31-May-2021

ଲୋଇସିଂହା/ଆଗଲପୁର (ବିନୋଦ କୁମାର ଦୀପ): ବରଗଡ଼ ଜିଲ୍ଲା ପାଇକମାଳ ନିକଟସ୍ଥ  ଧରଜଗଡ ଗ୍ରାମ ର ୬୦ ବର୍ଷ ବୟସ୍କ ବସନ୍ତ ଭୋଇ ନାମକ ଜଣେ ବ୍ୟକ୍ତି  ବିଭିନ୍ନ  ଅଞ୍ଚଳକୁ ଯାଇ  ଚେରମୂଳି ଔଷଧ ବିକ୍ରି କରନ୍ତି । ଲକ୍ ଡାଉନ୍ ପୂର୍ବରୁ ସେ ଘରୁ ବାହାରି ବିଭିନ୍ନ ଅଞ୍ଚଳ ବୁଲାବୁଲି କରି ରହିଥିଲେ କିନ୍ତୁ ଲକ୍ ଡାଉନ୍ ଯୋଗୁଁ ଆଉ ଘରକୁ ଫେରିପାରି ନଥିଲେ । ଦୁଇ ଦିନ ପୂର୍ବରୁ ସେ ଲୁହୁରାମୁଣ୍ଡା ଗ୍ରାମକୁ ଚାଲି ଚାଲି

ପହଞ୍ଚିଥିଲେ ,  କିଛି ସହୃଦୟ ବ୍ୟକ୍ତି ତାଙ୍କୁ ଖାଇବାକୁ ଦେଇ ଅର୍ଦ୍ଧନିର୍ମିତ କ୍ଳବ୍ ଗୃହରେ ରଖିଥିଲେ । ଆଜି ଉକ୍ତ ଗ୍ରାମର ଗୋପବନ୍ଧୁ ବାରିକ ଓ ଅନନ୍ତ ପଧାନ ବିଙ୍ଗ ହ୍ୟୁମାନ ଫାଉଣ୍ଡେସନ ଆଗଲପୁରକୁ ଖବର ଦେଇଥିଲେ । ଖବର ପାଇ ବିଙ୍ଗ ହ୍ୟୁମାନ ଫାଉଣ୍ଡେସନ ଆଗଲପୁର ଶାଖାର ସଭାପତି ପ୍ରେମାନନ୍ଦ ପଧାନ, ସମ୍ପାଦକ ସଂଯୋଗ କୁମାର ସାହୁ , ବରିଷ୍ଠ ସଦସ୍ୟ ବୁଦ୍ଧଦେବ ସାହୁ ଓ ବିଟୁ ନାଏକ ପହଞ୍ଚି ତାଙ୍କ ସହ ଆଲୋଚନା କରିଥିଲେ । ସେ କହିବା ଅନୁଯାୟୀ ତାଙ୍କ ଘରେ କେହି ନାହିଁ , ଗୋଟିଏ ପୁଅ ଓ ଗୋଟିଏ ଝିଅ ଅନାଥାଶ୍ରମର ରେ ରୁହନ୍ତି, ତାଙ୍କ ବଡ଼ଭାଇ ପଦମପୁର ର ରାଜାପଡ଼ାରେ ହୁରନ୍ତି । ଏଣୁ ସେ ପଦମପୁର ଯିବାପାଇଁ କହିଥିଲେ । ବିଙ୍ଗ ହ୍ୟୁମାନ ଫାଉଣ୍ଡେସନର ସଦସ୍ୟ ମାନେ ତାଙ୍କୁ ନେଇ ପଦମପୁରରେ ପହଞ୍ଚିଲା ପରେ ତାଙ୍କ ଭାଇଙ୍କ ଘର ବହୁ ଖୋଜିଲା ପରେ ମଧ୍ୟ ପାଇଲେ ନାହିଁ । ପରେ ପଦମପୁରର ସାମ୍ବାଦିକ ଡିଲେଶ୍ୱର ବାଗ ଓ ନବ ବାର୍ହିଆଙ୍କ ସହଯୋଗରେ 

ପଦମପୁର ଅତିରିକ୍ତଜିଲ୍ଲାପାଳ ଓ ଏନ୍ ଏ ସି ଙ୍କୁ ଖବର ଦେଇଥିଲେ । ଖବର ପାଇ ଏନ୍ ଏ ସି ର କର୍ମଚାରୀ ମାନେ ପହଞ୍ଚି  ନିଜ ଦାୟିତ୍ଵରେ ରଖିବା ପାଇଁ କଥା ଦେଲା ପରେ   ବୃଦ୍ଧ ଜଣଙ୍କୁ ହସ୍ତାନ୍ତର କରିଥିଲେ । ବିଙ୍ଗ ହ୍ୟୁମାନ ର ଏଭଳି କାର୍ଯ୍ୟକୁ ପଦ୍ମପୁର ଅଞ୍ଚଳରେ ପ୍ରଶଂସା କରାଯାଇଛି  ।