04-Jun-2021

ସୁବର୍ଣ୍ଣପୁର,(ରିପୋର୍ଟ :ମନୋରଞ୍ଜନ ତ୍ରିପାଠୀ) -  ସୁବର୍ଣ୍ଣପୁର ଜ଼ିଲ୍ଲା ଶିକ୍ଷା ବିଭାଗରେ ଏବେ ଜ଼ିଲ୍ଲା ନୂତନ  ଶିକ୍ଷାଧିକାରୀ ଭାବେ ଶ୍ରୀ ଲକ୍ଷ୍ମଣ ଭୋଇ ଯୋଗଦାନ କରିଥିବାରୁ  ଦୀର୍ଘ ବର୍ଷ ପରେ ଶିକ୍ଷା ବିଭାଗ ପୁଣି ଚଳଚଞ୍ଚଳ  ଦେଇଛି l ଏହା ପୂର୍ବରୁ ଦୀର୍ଘ ତିନି ଚାରି ବର୍ଷ ଧରି ଦାଇତ୍ୱ ରେ ଥିବା ଡ଼ି ଇ ଓ ଶ୍ରୀମତୀ ପୁଷ୍ପା ମିଞ୍ଜ ଜଣେ ମହିଳା ଅଫିସର ହୋଇ ଥିବାରୁ ଜ଼ିଲ୍ଲାର ସମସ୍ତ ଅଂଚଳକୁ ଗସ୍ତ  କରି ଉନ୍ନୟନ କାର୍ଯ୍ୟର  ତଦାରଖ କରିବାର ସମ୍ଭବ ନ ଥିବାରୁ  ବିଭାଗର ଅନେକ ବ୍ଲକରେ ନୀତି କମ ଅଧିକ ଦୁର୍ନୀତି ପରି ଅବସ୍ଥାଦେଖାଦେଇଛି  l ଡ଼ି ଇ ଓ   ଶ୍ରୀ ଭୋଇ ପୂର୍ବରୁ ଏହି ଜ଼ିଲ୍ଲାରେ ଚାରି  ବର୍ଷ   ସୁଚାରୁ ରୂପେ  କାର୍ଯ୍ୟ ତୁଲାଇ ଥିବା ଯୋଗୁଁ ଜଣେ ଦକ୍ଷ, ଅଭିଜ୍ଞ  ପ୍ରଶାସକ ଭାବେ  ପୁଣି ଥରେ ଏହି ଜ଼ିଲ୍ଲାରେ ଶିକ୍ଷାର ବିକାଶ କରିବାକୁ ତାଙ୍କୁ  ସୁଯୋଗ ମିଳିଛି  l ବିପର୍ଯ୍ୟସ୍ଥ ଶିକ୍ଷା ବିଭାଗକୁ ସଜାଡିବାକୁ ଓ  ପୁଣି ତାଙ୍କୁ ସହଯୋଗ କରିବାକୁ ଏବେ  ଦୁଇ ଦୁଇ ଜଣ ଅତିରିକ୍ତ ଜ଼ିଲ୍ଲା ଶିକ୍ଷାଧିକାରୀଙ୍କୁ ମଧ୍ୟ  ପ୍ରଶାସନ  ନିଯୁକ୍ତି କରିଛି  l ଜ଼ିଲ୍ଲା ପ୍ରଶାସନ ଓ ଜ଼ିଲ୍ଲା ର ବୁଦ୍ଧିଜୀବୀ ମଧ୍ୟ  ଏଥିପାଇଁ ଖୁବ ଆଶାବାଦୀ  l କିନ୍ତୁ ନୂତନ ଶିକ୍ଷାଧିକାରୀ ଶ୍ରୀ ଭୋଇ  ଜଣେ ସରକାରୀ ଅଫିସର ହିସାବରେ ସେ ଆସି  ପ୍ରଥମେ ସର୍କିଟ ହାଉସ କି ଅନ୍ୟ  ବଙ୍ଗଳା  କିମ୍ବା ଜ଼ିଲ୍ଲା ସଦର ମହକୁମାର କୌଣସି ପୁରାତନ ସରକାରୀ ହାଇସ୍କୁଲରେ ରାତ୍ରୀ ଯାପନ ନ କରି ଏକ ବେସରକାରୀ ସ୍କୁଲ ରେ ରହିବା ଘଟଣା ଏବେ ସହରରେ  'ସରକାରୀ ବାବୁଙ୍କ ବେସରକାରୀ ପ୍ରୀତି' ବୋଲି ଚର୍ଚ୍ଚା ଧରିଛି l ଏବଂ ଘଟଣା ଟି  ଘରେ ନ ପଶୁଣୁ ଚାଳ ବାଜିଵା ସଦୃଶ୍ୟ ହୋଇଛି  l ଯଦି  ସହର ର ସର୍ବ ପୁରାତନ ମହାରାଜl ଓ ବାଳିକା ହାଇସ୍କୁଲରେ ଏବେ ଯାଏ ଗୋଟାଏ ଗେଷ୍ଟ ହାଉସ ର ବ୍ୟବସ୍ଥା କରା ଯାଇନି ତାହେଲେ  ସରକାରଙ୍କ  ରାମସା ଓ ବିଭିନ୍ନ  ଯୋଜନାରେ ଆସୁଥିବl କୋଟି କୋଟି ଟଙ୍କା ଆଉ କେଉଁ ବାଟ ରେ ଖର୍ଚ୍ଚ ହେଉଛି ତାହା ଏବେ ସହର ର  ବୁଦ୍ଧିଜୀବୀ, ଶିକ୍ଷାବିତ  ଓ  ପୁରାତନ ଛାତ୍ର ସଂଗଠନ ପ୍ରଶ୍ନ କରିଛନ୍ତି l ଏବଂ  ଏଠାରେ ଦକ୍ଷ  ନିରପେକ୍ଷ ଭାବେ କାର୍ଯ୍ୟ ଭାର ତୁଲାଇ ଶିକ୍ଷାର ବିକାଶ କରାଇ ବାକୁ ପରାମର୍ଶ କରିଛନ୍ତି l