12-Jun-2021

ଗଞ୍ଜାମ (ଉମା ମହାରଣା)
ପାତ୍ରପୁର ବ୍ଳକ୍ ମୁଖ୍ୟ ରାସ୍ତା କୁଠାରି ମନ୍ଦିର  ସାମ୍ନାରେ 2012 ମସିହା ଠାରୁ ସାହାରା ଇଣ୍ଡିଆ ପରିବାରର ଏକ ଶାଖା ଖୋଲାଯାଇଅଛି।  ପ୍ରାୟ ଦୁଇ ହଜାରରୁ ଅଧିକ ଜମାକାରୀ ଏହି ଶାଖାର ଗ୍ରାହକ ଅଟନ୍ତି। ଶାଖା ର କିଛି ଏଜେଣ୍ଟ ଓ ଅଧିକାରୀ ମିଳିମିଶି ଲୋକଙ୍କ ର ଜମାରାଶିକୁ ଅଳ୍ପ ସମୟ ମଧ୍ୟରେ ଦୁଇଗୁଣ କରିବାର ପ୍ରଲୋଭନ ଦେଖାଇ ଗ୍ରାହକ ଯୋଗାଡ କରୁଥିଲେ, ଏମାନଙ୍କର ପ୍ରରୋଚନା ରେ ଆସି ଲୋକମାନେ ମଧ୍ୟ ଜମା କରୁଥିଲେ, ସଂପ୍ରତି କରୋନା ମହାମାରୀ ସମୟରେ ମାନବ ସମାଜ କରୋନା ମହାମାରୀ ସହ ଜଝୁ ଥିବା ବେଳେ ସରକାରଙ୍କ ପ୍ରଦତ ଲକ୍ ଡାଉନର ସୁବିଧା ନେଇ ଶାଖା ର କିଛି ଆସବାବ ତଥା ନଥିପତ୍ର ନେଇ ଚମ୍ପଟ ମାରୁଥିବା ସମୟରେ ପାତ୍ରପୁର ଗ୍ରାମର ଶତାଧିକ ଜମାକାରୀ ରୁଣ୍ଡ ହୋଇ ଗାଡିଟିକୁ ଅଟକାଇବା ସହ ଶାଖା ଅଧିକାରୀ ମୋହନ ସାହୁ ଙ୍କୁ ଘେରାଉ କରି ପୋଲିସ୍ ର ଜିମାଦେଥିଲେ।ଜରଡା ଥାନା ଅଧିକାରୀ ଆସି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଶାଖା ଅଧିକାରୀଙ୍କ ଲିଖିତ ପ୍ରତିଶ୍ରୁତି ପାଇବା ପରେ ମାମଲା ଥଣ୍ଡା ପଡିଲା