04-Jun-2021

ବଲାଙ୍ଗୀର,(ପ୍ରେରଣା ଖବର)- ସାହିତ୍ୟ ସମାଜକୁ ସମୃଦ୍ଧ କରେ । ଜୀବନକୁ ରସମୟ କରିଥାଏ । ମଣିଷ ସମାଜକୁ ଗୋଟିଏ ପ୍ରାନ୍ତରୁ ଅନ୍ୟ ପ୍ରାନ୍ତକୁୁ ନଦୀ ଭଳି ଯୋଡିଥାଏ । ଏହି ଲକ୍ଷ୍ୟ ନେଇ ସମ୍ବଲପୁରରୁ ଶୁଭାରମ୍ଭ ହୋଇଥିବା  ସାହିତ୍ୟ ଅନୁଷ୍ଠାନ କବିତା ଝଙ୍କାରର ପରିଚାଳନା କମିଟୀ ଦ୍ୱାରା  ୱେବିନାର ମାଧ୍ୟମରେ  ରାଜ୍ୟର ବିଭିନ୍ନ  କବିି, କବୟିତ୍ରୀ ଓ ସାହିତ୍ୟ  ପ୍ରେମୀଙ୍କୁ ସମାରୋହରେ ଏକ ସାହିତ୍ୟ ଆସର  ଅନୁଷ୍ଠିତ ହୋଇଯାଇଛି । ଏହି ଆସରରେ କବିତା ଝଙ୍କାରର ସଭାପତି କବି କୃଷ୍ଣ ଚନ୍ଦ୍ର ବାରିକ ଅଧ୍ୟକ୍ଷତା କରିଥିଲେ । ସଭା ପ୍ରାରମ୍ଭରେ ପ୍ରତିଷ୍ଠାତା ସଂପାଦକ ଶିବାତ୍ମକ ପଣ୍ଡା ଉଦ୍ଦେଶ୍ୟ ଜ୍ଞାପନ କରି ରାଜ୍ୟର ସମସ୍ତ ଜିଲ୍ଲା ,ରାଜ୍ୟ ଏବଂ ପ୍ରବାସୀ ଓଡିଆ ମାନେ କିଭଳି  କବିତା ଝଙ୍କାର ସହିତ ନିଜକୁ ଯୋଡି ସାହିତ୍ୟର ବିକାଶ ଦିଗରେ କାର୍ଯ୍ୟ ସଂପାଦନ କରିବେ ସେ ସମ୍ବନ୍ଧରେ ଆଲୋକପାତ କରିଥିଲେ । ଏଥି ସହିତ ଅନୁଷ୍ଠିତ ହୋଇଥିବା କବିତା ଆସରରେ କବି ଓ କବୟିତ୍ରୀ ମାନେ ନିଜସ୍ୱ କବିତା ପାଠ କରିଥିଲେ । ପରିଚାଳନା କମିଟୀର  ରାଜ୍ୟ ଆବାହକ ଅଭିନବ ପଟ୍ଟନାୟକ ସ୍ୱାଗତ ଅଭିଭାଷଣ ଦେଇଥିଲେ । 
    ରାଜ୍ୟ ମୂଖ୍ୟ ଉପଦେଷ୍ଟା ରବିଚନ୍ଦ୍ର ପଶାୟତ, ରାଜ୍ୟ ସଂଯୋଜକ ରାମ ନାରାୟଣ ଦାଶ, ସୁନ୍ଦରଗଡ ସଂପାଦକ ଟୋନିଶ ରୋହିଦାସ, ଯାଜପୁର ସଂପାଦିକା ପ୍ରୟଶୀ ପ୍ରୀୟଙ୍କା ପ୍ରୀୟଦର୍ଶିନୀ ବାଉଳ, କଟକ ସଂପାଦିକା ପ୍ରିିିୟଙ୍କା ପଣ୍ଡା, ରାଜ୍ୟ ପରିଚାଳନା ସଂପାଦିକା ସବିତା ତ୍ରିପାଠୀ, ମାର୍ଗଦର୍ଶିକା ସୁମିତ୍ରା ପୁରୋିହିତ ପ୍ରମୁଖ  ଆଲୋଚନାରେ ସକ୍ରିୟ ଭାଗ ନେଇ ରାଜ୍ୟ ତଥା ଜାତୀୟ ସ୍ତରରେ ଭାଷା ସାହିତ୍ୟର ବିକାଶ ନିମନ୍ତେ ସମସ୍ତେ ପ୍ରୟାସ ରତ ରହିବାକୁ ମତବ୍ୟକ୍ତ କରିଥିଲେ । 
    ଅନ୍ୟମାନଙ୍କ ମଧ୍ୟରେ ପ୍ରବାସୀ କବିତା ଝଙ୍କାରର ସଭାପତି ଗଜିନ୍ଦ୍ର କୁମାର ସାହୁ, ପ୍ରୀୟଙ୍କା ପଣ୍ଡା, ବିଶ୍ୱଜିତ ଦାଶ, ରୂପେନ୍ଦ୍ର କୁମାର ସୁନାନୀ, ନିକୁଂଜ କୁମାର ଘୋଷ, ସରୋଜ କୁମାର ଦାଶ, ସୁବଳ ନନ୍ଦ, ପବିତ୍ର ବେହେରା, ଭକ୍ତବନ୍ଧୁ ମେହେର, ନୂତନ ସୂର୍ଯ୍ୟ ପ୍ରଧାନ,ରାଜ୍ୟ ଉପସଭାପତି ଦେବେନ୍ଦ୍ର କୁମାର ନାୟକ ପ୍ରମୁଖ ଯୋଗଦେଇଥିଲେ ।  ପ୍ରକାଶଥାଉକି, କବିତା ଝଙ୍କାରର ସୁପରିଚାଳନା ନିମନ୍ତେ ଓଡିଶାର ସମସ୍ତ ଜିଲ୍ଲାକୁ ତିନି ଭାଗରେ ବିଭକ୍ତ କରାଯାଇ, ମନ୍ଦାକିନୀ କବିତା ଝଙ୍କାର, ସ୍ରୋତସ୍ୱୀନୀ  କବିତା ଝଙ୍କରା ଓ କଲ୍ଲୋଲିନୀ କବିତା ଝଙ୍କରା ଗଠନ କରାଯାଇ ସମସ୍ତ କବି ଓ କବୟିତ୍ରୀ ମାନଙ୍କୁ ନିଜ ନିଜ ଜିଲ୍ଲାର ଦାୟିତ୍ୱ ଅର୍ପଣ କରାଯାଇଛି । ଏଥି ସହିତ ଓଡିଆ ଭାଷା ସହିତ୍ୟର ବିକାଶ ନିମନ୍ତେ ଆନ୍ତଃର୍ଜାତୀୟ ସ୍ତରରେ ପ୍ରବାସିୀ କବିତା ଝଙ୍କାର ଗଠନ କରାଯାଇଅଛି ।   ପରିଶେଷରେ କବୟିତ୍ରୀ ସବିତା ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।