28-May-2021

ଉଲୁଣ୍ଡା(ଗୌର ଚନ୍ଦ୍ର ପରିଛା)- ଉଲୁଣ୍ଡା ବ୍ଲକ ଏସ୍ ପତ୍ରାପାଲି ପଂଚାୟତର କେଉଟିପାଲି ଠାରେ  ନିର୍ମାଣ ହୋଇଥିବା ଶୌରଚାଳିତ ପାନୀୟ ଜଳ ପ୍ରକଳ୍ପ କାର୍ଯ୍ୟକ୍ଷମ ହୋଇପାରୁନାହିଁ । ଫଲରେ ଲୋକେ ପାଣି ଟୋପାଏ ପାଇଁ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପ୍ରକାଶ ଯେ  ଏକ ବର୍ଷ ପୁର୍ବରୁ   କେଉଟିପାଲିକୁ ଜଳ ଯୋଗାଇ ଦେବା ପାଇଁ ଲକ୍ଷାଧିକ ଟଙ୍କା ବ୍ୟୟ ଅଟକଳରେ ଶୌରଚାଳିତ ପ୍ରକଳ୍ପ ନିର୍ମାଣ କରାଯାଇଛି । ମାତ୍ର କାର୍ଯ୍ୟକ୍ଷମ ହେଉନଥିବାରୁ ଲୋକେ ପାଣି ଟୋପାଏ ପାଇବା ଆଶା ମଉଳିଗଲାଣି । ଏନେଇ ଅଭିଯୋଗ ହେଉଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହେଉଛି ।  ପ୍ରକଳ୍ପଟି ହାଟପଡିଆକୁ ଲାଗି ରହିଥିବାରୁ ବଜାରକୁ ଆସୁଥିବା ଲୋକେ ମଧ୍ୟ ପାଣି ନପାଇ ଡହକବିକଲଳ ହେଉଛନ୍ତି । ଯଥାଶୀଘ୍ର ପ୍ରକଳ୍ପକୁ କାର୍ଯ୍ୟକ୍ଷମ କରିବାକୁ ଦାବି ହେଉଛି । ଏନେଇ ବିଭାଗୀୟ ଯନ୍ତ୍ରୀ ନିରଂଜନ ସାହୁଙ୍କୁ ଯୋଗାଯୋଗ କରିବାରୁ ଫୋନ ଉଠାଇନଥିଲେ । ଯଥାଶୀଘ୍ର ପ୍ରକଳ୍ପ କାର୍ଯ୍ୟକ୍ଷମ କରିବା  ସହ ଜଳଯୋଗାଣ କରିବା ପାଇଁ ଦାବି ହେଉଛି ।