13-Jun-2021

ଆଗଲପୁର, (ଦେବାଶିଷ ପଧାନ): ବଲାଙ୍ଗୀର ଜିଲ୍ଲାର ଅଗ୍ରଣୀ ସ୍ବେଛାସେବୀ ସଂଗଠନ ବିଙ୍ଗ ହ୍ୟୁମାନ ଫାଉଣ୍ଡେସନ ଆଗଲପୁର ଶାଖା ପକ୍ଷରୁ ଆଜି ଏକ ଅକ୍ସିଜେନ ବ୍ୟାଙ୍କ ଉଦଘାଟିତ ହୋଇଯାଇଛି l ମହାମାରୀ କୋରନାକୁ ଆଖି ଆଗରେ ରଖି ଅଞ୍ଚଳର ରୋଗୀ ମାନେ ଅକ୍ସିଜେନ ଅଭାବରୁ ଅନେକ ହଇରାଣ ହେଉଥିବାବେଳେ ଆଜି ବ୍ଲକ ପରିସରରେ ୬ଟି ଅମ୍ଳଜାନ ସିଲିଣ୍ଡର ଗୋଟିଏ ଅମ୍ଳଜାନ ସାନ୍ଧ୍ରକ ବିଙ୍ଗହ୍ୟୁମାନ ଫାଉଣ୍ଡେସନର ଏକ ଅକ୍ସିଜେନ ବ୍ୟାଙ୍କକୁ ଆଗଲପୁର ତହସିଲଦାର ଅମୃତଲାଲ୍ ବେହେରା ମୁଖ୍ୟଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ l ସମ୍ମାନୀୟ ଅତିଥି ଭାବରେ ବ୍ଲକ ଉପାଧ୍ୟକ୍ଷ ମନମୋହନ ପଟେଲ, ଆଗଲପୁର ସି ଏଚ୍ ସି, ର ବିପିଓ ଡ଼ା ପ୍ରବୀର ମେହେର ବିଙ୍ଗହ୍ୟୁମାନ ଫାଉଣ୍ଡେସନର ପ୍ରତିଷ୍ଠାତା ତଥା ଯୁବ ସମାଜସେବୀ ସୋମନାଥ ମିଶ୍ର ଯୋଗ ଦେଇଥିଲେ l ଗୋଟିଏ ମିନିଟରେ ଏହା 10 ଲିଟର ଅମ୍ଳଜାନ ଉତ୍ପାଦନ ହୋଇପାରିବ ଓ ବିନା ଶୁଳ୍କରେ ରୋଗୀ ମାନଙ୍କ ପାଖରେ ପହଞ୍ଚାଯିବ ବୋଲି ଶ୍ରୀ ମିଶ୍ର ସୂଚନା ଦେଇଛନ୍ତି l ସଭାକୁ ମୋନଜ କୁମ୍ଭାର ପରିଚାଳନା କରିଥିଲେ l କୋରନା ଲଢେଇ ପାଇଁ ଲୋକମାନଙ୍କୁ ସାହାଯ୍ୟ କରିବା ପାଇଁ ଉପସ୍ଥିତ ଆଗଲପୁର ବିଙ୍ଗହ୍ୟୁମାନର ସଭ୍ୟ ମାନେ ନିବେଦନ କରିଥିଲେ l କରୋନା କlଳରେ ଆଗଲପୁର ଶାଖାର କାର୍ଯ୍ୟକର୍ତ୍ତା ମାନଙ୍କ ନିଷ୍ଠାପର ସମାଜସେବାକୁ ବରିଷ୍ଠ ନାଗରିକ  ମାନେ ଭୁରିଭୁରି ପ୍ରଶଂସା କରିଥିଲେ l ଶାଖା ସଭାପତି ପ୍ରେମାନନ୍ଦ ପଧାନ ଓ ସମ୍ପାଦକ ସଂଯୋଗ କୁମାର ସାହୁ, ବରିଷ୍ଠ ସଭ୍ୟ କରୁଣାକର ପାତ୍ର,ପ୍ରତୀକ ନାଏକ, ନାରାୟଣ ସାହୁ,ବୁଦ୍ଧଦେବ ସାହୁ, ନିତ୍ୟାନନ୍ଦ ସାହୁ, ଲକ୍ଷ୍ମୀକାନ୍ତ ସାହୁ, ପିଣ୍ଟୁ ଯୋଶୀ ଦେବାଶିଷ ପଧାନ ଓ ଅନେକ ସଭ୍ୟ ଯୋଗ ଦେଇଥିଲେ