27-May-2021

ତରଭା (ପ୍ରେରଣା ଖବର) :  ଗତ 16 ତାରିଖରେ ସୋନପୁର ଜିଲ୍ଲା ତରଭା ବ୍ଲକ ଅନ୍ତର୍ଗତ ରାଣୀସର୍ଡା ଗ୍ରାମର ମା ମାହେଶ୍ୱରୀ ମନ୍ଦିରର ପୂଜାରୀ ତଥା ଗ୍ରାମର ପୁରୋହିତ ସୌମିତ୍ରୀ ପାଢ଼ୀ ଙ୍କର  59 ବର୍ଷ ବୟସରେ  ପରଲୋକ ହୋଇଯାଇଛି  |
ସ୍ୱର୍ଗତ ସୌମିତ୍ରୀ ପାଢ଼ୀଙ୍କର ବିୟୋଗରେ ଆଜି ଦ୍ଵାଦଶାହ ଦିନ ରାଣୀସର୍ଡା ଗ୍ରାମବାସୀଙ୍କ ଦ୍ୱାରା ଏକ ଶୋକ ସଭା ଅନୁଷ୍ଠିତ ହୋଇଯାଇଛି  | କୋଭିଡ ଗାଇଡଲାଇନ ପାଳନ କରି ଏହା ଅନୁଷ୍ଠିତ ହୋଇଯାଇଛି  | ପ୍ରଥମେ ସ୍ୱର୍ଗତ ପାଢ଼ୀଙ୍କ ଫୋଟୋ ଚିତ୍ରରେ ଫୁଲ ଓ ମାଲ୍ୟାର୍ପଣ କରାଯାଇଥିଲା  | ଶୋକ ସଭାରେ ସ୍ୱର୍ଗତ ପାଢ଼ୀଙ୍କ ସ୍ମୃତିଚାରଣ କରିଥିଲେ   | ସ୍ୱର୍ଗତ ପାଢ଼ୀଙ୍କର ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା  | ଉକ୍ତ ଶୋକ ସଭାରେ ରାଣୀସର୍ଡା ପଂଚାୟତ ସମିତି ସଭ୍ୟ ଅନିଲ କୁମାର ସେଠ,  ରାଣୀସର୍ଡା ପଂଚାୟତ ସରପଞ୍ଚ ଚିନା ବିଶ୍ୱାଳଙ୍କ ସ୍ୱାମୀ
ଦ୍ୱାରୁ ବିଶ୍ୱାଳ,ବୃନ୍ଦାବନ ବାଗ , କୃଷ୍ଣ ଚନ୍ଦ୍ର ସାହୁ , ମାଗିରାମ ପଧାନ, ହାଡୁ କଲତା, ହିପି ଦନ୍ତା, ନନ୍ଦଲାଲ ପାତ୍ର , ଘନଶ୍ୟାମ ବେହେରା,ସଚ୍ଚିଦାନନ୍ଦ ପାଢ଼ୀ,ଧୀରେନ୍ଦ୍ର ଭୋଇ,ଜୟନାରାୟଣ ବାରିକ ,ତେଜରାଜ ପଧାନ, ଜଗଦୀଶ ଦନ୍ତା  ପ୍ରମୁଖ ଯୋଗ ଦେଇଥିଲେ l ସ୍ବର୍ଗତ ପାଢ଼ୀ ଜଣେ ମିଷ୍ଟଭାଷୀ, ସରଳ, ନିଷ୍କପଟ , ଧର୍ମପାରାୟଣ ଓ ପରୋପକାରୀ ହୋଇଥିବା ଯୋଗୁଁ ଅଂଚଳରେ ସମସ୍ତଙ୍କର ପ୍ରିୟଭାଜନ ଥିଲେ | ନିଜ ଗ୍ରାମ ରାଣୀସର୍ଡାକୁ ସେ ବହୁତ ଭଲ ପାଉ ଥିଲେ |  ତାଙ୍କ ଭଳି ଜଣେ ବ୍ୟକ୍ତିତ୍ୱଙ୍କୁ ହରାଇ ରାଣୀସର୍ଡା ତଥା ଆଖପାଖ ଅଂଚଳରେ ଶୋକର ଛାୟା ଖେଳିଯାଇଛି  | ସ୍ୱର୍ଗତ  ପାଢ଼ୀ କିଛି ବର୍ଷ ହେଲା ବଲାଙ୍ଗୀରରେ ତାଙ୍କ ପରିବାର ସହିତ ରହୁଥିଲେ  |  ସ୍ୱର୍ଗତ ପାଢ଼ୀଙ୍କ ଏଭଳି ଅସମୟରେ ବିୟୋଗ ତାଙ୍କର ସମସ୍ତ ସମ୍ପର୍କୀୟ ଓ ଶୁଭେଛୁ ମହଲରେ ଶୋକର ଛାୟା ଖେଳେଇ ଦେଇଛି  l ସ୍ୱର୍ଗତ ସୌମିତ୍ରି ପାଢ଼ୀଙ୍କ  ବିଧବା ପତ୍ନୀ ଆନନ୍ଦିନୀ ପାଢ଼ୀ , ପୁତ୍ର ତଥା  ଓଡ଼ିଶାର ଏକ ଘରୋଇ ବୈଦ୍ୟୁତିକ ଗଣମାଧ୍ୟମର କର୍ମଚାରୀ  କୁଳଦୀପ ପାଢ଼ୀ ,  ଝିଅ ଦିପ୍ତୀଵାଳା ପଣ୍ଡା  ଏବଂ ବାପା ଶିବ ଚରଣ ପାଢ଼ୀ ତଥା ସମସ୍ତ ପରିବାର ବର୍ଗ ଏବଂ ସମ୍ପର୍କୀୟ ମାନଙ୍କୁ ଏକା କରି  ସବୁଦିନ ପାଇଁ ଇହଧାମ ତ୍ୟାଗ କରିଛନ୍ତି  | 

  ଏଠାରେ ସୂଚନା ଯୋଗ୍ୟ ଯେ ସ୍ୱର୍ଗତ ସୌମିତ୍ରି ପାଢ଼ୀଙ୍କର ବଡ ଭାଇ ରଘୁନାଥ ପାଢ଼ୀ ହେଉଛନ୍ତି ଜଣେ ଅବସର ପ୍ରାପ୍ତ ବନ ଅଧିକାରୀ  ଏବଂ ସାନ ଭାଇ ରିୟାନ ରମାନାଥ ହେଉଛନ୍ତି ଦୈନିକ ଜାତୀୟ  ଇଂରାଜୀ  ଖବରକାଗଜର ବରିଷ୍ଠ ସାମ୍ବାଦିକ | ଆହୁରି ମଧ୍ୟ ସର୍ଗତ ସୌମିତ୍ରି ପାଢ଼ୀଙ୍କର ମାମୁଁ  ହେଉଛନ୍ତି ସାମ୍ବାଦିକ ଗୌରବ ସ୍ବର୍ଗତ ଶିବପ୍ରସାଦ ପାଣ୍ଡିଆ  |