31-May-2021

ବିନିକା (ହିମାଂଶୁ ଶେଖର ପୁଟେଲ) ଓଡ଼ିଶାର ଜୀବନ ରେଖା ଭାବେ ପରିଚିତ ମହାନଦୀ ଆମ ରାଜ୍ୟର ସବୁଠାରୁ ବଡ଼ ନଦୀ l   ମହାନଦୀ କୂଳରେ ଅବସ୍ଥିତ ବିନିକା ସହର ଆଜି ସବୁ ଦୃଷ୍ଟିରୁ ଗର୍ବିତ। ମାତ୍ର ମହାନଦୀର ଅସ୍ତିତ୍ଵକୁ ନେଇ ଏବେ ବିନିକା ବାସି ଚିନ୍ତିତ। ପଡୋଶୀ ଛତିଶଗଡ଼ ରାଜ୍ୟରୁ ବାହାରିଥିବା ଆଜି ଚିରସ୍ରୋତା ମହାନଦୀ ର ପାଣିକୁ ଅଟକା ଯାଇ ବିଭିନ୍ନ ସ୍ଥାନରେ ଛୋଟ ବଡ଼ ଆଣିକଟ,ବନ୍ଧ ନିର୍ମାଣ ଦ୍ଵାରା ବର୍ତ୍ତମାନ ନଦୀରେ ପାଣି ଧାର କମି କମି ବସିଲାଣି । ଏହର ସୁଯୋଗ ନେଇ କିଛି ଅସାମାଜିକ ବ୍ୟକ୍ତି ରାତି ଅଧରେ ଚୋର ଙ୍କ ଭଳି ମହାନଦୀର ପାଣି ଉପରେ ଅଶାଳୀନ କାର୍ଯ୍ୟ କଳାପ ଅର୍ଥାତ ଅବାଧରେ ବ୍ଲାସ୍ତିଂ କରିଚାଲିଥିବାରୁ ସମସ୍ତଙ୍କ ଜୀବନ ବଞ୍ଚାଉଥିବା  ମହାନଦୀ ସତେ ଯେମିତି କାନ୍ଦିବାକୁ ବସିଲାଣି l  ମହାନଦୀ ଗର୍ଭରେ ବସବାସ କରୁଥିବା ବିଭିନ୍ନ ଜିବ ମାନଙ୍କର ମୃତ ଶରୀର ଏବେ ପ୍ରତିଦିନ ହଜାର ହଜାର ସଂଖ୍ୟାରେ ଭାସୁଥିବା ଦେଖିବାକୁ ମିଳିଛି l ପୁଣି ମହାନଦୀ ପାଣି ଝଲ୍ ଝଲ ଦେଖା ଯାଉଥିଲା ତାହା କୋଇଲା ଗୁଣ୍ଡ ପରି ପ୍ରଦୂଷିତ ହୋଇପଡିଛି l ବିଶେଷ କରି ନଦୀ କୂଳରେ ବସବାସ କରୁଥିବା ଲୋକଙ୍କ ସ୍ବାସ୍ଥ୍ୟ ପାଇଁ ଏହି ସମସ୍ୟା ଦ୍ୱିଗୁଣିତ ହୋଇପଡିଛି l ସାରା ପରିବେଶ ଦୂର୍ଘନ୍ଧମୟ ହୋଇ ପଡୁଥିବାରୁ ନଦୀ ପାଣି ବ୍ୟବହାର କରିବା ଲୋକଙ୍କ ପାଇଁ କଷ୍ଟସାଧ୍ୟ ହୋଇଛି l ସୂଚନା ଯୋଗ୍ୟ ଯେ, 
 

ଗତ ତିନି ମାସ ହେବ କିଛି ଅସାମାଜିକ ଲୋକ ମହାନଦୀରେ ବିସ୍ଫୋରଣ କରି ମାଛ ମାରିବାକୁ ନୀତି ଦିନିଆ ଅଭ୍ୟାସ ରେ ପରିଣତ କଲେଣି। ବିସ୍ଫୋରଣ ଦ୍ଵାରା ସେହି ଇଲାକା ରେ ବସବାସ କରୁଥିବା ମାଛ ସମେତ ଅନ୍ୟାନ୍ୟ ସରୀସୃପ ମଧ୍ୟ ଜୀବନ ହରାଉ ଛନ୍ତି l ଫଳରେ ବିସ୍ପୋରଣ କାରୀ ଅଧାରୁ ଅଧିକ ମାଛ  ଧରି ପାରୁ ନାହିଁ । ଯାହାକି ପରେ ମରିଥିବା ମାଛ ଓ ଅନ୍ୟ ସରୀସୃପ ନଦୀ ପାଣିରେ ଦିନ ଦିନ ରହି ପଚିଯିବା ଓ ପରେ ପାଣି ବିଷାକ୍ତ ହୋଇପଡିଛି । ସେହିପରି ଚିଙ୍ଗୁଡ଼ି ଧରିବା ପାଇଁ ମଧ୍ୟ ନଦୀ ପାଣିରେ କୀଟ ନାଶକ ପ୍ରୟୋଗ କରା ଯାଉଛି। ବିସ୍ଫୋରଣ ଫଳରେ ନଦୀ କୂଳରେ ଥିବା ଘର ମାନଙ୍କରେ ମଧ୍ୟ ଫାଟ ସୃଷ୍ଟି ହେଲାଣି। ସବୁଠାରୁ ସାଙ୍ଘାତିକ କଥା ହେଲା ବିନିକା ଏବଂ ଚଢାଇପଙ୍କ ମଧ୍ୟରେ ଥିବା ମହାନଦୀ ପୋଲ ର ଅସ୍ତିତ୍ବ କୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି। କିଛି ସରକାରୀ ବାବୂଙ୍କ ଦୃଷ୍ଟି ଆକର୍ଷଣ କରିବା ପାଇଁ ଆମେ ଚେଷ୍ଟା କରିବା ସତ୍ୱେ ଏହି ଉଚ୍ଚ ପଦରେ ବସିଥିବା ବାବୁ ମାନଙ୍କ ପାରିବା ପଣିଆ ଦେଖି ସନ୍ଦେହ ଲାଗୁଛି।
ବିନିକାର କିଛି ସଚେତନ ନାଗରିକ ଏହା ବିରୁଦ୍ଧରେ ସ୍ୱର ଉତ୍ତୋଳନ କରୁଛନ୍ତି l ତେବେ ଦେଖିବାକୁ ବାକି ରହିଲା କେବେ ପ୍ରଶାସନ ର ନିଦ ଭାଙ୍ଗିବ ।