13-Jun-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ): ସୁବର୍ଣ୍ଣପୁର ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ  ତରଫରୁ ଜିଲ୍ଲାରେ କେବଳ  ଦ୍ଵିତୀୟ ଡୋଜ ନେବାକୁ ଥିବା 45 ବର୍ଷ ଓ ତଦୁର୍ଧ୍ୱ ବୟସ୍କ  ଯେଉଁମାନଙ୍କ ପ୍ରଥମ ଡୋଜ ଟୀକା ନେବାର 84ଦିନ ସମ୍ପୂର୍ଣ୍ଣ ହୋଇ ସାରିଥିବ ସେହି ହିତାଧିକାରୀଙ୍କୁ ଜୁନ୍ 14 ତାରିଖ ରୁ ଜୁନ୍ 17 ତାରିଖ ପର୍ଯ୍ୟନ୍ତ ଜିଲ୍ଲାରେ ବ୍ୟବସ୍ଥିତ ବିଭିନ୍ନ 32 ଗୋଟି ଟୀକାକରଣ କେନ୍ଦ୍ର ଯଥା ବିଭିନ୍ନ ବ୍ଲକ ଅନ୍ତର୍ଗତ 31 ଟୀକାକରଣ କେନ୍ଦ୍ର ସହ ଜିଲ୍ଳା ମୁଖ୍ୟ  ଚିକିତ୍ସାଳୟର ଚକ୍ଷୁ ଚିକିତ୍ସା କେନ୍ଦ୍ରରେ ବ୍ୟବସ୍ଥିତ ଗୋଟିଏ   ଟୀକାକେନ୍ଦ୍ରରେ ଟୀକାପ୍ରଦାନ କରାଯିବ  l ଏହି ପରିପ୍ରେକ୍ଷୀରେ ଜୁନ୍ 14 ଓ 15 ତାରିଖରେ  4ଟି ବ୍ଲକର 22ଟି ବ୍ୟବସ୍ଥିତ ଟୀକାକରଣ କେନ୍ଦ୍ର ଯଥା- ବୀରମହାରାଜପୁର ବ୍ଲକର 6 ଟି କେନ୍ଦ୍ର,ଉଲୁଣ୍ଡା ବ୍ଲକ ର-6କେନ୍ଦ୍ର, ଡୁଙ୍ଗୁରିପାଲି ବ୍ଲକ ଅନ୍ତର୍ଗତ-6ଟି କେନ୍ଦ୍ର, ଓ ତରଭା ବ୍ଲକ ର 4ଟି କେନ୍ଦ୍ରରେରେ ଟୀକାକରଣ ଚାଲୁରହିବ l ସେହିପରି ଜୁନ୍ 14, ଜୁନ୍ 16 ଓ ଜୁନ୍ 17 ତାରିଖରେ   ସୋନପୁର ବ୍ଲକ ର 4 ଟି କେନ୍ଦ୍ର,ବିନିକା ବ୍ଲକ ର 5ଟି କେନ୍ଦ୍ର ସମେତ ଜିଲ୍ଳା ମୁଖ୍ୟ ଚିକିତ୍ସାଳୟର ଚକ୍ଷୁ ଚିକିତ୍ସାକେନ୍ଦ୍ର ଠାରେ ବ୍ୟବସ୍ଥିତ ଟୀକାକରଣ କେନ୍ଦ୍ର ସହ ମୋଟ 10 ଗୋଟି ଟୀକାକେନ୍ଦ୍ରରେ ଟୀକାକରଣ  ଚାଲୁରହିବ l

    ଉକ୍ତ ଦିନ ଗୁଡିକରେ ଟୀକା ର ତତ୍କାଳ ମହଜୁଦକୁ ଦୃଷ୍ଟିରେ ରଖି ସକାଳ 8 ଘଣ୍ଟା ରୁ 9 ଘଣ୍ଟା ମଧ୍ୟରେ 45 ବର୍ଷରୁ ଉର୍ଦ୍ଧଙ୍କୁ ପ୍ରଥମ ଡୋଜ ଟୀକାକରଣ ପାଇଁ  ଓ ଯୋଗ୍ୟ ହିତାଧିକାରୀଙ୍କୁ ଦ୍ଵିତୀୟ ଡୋଜ ଟୀକାକରଣ ନିମନ୍ତେ ଟୀକାକେନ୍ଦ୍ର ଠାରେ ବ୍ୟକ୍ତିଗତ ଟୋକନ ପ୍ରଦାନ କରାଯିବ, ଯେଉଁମାନେ ଟୋକନସଂଗ୍ରହ କରିଥିବେ ସେମାନେ  ନିର୍ଦ୍ଧାରିତ ସମୟରେ ଉଦ୍ଧିଷ୍ଟ ଟୀକାକରଣ କେନ୍ଦ୍ରକୁ ପହଂଚି ଟୀକା ଗ୍ରହଣ କରିବେ l ବିନା କୌଣସି ସୂଚନା ରେ ଟୀକାକେନ୍ଦ୍ର କୁ ଯାଇ ହଇରାଣ ନ ହେବା କିମ୍ବା କେନ୍ଦ୍ରରେ ଅଯଥାରେ ଭିଡ଼ ନ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ଅନୁରୋଧ କରାଯିବା ସହ ଯେତେବେଳେ ଯାହାର ପାଳି ଆସୁଛି ସେମାନେ କେବଳ କେନ୍ଦ୍ରକୁ ଆସିବାକୁ ପରାମର୍ଶ ଦିଆଯାଉଛି l ଏହି ଟୀକାକରଣ ସକାଳ 08 ରୁ ଅପରାହ୍ନ 12 ଘଣ୍ଟା ଓ ଅପରାହ୍ନ 03 ରୁ ସନ୍ଧ୍ୟା 06 ଘଣ୍ଟା ପର୍ଯ୍ୟନ୍ତ ଚାଲୁ ରହିବ l