04-Jun-2021

କଣ୍ଟାବାଞ୍ଜି ( ଆନନ୍ଦ କୁମାର ମୋଟେ) : ଜଣେ ବିବାହିତା ମହିଳାଙ୍କ ମୃତ ଦେହ ଉଦ୍ଧାର ହୋଇଛି । ଏଭଲି ଏକ ଅଭାବନିୟ ଘଟଣା ଘଟିଛି ତୁରେକେଲା ଥାନା ବରିଆଲି ଗାଁରେ । ମୃତକ ବିବାହିତା ମହିଳା ଜଣକ ହେଲେ କ୍ଷୀର ସଗ୍ରିଅ । ମୃତକଙ୍କ ଭାଇ କାମେଶ୍ୱର ତାଙ୍କ ଭଉଣୀଙ୍କୁ ହତ୍ୟା କରାଯାଇଛି ବୋଲି ତୁରେକେଲା ଥାନାରେ ଅଭିଯୋଗ କରିଛନ୍ତି । ପୋଲିସ ଅଭିଯୋଗକୁ ଗ୍ରହଣ କରି ସ୍ୱାମୀ ତୁଲାରାମଙ୍କୁ ଥାନାରେ ଅଟକ ରଖି ଅଧିକ ତଦନ୍ତ ଆରମ୍ଭ କରିଛନ୍ତିି ।  

ମୃତ ମହିଲାଙ୍କ ଭାଇ କାମେଶ୍ୱରଙ୍କ ଅଭିଯୋଗ ଅନୁସାରେ ହିନ୍ଧୁ ପରମ୍ପରା ଅନୁସାରେ ଗତ ୧୫ ବର୍ଷ ତଲେ କ୍ଷିର ଏବଂ ତୁଲାରାମଙ୍କ  ବିବାହ ହୋଇଥିଲା । ଅନେକ ସମୟରେ କୌଣସି ନା କୌଣସି କଥାକୁ ନେଇ ସ୍ୱାମୀ ସ୍ତ୍ରୀ ମଧ୍ୟରେ ଝଗଡା ଲାଗି ରହୁଥିଲା । ଝଗଡା ଏମିତି ହେଇଥିଲା ଯେ ତୁରେକେଲା ଥାନା ପର୍ଯ୍ୟନ୍ତ କଥା ଯାଇଥିଲା । ତୁରେକେଲା ପୋଲିସ ଉଭୟ ସ୍ୱାମୀ ସ୍ତ୍ରୀଙ୍କ ଆପୋଷ ବୁଝାମଣା ରେ ଘରକୁ ଫେରାଇ ଦେଇଥିଲା । ୬ ମାସ ହେବ ତୁଲାରାମ ଏକ ଜଣେ ମହିଲାଙ୍କୁ ଆଣି ଘରେ ରଖିଥଲେ । ତେବେ କିଛି ଦିନ ସେହି ମହିଲାଙ୍କୁ ଘରେ ରଖିଥିବା ବେଳେ ପୁଣି ତାକୁ ଛାଡି ଦେଇଥିଲା । ସକାଳ ସମୟରେ ତୁଲାରାମ ଫୋନରେ କ୍ଷୀରଙ୍କ ମୃତ୍ୟୁ ହୋଇଥିବା କାମେଶ୍ୱରଙ୍କ ପୁଅଙ୍କୁ ଖବର ଦେଇଥିଲେ । ମୃତକ କ୍ଷୀରଙ୍କ ବେକରେ ରଶି ଲାଗିଥିବା ବେଳେ ତାଙ୍କୁ ତୁଲାରାମ ହତ୍ୟା କରି ଆତ୍ମହତ୍ୟା ରୁପ ଦେଉଥିବା ଅଭିଯୋଗ ହେଉଛି । ପୋଲିସ ଶବ ଜବତ କରି କଣ୍ଟାବାଞ୍ଜି ଡାକ୍ତରଖାନାରେ ବ୍ୟବଚ୍ଛେଦ କରାଇ ପରିବାର ବର୍ଗକୁ ହସ୍ତାନ୍ତର କରିବ ବୋଲି ଜଣାଯାଇଛି । ଅନ୍ୟ ପକ୍ଷରେ ତୁଲାରାମଙ୍କୁ ଥାନାରେ ଅଟକ ରଖି ଅଧିକ ତଦନ୍ତ ଜାରି ରହିଛି ।