30-May-2021

ବଲାଙ୍ଗିର(ପ୍ରେରଣା ଖବର): ସମାଜର ଅବହେଳିତ ମହିଳାମାନଙ୍କ ଅଧିକାର ପାଇଁ କାମ କରୁଥିବା ଜିଲ୍ଲାର ଏକ ଅଗ୍ରଣୀ ଅନୁଷ୍ଠାନ ହେଉଛି ନାରୀ ଶକ୍ତି ଫାଉଣ୍ଡେସନ୍ l ଲକ୍ ଡାଉନ ହେଉ କି ସଟ ଡାଉନ, ଖରା ହେଉ କି ବର୍ଷା ସବୁବେଳେ କିଛି ନା କିଛି ସାମାଜିକ କାର୍ଯ୍ୟରେ ଏହି ସଂଗଠନର ସମ୍ପୃକ୍ତି ସର୍ବାଗ୍ରେ ରହିଛି l କରୋନା କlଳରେ ଜଣେ ଆଗଧାଡିର କୋଭିଡ଼ ଯୋଦ୍ଧା ଭବରେ ଏମାନେ ଯେଉଁ କାମ କରିଛନ୍ତି ତାହା ସମସ୍ତଙ୍କ ପାଇଁ ପ୍ରେରଣାଦାୟୀ ହେବ l

  ଗତ କାଲିଥିଲା Menstrual Hygiene Day l ମହିଳାଙ୍କ ପାଇଁ ବିଶେଷ ଗୁରୁତ୍ଵ ବହନ କରୁଥିବା ଏହି ଦିନରେ ବଲାଙ୍ଗିର ସନ୍ନିକଟ ସାଲେପାଲି ସ୍ଵଧାର ଗୃହରେ ମହିଳା ଅନ୍ତେବାସୀ ମାନଙ୍କୁ ସେନିଟେରୀ ପେଡ଼ ବଣ୍ଟନ କରାଯିବା ସହ ମହିଳା ମାନଙ୍କୁ  ମାସ୍କ  ପ୍ରଦାନ କରିଥିଲେ ନାରୀ ଶକ୍ତି ଫାଉଣ୍ଦେସନ୍ ର ମହିଳା ସଦସ୍ୟା ମାନେ l ମହିଳା ମାନଙ୍କୁ ନିଜ ସ୍ୱାସ୍ଥ୍ୟଗତ ସୁରକ୍ଷା ପାଇଁ  ସେନିଟlଇଜେସନ୍ କିଟସ୍, ସାବୁନ, ସେମପୁ ଆଦି ଦିଆଯାଇ ଥିଲା l ଏହି ମହିଳା ସଚେତନତା କାର୍ଯ୍ୟକ୍ରମରେ ନାରୀ ଶକ୍ତି ଫାଉଣ୍ଡେସନର ଉପଦେଷ୍ଟା ସରିତା ଦାସ, ସନ୍ତୋଷିନୀ ବେହେରା, ସଭ୍ୟା ନୂତନ ଦାସ, ପ୍ରିୟଙ୍କା ତ୍ରିପାଠୀ, ଶ୍ରାବଣୀ ମେହେର, ରାଣୀ ପଣ୍ଡା, ଅଙ୍କିତା ମହାନ୍ତି, ମମତା ଜେନା, ନୂତନ ସିନ୍ଦରିଆ ପ୍ରମୁଖ ସହଯୋଗ କରିଥିଲେ l