09-Jun-2021

ଡୁଙ୍ଗୁରିପାଲ,(ଅରବିନ୍ଦ ମିଶ୍ର): ଡୁଙ୍ଗୁରିପାଲି ସରାକାରୀ ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ସଂସ୍କୃତ ଶିକ୍ଷକ ପଙ୍କଜ ପଧାନ(୬୭)ଙ୍କ ଆଜି ଦେହାନ୍ତ ହୋଇଯାଇଛି । ସ୍ୱର୍ଗତ ପଧାନ ଗତ ବର୍ଷ କୋଭିଡରେ ଆକ୍ରାନ୍ତ ହୋଇଥିଲେ । ସେଥିରୁ ସେ ସୁସ୍ଥ ହେବାପରେ ରକ୍ତ କର୍କଟ ରୋଗରେ ପୀଡିତ ହୋଇଥିଲେ । ଗତ ଛଅମାସ ଧରି ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ । ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଥିବା ବେଳେ ଖବର ଲେଖା ହେବା ବେଳକୁ ତାଙ୍କର ମର ଶରୀରର ଭୁବନେଶ୍ୱରରୁ ଲୁଡିକିବେଡା ଗ୍ରାମକୁ ଅଣାଯାଉଥିବା ଜଣାଯାଏ । ସେ ଜଣେ ଛାତ୍ର ବତ୍ସଳ ଶିକ୍ଷକ ଭାବରେ ସବୁ ମହଲରେ ପରିଚିତ ।  ବିଭିନ୍ନ ସଭା ସମିତି  ସଂଯୋଜନା କରିବା ତାଙ୍କର ଅନ୍ୟ ଏକ  ଭଲ ଗୁଣ ରହିଥିଲା । ଆଜି ତାଙ୍କର ଦେହାନ୍ତ ଖବର ପାଇଁ ଡୁଙ୍ଗୁରିପାଲି ଅଂଚଳରେ ଶୋକର ଛାୟା ଖେଳି ଯାଇଛି ।