ ବଢିଲାଣି। ଯଦି ଲୋକମାନେ ନ ମାନିବେ ପୁଣି ଲକଡାଉନ କରିବାକୁ ପଡିବ। ଏବେ ବିଭିନ୍ନ ଦେଶରେ ତୃତୀୟ ଲହର ଆସିଲାଣି। ଡେଲଟା ଭ୍ୟାରିଏଣ୍ଟ ପରେ ଡେଲଟା ପ୍ଳସ ଆସିଲାଣି। ୟୁକେ ରେ ୨ ହଜାର ଥିଲା ଡେଲଟା ଭ୍ୟାରିଆଣ୍ଟ ଏବେ ୯ ହଜାର କେଶ୍ ହେଲାଣି। ଆମେରିକାରେ ୧୦ ପ୍ରତିଶତ ହେଲାଣି। ବ୍ରାଜିଲରେ ଅଢେଇ ହଜାର ଲୋକ ମୃତ୍ୟୁବରଣ କଲେଣି ବୋଲି ଶ୍ରୀ ମିଶ୍ର କହିଛନ୍ତି । ଏବେ ଲକଡାଉନ କଡାକଡି ପାଳନ କରିବା କଥା। ନମାନିଲେ କାର୍ଯ୍ୟାନୁଷ୍ଠାନ ନେବା ଦରକାର। ଚିହ୍ନଟ ଓ ଟୀକାକୁ ବ୍ୟାପକ କରିବା ଦରକାର ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର ପରାମର୍ଶ ଦେଇଛନ୍ତି l