01-Jun-2021

ନର୍ଲା (ସଞ୍ଜୀବ ଦାସ) ଆଗକୁ ଆହୁରି ଦୁଇ ସପ୍ତାହ ଲକଡାଉନ ଘୋଷଣା କରୋନା ସଂକ୍ରମଣ ଉପରେ ରୋକ ଲଗାଇବାରେ ବେସ ସହାୟକ ହେବ ବୋଲି ସାଧାରଣରେ ମତ ପ୍ରକାସ ପାଇଛି।କରୋନା ସମୟରେ ସଂକ୍ରମଣକୁ ଆଖି ଆଗରେ ରଖି ବିବାହ,ବ୍ରତ, ଭୋଜିଭାତ,ଅନ୍ତେଷ୍ଟି କ୍ରିଆ,ସଭାସମିତି ଉପରେ କଟକଣା ଯାରି କରାଯାଇଛି।ଦୋକାନ ବଜାରରେ ଅତ୍ୟଧିକ ଗହଳି ହେଉଥିବାରୁ ସଟଡାଉନ ଓ ଲକଡାଉନ ଭଳି ବ୍ୟବସ୍ଥା ଗ୍ରହଣ କରାଯାଇଛି।କାରଣ ଯେତେ ଗହଳି ହେବେ ରୋଗ ସେତେ ବଢିବ ବୋଲି କୁହାଯାଉଥିଲେ ମଧ୍ୟ ଏହାକୁ କିଛି ଅମାନିଆ ମାନୁନାହାଁନ୍ତି।ପ୍ରଶାସନ ଯାରି କରିଥିବା କଟକଣା ଉପରେ ଅଧିକାଂଶ ଦୃଷ୍ଟି ଦେଉ ନାହାନ୍ତି।ପୋଲିସ ଖାଲି ବଜାର ଉପରେ କିଛି ଅମାନିଆଙ୍କ ଠାରୁ ଜୋରିମାନା ଆଦାୟ କରୁଛି ସତ କିନ୍ତୁ ପୋଲିସ ବଜାର ରୁ ଯିବା ପରେ ଯଥା ପରଂସ୍ତିତି ରହୁଛି।ଏହି ଲକଡାଉନ ମଧ୍ୟରେ ନର୍ଲା ରୁପ୍ରା ରୋଡ ଓ ଷ୍ଟେଟ୍ ବ୍ୟାଙ୍କ ଆଗରେ ଖାତାଧାରିଙ୍କ ଅତ୍ୟଧିକ ଗହଳି ପ୍ରତ୍ୟେକ ଦିନ ଲାଗି ରହୁଚି।ଏପରିକି ବ୍ୟାଙ୍କ ଭିତରକୁ ପ୍ରବେସ କରିବା ପାଇଁ ଠେଲାପେଲା ହେଉଥିବା ନଯରକୁ ଆସିଛି।

ସରକାର ଗୋଟିଏ ପଟେ ଲକଡାଉନ କଲେ ତାପରେ କାଳିଆ ଟଙ୍କା ଲୋକଙ୍କ ଖାତାରେ ଛାଡିଦେଲେ।ଯାହା ପାଇଁ ବ୍ୟାଙ୍କ ଆଗରେ ପ୍ରବଳ ଗହଳି ଜମୁଛି।ସରକାରଙ୍କ ପ୍ରକୃତ ଚିନ୍ତା ଧାରା କଣ ତାହା ଜଣାପଡୁନି।ପ୍ରତ୍ୟେକ ଦିନ ଏହି ଦୁଇଟି ବ୍ୟାଙ୍କ ଆଗରେ ଖୋଲା ହେବା ସମୟ ପୁର୍ବରୁ ଖାତାଧାରି ଲାଇନ ଲଗାଇ ଛିଡା ହେଉଛନ୍ତି।ସାମାଜିକ ଦୁରତା ଜମାରୁ ମାନୁ ନାହାନ୍ତି।ଏଥି ପ୍ରତି ଏବେଠାରୁ ଯଦି ଦୃଷ୍ଟି ଦିଆନଜାଏ ତେବେ  ଆଗକୁ କରୋନା ବ୍ୟାପିବାର ଯଥେଷ୍ଟ ସମ୍ଭାବନା ଦେଖା ଦେଵ। ବ୍ୟାଙ୍କର ଗହଳିକୁ ଦେଖି ବ୍ୟାଙ୍କ କର୍ମଚାରୀ ମଧ୍ୟ ଭୟଭିତ ହେଉଥିବା କହିଛନ୍ତି।ଅନ୍ୟପକ୍ଷରେ ଲକଡାଉନ ଓ ସଟ୍ ଡାଉନ ରେ ଅନେକ ବ୍ୟବସାୟୀ ଅମାନିଆ ହେଉଥିବା ଦେଖିବାକୁ ମିଳୁଛି ..ନିୟମ ଅନୁଯାୟୀ ସକାଳ ୭ରୁ ୧୧ ଟା ପର୍ଯ୍ୟନ୍ତ ଦୋକାନ ଖୋଲାଯିବା ପାଇଁ ସରକାର ନିୟମ ଯାରି କରିଥିବା ବେଳେ କିଛି ବ୍ୟବସାୟୀ ସକାଳୁ ୬ଟା ଠାରୁ ରାତ୍ର ୧୦ ଟା ୧୧ ଟା ପର୍ଯ୍ୟନ୍ତ ଯେତେବେଳେ ଗ୍ରାହକ ଆସିଲେ ମଧ୍ୟ ଦୋକାନରୁ ଯେକୌଣସି ସାମଗ୍ରୀ ପ୍ରଦାନ କରୁଛନ୍ତି...ତେଣୁ ଲୋକେ ମଧ୍ୟ ସାମଗ୍ରୀ ମିଳୁଛି ବୋଲି ବାଧ୍ୟ ହୋଈ ଘରୁ ବାହାରି ଆସୁଛନ୍ତି...ଏପରିକି ତହିଁ ଆରଦିନ ଦୋକାନ ଖୋଲିଲେ ମଧ୍ୟ ବ୍ୟବସାୟ ହେଉନଥିବା କହିଛନ୍ତି।ତେଣୁ ସମସ୍ତ ବ୍ୟବସାୟୀ ପାଇଁ ଗୋଟିଏ ନିୟମ କରିବା ସହ ପୋଲିସ ଏଥିପ୍ରତି ଧ୍ୟାନ ଦିଅନ୍ତୁ ବୋଲି ବୃଦ୍ଧି ଜୀବି ମହଳରେ ଚର୍ଚ୍ଚା ଜୋର ଧରିଛି।