12-Jun-2021

 କଳାହାଣ୍ଡି, ଧର୍ମଗଡ଼, (ଜ୍ୟୋତି ରଞ୍ଜନ ବେମାଲ): ସାରା ଦେଶରେ  ଦିନକୁ ଦିନ ପେଟ୍ରୋଲ, ଡିଜେଲ୍ ଓ ରନ୍ଧନ ଗ୍ୟାସ୍ ଦର ବୃଦ୍ଧି ପାଉଥିବାରୁ ଦେଶରେ ତୀବ୍ର ପ୍ରତିକ୍ରିୟା ଦେଖା ଦେଇଛି  l ଗୋଟାଏ ପଟେ କାରୋନା ମାଡ଼ରେ ଲୋକଙ୍କ ଜୀବନ ଜୀବିକା ଠପ୍ ହୋଇ ପଡ଼ିଥିବା ବେଳେ ଏପଟେ ତୈଳ ଓ ଗ୍ୟାସ ଦର ବୃଦ୍ଧି ଯୋଗୁଁ ଜନସାଧାରଣ ଘୋର ଆର୍ଥିକ ସଙ୍କଟ ମଧ୍ୟରେ ଗତି କରୁଥିବା ଦେଖାଯାଉଛି ଲ ଏହି ପରିପ୍ରେକ୍ଷୀରେ ଆଜି ପ୍ରଦେଶ କଂଗ୍ରେସ କମିଟିର ଆହ୍ବାନ କ୍ରମେ ଧର୍ମଗଡ଼ ବ୍ଲକ  ଓ ନଗର କଂଗ୍ରେସ କମିଟି ପକ୍ଷରୁ ସହର ରେ ଥିବା ପେଟ୍ରୋଲ ପମ୍ପ ସମ୍ମୁଖରେ ଗଣ ବିକ୍ଷୋଭ ପ୍ରଦର୍ଶନ କରିଛନ୍ତି l କେନ୍ଦ୍ର ସରକାର ଯଥାଶୀଘ୍ର ତୈଳ ଓ ରନ୍ଧନ ଗ୍ୟାସ୍ ଦର ହ୍ରାସ ନ କଲେ ଆଗାମୀ ଦିନରେ ଆନ୍ଦୋଳନକୁ ତୀବ୍ର କରାଯିବା ବୋଲି ଚେତାବନୀ ଦେଇଛନ୍ତି ।