30-May-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ  ତରଫରୁ ଜିଲ୍ଲାରେ କେବଳ  ଦ୍ଵିତୀୟ ଡୋଜ ନେବାକୁ ଥିବା 45 ବର୍ଷ ଓ ତଦୁର୍ଧ୍ୱ ବୟସ୍କ  ଯେଉଁମାନଙ୍କ ପ୍ରଥମ ଡୋଜ ଟୀକା ନେବାର 84ଦିନ ସମ୍ପୂର୍ଣ୍ଣ ହୋଇ ସାରିଥିବ ସେହି ହିତାଧିକାରୀଙ୍କୁ ମେ 31 ଓ ଜୁନ୍ 1 ତାରିଖରେ  ଜିଲ୍ଲାର 6ଟି ବ୍ଲକର ବ୍ୟବସ୍ଥିତ 19 ଟୀକାକେନ୍ଦ୍ରରେ ଟୀକାପ୍ରଦାନ କରାଯିବ  l ଏହି ପରିପ୍ରେକ୍ଷୀରେ ଆସନ୍ତା ମେ 31 ତାରିଖରେ ବୀରମହାରାଜପୁର ବ୍ଲକର ବୀରମହାରାଜପୁର-ଏସଡିଏଚ, ମୁରଶୁଣ୍ଢୀ-ପିଏଚସି, କୁଡାପଡା- ଏସସି, ବିନିକା ବ୍ଲକ ର ବିନିକା- ସିଏଚସି, କୁଇବାହାଲ-ଏସସି, ମହାଦେବପାଲି-ଜିଏଚ,ବlଙ୍କିଗିର୍ଡି- ପିଏଚସି, ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ଡୁଙ୍ଗୁରିପାଲି-ୟୁପି ସ୍କୁଲ, ରାମପୁର- ପିଏଚସି, ଶୁଖା-ପିଏଚସି,ସେହିପରି  ସୋନପୁର ବ୍ଲକର ଖଲିଆପାଲି- ଏସସି, ରେଙ୍ଗାଲି-ଏସସି, ଓ ସରଗୁଣlମୁଣ୍ଡା-ଏସସି, ଉଲୁଣ୍ଡା ବ୍ଲକ ଅନ୍ତର୍ଗତ କୋଟସମଲାଇ-ପିଏଚସି, ମହଦା-ଏସସି, ଚଡେଇପଙ୍କ-ଏସସି, ଏବଂ ତରଭା ବ୍ଲକ ର ତରଭା- ସିଏଚସି, ଦେଉଳପଦର-ଏସସି,      ରେ ଟୀକାକରଣ ହେବାକୁ ଥିବାବେଳେ  ତା 01/06/21ରେ କେବଳ ରାଣୀସରଡ଼ା-ଏସସି ଟୀକାକେନ୍ଦ୍ରରେ  ଟୀକାକରଣ ଚାଲୁରହିବ l  

ଉକ୍ତ ଦିନ ଗୁଡିକରେ ଟୀକାର ତତ୍କାଳ ମହଜୁଦକୁ ଦୃଷ୍ଟିରେ ରଖି ସକାଳ 8 ଘଣ୍ଟା ରୁ 9 ଘଣ୍ଟା ମଧ୍ୟରେ 45 ବର୍ଷରୁ ଉର୍ଦ୍ଧଙ୍କୁ ପ୍ରଥମ ଡୋଜ ଟୀକାକରଣ ପାଇଁ  ଓ ଯୋଗ୍ୟ ହିତାଧିକାରୀଙ୍କୁ ଦ୍ଵିତୀୟ ଡୋଜ ଟୀକାକରଣ ନିମନ୍ତେ ଟୀକାକେନ୍ଦ୍ର ଠାରେ ବ୍ୟକ୍ତିଗତ ଟୋକନ ପ୍ରଦାନ କରାଯିବ l ଯେଉଁମାନେ ଟୋକନ ସଂଗ୍ରହ କରିଥିବେ ସେମାନେ  ନିର୍ଦ୍ଧାରିତ ସମୟରେ ଉଦ୍ଦିଷ୍ଟ ଟୀକାକରଣ କେନ୍ଦ୍ରକୁ ପହଂଚି ଟୀକା ଗ୍ରହଣ କରିବେ l ବିନା କୌଣସି ସୂଚନାରେ ଟୀକାକେନ୍ଦ୍ରକୁ ଯାଇ ହଇରାଣ ନହେବା କିମ୍ବା କେନ୍ଦ୍ରରେ ଅଯଥାରେ ଭିଡ଼ ନ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ଅନୁରୋଧ କରାଯିବା ସହ ଯେତେବେଳେ ଯାହାର ପାଳି ଆସୁଛି ସେମାନେ କେବଳ କେନ୍ଦ୍ରକୁ ଆସିବାକୁ ପରାମର୍ଶ ଦିଆଯାଉଛି l ଏହି ଟୀକାକରଣ ସକାଳ 08 ରୁ ଅପରାହ୍ନ 12 ଘଣ୍ଟା  ଓ ଅପରାହ୍ନ 03 ରୁ ସନ୍ଧ୍ୟା 06 ଘଣ୍ଟା ପର୍ଯ୍ୟନ୍ତ ଚାଲୁ ରହିବ l