02-Jun-2021

ସୋନପୁର, (ରିପୋର୍ଟ: ମନୋରଞ୍ଜନ ତ୍ରିପାଠୀ): ଗତ କାଲି ସୋନପୁର କଲେଜ ର ଭାରପ୍ରାପ୍ତ ଅଧ୍ୟକ୍ଷ ତଥା ପ୍ରଧ୍ୟାପକ  ପଦାର୍ଥ ବିଜ୍ଞାନ ଡ. ତରୁଣ କୁମାର ମିଶ୍ର ଅବସର ଗ୍ରହଣ କରିଛନ୍ତି l କଲେଜ ଅଧ୍ୟାପକ ଓ କର୍ମଚାରୀ ଙ୍କ ପକ୍ଷରୁ ଏଇ ଉପଲକ୍ଷେ ଏକ ଉଚ୍ଚ କୋଟିର  ବିଦାୟ କାଳୀନ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା l ଦୀର୍ଘ 38 ବର୍ଷ ର କାର୍ଯ୍ୟକାଳ ଭିତରେ ଡ଼ ମିଶ୍ର କେବଳ ଯେ ଛାତ୍ର ଛାତ୍ରୀ ଙ୍କୁ ଅଧ୍ୟାପନା କ୍ଷେତ୍ର ରେ ନୁହେଁ,  ଉଜ୍ବଳ ଭବିଷ୍ୟତ ସହ   ସଂସ୍କାରିତ ଓ ଭଲ ମଣିଷ  କରି  ଗଢି ତୋଳିବାକୁ କୁ  ସେମାନଙ୍କ ଉପରେ ସର୍ବଦା  ଧ୍ୟାନ ରଖିଥିଲେ l ଏବଂ ନୂତନ ଓ  ପୁରାତନ ଛାତ୍ର  ସଂଗଠନ ସମେତ କଲେଜ ଶିକ୍ଷକ ଓ କର୍ମଚାରୀ, ଓ ପରିଚାଳନା କମିଟି ସହିତ ସୁ -ସମ୍ପର୍କ ସ୍ଥାପନ କରି ଏହି ସର୍ବ ପୁରାତନ ସୋନପୁର କଲେଜ ର  ସୁ - ଶାସନ ଓ ସାମଗ୍ରୀକ ବିକାଶ ପାଇଁ  କାର୍ଯ୍ୟକlଳ  ଶେଷ ଯାଏ ଶ୍ରୀ ମିଶ୍ର ନିସ୍ଵାର୍ଥପର ଭାବେ  ପ୍ରଚେଷ୍ଟା ଜାରି ରଖି ଆସିଛନ୍ତି ବୋଲି ସଭାରେ ଉପସ୍ଥିତ ଅଧ୍ୟାପକ ଅଧ୍ୟାପିକା ଓ କର୍ମଚାରୀ ମତ ଦେଇ ଖୁବ  ପ୍ରଶଂସା କରିଥିଲେ l  ଏବଂ ତାଙ୍କରି  ଆଦର୍ଶ, ଦୃଢ଼ ମନୋବଳ,  ଉତ୍ସର୍ଗୀକୃତ ସେବା, ଭଲ ପାଇବା, ସଚୋଟ ପଣିଆ, ଓ ମଣିଷ ପଣିଆକୁ ଏ କଲେଜ ସବୁ ଦିନ ପାଇଁ ମନେରଖିବ ବୋଲି ମତ ରଖି ଡ଼, ମିଶ୍ର ଙ୍କ  ଦୀର୍ଘାୟୁ, ସୁସ୍ଥ, ଓ ନିରାମୟ ଜୀବନ ଯାପନ ପାଇଁ ଶୁଭକାମନା ଜଣାଇଥିଲେ l କଲେଜ ର ନୂତନ ଅଧ୍ୟକ୍ଷ ତଥା ଅର୍ଥନୀତି ପ୍ରଧ୍ୟାପକ ଶ୍ରୀ ରାଜୀବ ଲୋଚନ ଆଚାର୍ଯ୍ୟ  ଡ଼, ମିଶ୍ର ଙ୍କୁ  ମାନପତ୍ର, ଉପଢ଼ୋକନ, ଓ ଫୁଲ ତୋଡ଼ା 
                                                                         

 ଦେଇ ସମ୍ବର୍ଦ୍ଧନା ଜ୍ଞାପନ କରିଥିଲେ l ସହଯୋଗ ଓ ସଫଳତା ପାଇଁ  ସମସ୍ତ ଅଧ୍ୟାପକ, କର୍ମଚାରୀ, ଓ  ଛାତ୍ର ଛାତ୍ରୀ ଙ୍କୁ ଧନ୍ୟବାଦ ଜଣାଇ ଶ୍ରୀ ମିଶ୍ର ନୂତନ ଅଧ୍ୟକ୍ଷ ଙ୍କୁ ସ୍ୱାଗତ କରିଥିଲେ l ଡ଼.ମିଶ୍ର  ଶିକ୍ଷା କ୍ଷେତ୍ର ରେ  ଜଣେ  ଭଲ ପ୍ରଧ୍ୟାପକ, ଛାତ୍ରବତ୍ସଳ ଯେମିତି ସୁନାମ ଅର୍ଜନ କରିଛନ୍ତି ସେ ଜଣେ 
  

ବୃକ୍ଷ ପ୍ରେମୀ ଓ ସଂସ୍କୃତି ପ୍ରେମୀ ଭାବେ ମଧ୍ୟ ପରିଚିତ ଅଟନ୍ତି l ଛାତ୍ର ଜୀବନ ରେ ଶ୍ରୀ ମିଶ୍ର ବଲାଙ୍ଗୀର ରାଜେନ୍ଦ୍ର କଲେଜ ରେ ମଞ୍ଚସ୍ଥ ବିଭିନ୍ନ ନାଟକ ରେ କେବେ ହିରୋ ତ କେବେ ରାଜା ଭୂମିକା ରେ ନିଖୁଣ ଅଭିନୟ କରି ଖୁବ ପ୍ରଶଂସିତ  ଓ ଅନେକ ଥର ପୁରସ୍କୃତ  ବି ହୋଇଛନ୍ତି l ଓ ଜୀବନ ର ସବୁ କ୍ଷେତ୍ର ରେ ସେ ହିରୋ ଭଳିଆ ସାହାସିକତା ଓ  ଦକ୍ଷତା ର ସହିତ କାର୍ଯ୍ୟ ଭାର ତୁଲାଇ ସଫଳ ହୋଇଛନ୍ତି l   ବଲାଙ୍ଗୀର ନାଟ୍ୟ ସଂସଦ ର ସେ ଜଣେ  ସକ୍ରିୟ ଓ ଅlଜୀବନ  ସଦସ୍ୟ  ଥିବା ବେଳେ ଅବସର ଜୀବନ ର ବାକି ତକ ସମୟ ମଧ୍ୟ  ଶିକ୍ଷା, କଳା ଓ ପରିବେଶ ର ବିକାଶ, ଯତ୍ନ ଓ ସଚେତନତା ଦିଗରେ ନିଷ୍ଠା ଓ  ଉତ୍ସାହ ର ସହିତ କାର୍ଯ୍ୟ କରିବି ବୋଲି  ପ୍ରଧ୍ୟାପକ ଶ୍ରୀ ମିଶ୍ର ପ୍ରକାଶ କରିଛନ୍ତି l