22-Oct-2020

ଲୋଇସିଂହା/ଆଗଲପୁର(ବିନୋଦ କୁମାର ଦୀପ)- ଲୋଇସିଂହା ବ୍ଲକର ଭରସୁଜା ଠାରେ ହାଇସ୍କୁଲ ଛାତ୍ରଛାତ୍ରୀ ମାନଙ୍କ ପାଇଁ ଓଷ୍ଟା ଟେଷ୍ଟପେପର ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ଯୋଗ ଦେଇ ଛାତ୍ରଛାତ୍ରୀ ମାନେ ଆତ୍ମବିଶ୍ୱାସର ସହିତ ମନନିବେଶ କରି ନିଜର କ୍ୟାରିୟର ଗଠନ କରିବା ପାଇଁ ଉପଦେଶ ଦେଇଥିଲେ । ଏହି କାର୍ଯ୍ୟକ୍ରମରେ ସହ ବ୍ଲକ ଶିକ୍ଷା ଅଧିକାରୀ ଅରୁଣୀ ମହାନନ୍ଦ ଯୋଗ ଦେଇଥିବା ବେଳେ ଡିବିରି ଅନୁଷ୍ଠାନର ସଂଯୋଜକ ଯୋଗୀନ ନାଏକ ମଞ୍ଚାସୀନ ରହି ଟେଷ୍ଟପେପର ବଣ୍ଟନ କାର୍ଯ୍ୟକ୍ରମକୁ ଆଗେଇ ନେଇଥିଲେ । ଓଷ୍ଟା ସଂପାଦକ ତାରାକାନ୍ତ ମିଶ୍ର, ନୂଆଗାଁ ହାଇସ୍କୁଲ ପ୍ରଧାନଶିକ୍ଷକ ଭାଗବତିଆ ସାହୁ, ରାମପୁର ହାସ୍କୁଲର ପ୍ରଧାନଶିକ୍ଷକ ବିଜୟ ଦାଶ, ଆଗଲପୁର ଗାର୍ଲସ ହାଇସ୍କୁଲର ପ୍ରଧାନଶିକ୍ଷକ ବିଦ୍ୟାଧର ସିଂଦେଓ, ସାଲେଭଟା ସ୍କୁଲର ପ୍ରଧାନଶିକ୍ଷକ ସଦାନନ୍ଦ ଭୋଇଙ୍କ ସମେତ ଲୋଇସିଂହା ଓ ଆଗଲପୁର ବ୍ଲକର ସମସ୍ତ ହାଇସ୍କୁଲର ପ୍ରଧାନଶିକ୍ଷକ ମାନେ ଉପସ୍ଥିତ ଥିଲେ । ଦଶମ ଶ୍ରେଣୀର ଦୁଇ ଜଣ ଛାତ୍ରୀ ଜାଗୃତି ପାତ୍ର ଓ ଲଳିତା ଜ୍ୟୋତିଙ୍କୁ ମାନ୍ୟବର ବିଧାୟକ ଶ୍ରୀ ମହାଲିଙ୍ଗ ଓଷ୍ଟା ଟେଷ୍ଟପେପର ହସ୍ତାନ୍ତର କରିଥିଲେ । ଶିକ୍ଷକ ଆନନ୍ଦ ସାହୁ ସଭା ସଂଯୋଜନା କରିଥିବା ବେଳେ ମନୋରଞ୍ଜନ ପ୍ରଧାନ ଧନ୍ୟବାଦ ଜ୍ଞାପନ କରିଥିଲେ ।