12-Jun-2021

ବଲାଙ୍ଗୀର, ଲୋଇସିଂହା (ବିନୋଦ କୁମାର ଦୀପ) : ବଲାଙ୍ଗିର ଜିଲ୍ଲା ପୁଇଁନ୍ତଳା ବ୍ଲକ ଛତାପିପଲ ପଞ୍ଚାୟତରୁ ଆସିଲା ଗୁରୁତର ଅଭିଯୋଗ । ଆବାସ ଯୋଜନାରେ ଘର ନିର୍ମାଣ କରିଥିଲେବି ୨୭ ପରିବାରକୁ ମିଳୁନାହିଁ ଆବାସ ଟଙ୍କା । ଘର ନିର୍ମାଣ ପାଇଁ ଖୋଦ ପୁଇଁନ୍ତଳା ବିଡ଼ିଓ ଏବଂ ପଞ୍ଚାୟତ ଅଧିକାରୀ କହିଥିଲେ କିନ୍ତୁ ୬ ମାସ ହେଲା ଆବାସ ଯୋଜନା ଟଙ୍କା ମିଳୁନଥିବା ଅଭିଯୋଗ କରିଛନ୍ତି ହିତାଧିକାରୀ । 
  ବଲାଙ୍ଗୀର ଜିଲ୍ଲାରେ ଆବାସ ଯୋଜନାରେ ଦୁର୍ନୀତିି ହେଉଥିବା ନେଇ ପୂର୍ବରୁ  ଖବର ପ୍ରକାଶ ପାଇଥିଲା ।  ତଥାପି ଚେତୁ ନାହିଁ ପୁଇଁନ୍ତଳା ପ୍ରଶାସନ । ଏହି ବ୍ଲକ୍ ଛତାପିପଲ ପଞ୍ଚାୟତରୁ ଆସିଛି ସାଂଘାତିକ ଘଟଣା । ପଞ୍ଚାୟତର ୨୭ ପରିବାର ଘର ପାଇବା ପାଇଁ ଯୋଗ୍ୟ ବିବେଚିତ ହୋଇଥିଲେ । ନିଜେ ବିଡ଼ିଓ ଏବଂ ପଞ୍ଚାୟତ ଅଧିକାରୀ ମଧ୍ୟ ଗାଁ କୁ ଯାଇ ଘର ନିର୍ମାଣ ପାଇଁ କହିଥିଲେ । ଫଳରେ ହିତାଧିକାରୀ ମାନେ ନିଜ ଝାଟିମାଟି ଘରକୁ ଭାଙ୍ଗି ଆବାସ ଘର ନିର୍ମାଣ ପାଇଁ କାମ ଆରମ୍ଭ କରିଥିଲେ । କିନ୍ତୁ ଏପର୍ଯ୍ୟନ୍ତ ଆବାସ ଯୋଜନାରେ ପ୍ରଥମ କିସ୍ତି ଟଙ୍କା ହିତାଧିକାରୀଙ୍କୁ ମିଳୁନାହିଁ । ଏନେଇ ବାରୁମ୍ବlର ବିଡ଼ିଓ ଙ୍କ ଠାରେ ଅଭିଯୋଗ କରୁଥିଲେ ମଧ୍ୟ ନିରାଶ ହେଉଛନ୍ତି ହିତାଧିକାରୀ  ଘର ମୁଣ୍ଡ ଉପରେ ଛାତଘର ଆଶାରେ ନିଜ ଝାଟିମାଟି ଘରକୁ ଭାଙ୍ଗି ସେଠାରେ ଆବାସ ଘର ନିର୍ମାଣ ପାଇଁ ସ୍ବପ୍ନ ଦେଖି ଖୁସି ହେଉଥିଲେ ହିତାଧିକାରୀ । କିନ୍ତୁ ୬ ମାସରୁ ଅଧିକ ସମୟ ହୋଇଥିଲେ ମଧ୍ୟ ନା ମିଳୁଛି ଟଙ୍କା ନା ହୋଇପାରିଲା ମୁଣ୍ଡ ଉପରେ ଛାତଘର । ଏବେ ଖୋଲା ଆକାଶ ଓ ଡାଳପତ୍ର ତଳେ ଦିନ କାଟୁଛନ୍ତି ୨୭ ପରିବାର । ଏପରିକି ଏତେ ଟାଣ ଖରାରେ ବି ଏମିତି ଦିନ କାଟୁଥିଲେ ନିଜ ଛୁଆ ପିଲାଙ୍କୁ ନେଇ ଏହି ହିତାଧିକାରୀ । ଏବେ ପୁଣି ବର୍ଷାଦିନ ଆସୁଥିବାରୁ ରହିବା ପାଇଁ ହରଡ଼ଘଣାରେ ପଡିଛନ୍ତି ଏହି ହିତାଧିକାରୀ । ବର୍ଷାଦିନେ କେମିତି ରହିବେ ୨୭ ପରିବାର ? କେଉଁଠି ଖାଇବେ କି କେଉଁଠି ରହିବେ ତାକୁ ନେଇ ଦୋଛକିରେ ଏହି ବେସାହାରା ମାନଙ୍କୁ ମୁଣ୍ଡ ଉପରେ ଛାତଘର ବଦଳରେ ମୁଣ୍ଡ ଉପରେ ଖୋଲା ଆକାଶ କରିଦେଲା ପୁଇଁନ୍ତଳା ବ୍ଲକ ପ୍ରଶାସନ । ପ୍ଲିନ୍ଥ ସରିଥିଲେବି କାହିଁକି ହୀତାଧିକାରୀ ମାନଙ୍କୁ ଦିଆଗଲାନାହିଁ ଟଙ୍କା । ସମୟସୀମା ଭିତରେ ଆବାସ ଘର ନିର୍ମାଣ ସାରିବାକୁ ଗାଇଡ଼ଲାଇନ ରହିଛି । କିନ୍ତୁ ଘର ଭାଙ୍ଗିବାର ୮ ମାସ ପରେବି ପ୍ରଥମ କିସ୍ତି ଟଙ୍କା ନମିଳିବାର କାରଣ କଣ ? ଏଥି ପାଇଁ ଦାୟୀ କିଏ ସବଠୁ ବଡ଼କଥା ବର୍ଷାଦିନେ ଏହି ୨୭ ପରିବାର ରହିବେ କେଉଁଠି । ଏନେଇ ପୁଇଁନ୍ତଳା ପ୍ରସାଶନ ଙ୍କୁ ଅଭିଯୋଗ କରିଛନ୍ତି       l