22-May-2021

ବଲାଙ୍ଗୀର  (ସନ୍ତୋଷ କୁମାର ଠାକୁର) : ବଲାଙ୍ଗୀର ଜିଲ୍ଲା ସଦର ବ୍ଲକ ଝାଙ୍କର ପାଲି ପଞ୍ଚାୟତ ଅନ୍ତର୍ଗତ କୁଟୁମଡୁଲା ଗ୍ରାମରେ ଅନେକ ଇଟାଭାଟି ପୋଡ଼ା ଚାଲିଛି । ଖପ୍ରାଖୋଲ ବ୍ଲକ୍ ଅନ୍ତର୍ଗତ ତେଲେନପାଲି ଗ୍ରାମର କେଶବ ନାମକ ଏକ ବ୍ୟକ୍ତି କୁଟୁମ୍ ଡୋଳା ଗ୍ରାମର ଆଲୋକ ସେଠ୍ ସହ ମିଶି ଜଙ୍ଗଲ ଜମି ଉପରେ ଦୁଇ ଲକ୍ଷ ରୁ ଉର୍ଦ୍ଧ୍ବ ର ଏକ ଇଟାଭାଟି କରିଛନ୍ତି । ଜଙ୍ଗଲ ରେ ଥିବା ନିମ୍ବ , କ , ଗଛ କୁ କାଟି ୧୦ ଟ୍ରାକ୍ଟର ରୁ  ଉର୍ଦ୍ଧ୍ବ କାଠ ଏହି ଇଟାଭାଟି ରେ ବ୍ୟବହାର କରି ଜଙ୍ଗଲ ଧ୍ବଂସ କରୁଥିବା ଭିଡିଓ ବଲାଙ୍ଗୀର ଡି ଏଫ୍ ଓ ଙ୍କୁ ଦେଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନାହାନ୍ତି । ଫରେଷ୍ଟର ରାମଚନ୍ଦ୍ର ନାଏକ ଏବଂ ଜଣେ ଗାର୍ଡ ଉକ୍ତ ଇଟାଭାଟିକୁ ଯାଇ ସିଯର ଲିଷ୍ଟ ରେ ଇଟାଭାଟି ମାଲିକ କେଶବ ଏବଂ ଆଲୋକ ର ଦସ୍ତଖତ ନେଇ ଚାଲି ଆସିଥିଲେ । ସେହିଦିନ ସନ୍ଧ୍ୟା ରେ ଆଲୋକ ଏବଂ କେଶବ କୁ ବଲାଙ୍ଗୀର ରେଞ୍ଜ ଅଫିସ କୁ ଡକାଇ ଛାଡ଼ି ଦେଇଥିଲେ । ତେବେ ଚର୍ଚ୍ଚା ହୁଏ ଏମାନଙ୍କ ସହ ଫରେଷ୍ଟର ସଲାସୁତୁରା ହୋଇ ଛାଡ଼ି ଦେଇଥିଲେ । ଏହି ଡିଲ ରେ କୁଆଡେ ଜଙ୍ଗଲ ବିଭାଗ ର ବଡ଼ବଡ଼ିଆଙ୍କ ମଧ୍ୟ ଭାଗ ଥିବା ଫୁସୂର୍ ଫାସୂର୍ ଶୁଣିବାକୁ ମିଳେ । ଲକ୍ଷାଧିକ ଟଙ୍କାର ଗଛ କୁ ଶାଗ ଭାଜି ଦରରେ ବିକ୍ରୀ କରି ଜଙ୍ଗଲ ବିଭାଗ ମାଲେମାଲ ହେଉଥିବା ବେଳେ ବର୍ତମାନ ପର୍ଯ୍ୟନ୍ତ ଗୋଟିଏ ବି ଇଟାଭାଟି ମାଲିକଙ୍କ ବିରୋଧରେ କେସ ରୁଜୁ ହୋଇ ନାହିଁ । ଇଟାଭାଟି ପାଇଁ ଗଛ କାଟୁଥିବା ଗଛ ଚୋର ମାନଙ୍କ ନାମରେ କେସ କରିବାପାଇଁ ଡି ଏଫ୍ ଓ ଙ୍କୁ କହିଥିଲେ ମଧ୍ୟ କେଊ କାରଣ ରୁ ଏମାନଙ୍କୁ ସୁରକ୍ଷା ଦେଉଛନ୍ତି ଏକ ପ୍ରଶ୍ନବାଚୀ । ଅନ୍ୟପକ୍ଷେ ବଲାଙ୍ଗୀର ରେଞ୍ଜର ବିଜୟ ଖୁଣ୍ଟିଆ ଗଛ କଟା ବାବଦକୁ ୨୨ ଲକ୍ଷ ରୁ ଉର୍ଦ୍ଧ୍ବ ଫାଇନ ଆଦାୟ କରି ବାହା ବାହା ନେଉଛନ୍ତି । ବୃକ୍ଷ କୁ ସୁରକ୍ଷା ଦେବା ପରିବର୍ତେ ବୃକ୍ଷ କଟାଳି ଠାରୁ ଫାଇନ ଆଦାୟ କରି ଜଙ୍ଗଲ ଧ୍ବଂସ ପାଇଁ ପ୍ରଶ୍ରୟ ଦେଉଥିବା ପରିଲକ୍ଷିତ ହୁଏ । ବଲାଙ୍ଗୀର ଡି ଏଫ୍ ଓ ସମୀର ଶତପଥୀଙ୍କୁ ବାରମ୍ବାର ଏ ସମ୍ପର୍କରେ ଅବଗତ କଲେ ମଧ୍ୟ ସେ କୌଣସି ପଦକ୍ଷେପ ନ ନେଇ ଚୁପ୍ ରହୁଥିବା ଦୁଃଖର ବିଷୟ । 

ତେବେ  ଜିଲ୍ଲାରେ ଛତୁ ଫୁଟିଲା ପରି ଗଢି ଉଠିଥିବା ଏପରି ବେଆଇନ ଇଟା ଭାଟି ଯୋଗୁଁ ଜିଲ୍ଲାର ଜଙ୍ଗଲ ସମ୍ପଦ ଧ୍ଵଂସ ହେବା ସହ ତାପମାତ୍ରା ବୃଦ୍ଧି ପାଉଛି l  ଏଥି ଯୋଗୁଁ ଜଙ୍ଗଳର ଜୀବଜନ୍ତୁ ସହର ମୁହାଁ ହେଉଛନ୍ତି lବଲାଙ୍ଗିର ଜିଲ୍ଲାର ଦକ୍ଷ ଜିଲ୍ଲାପାଳ ଯାହାଙ୍କୁ ନେଇ ବଲାଙ୍ଗିର ଜିଲ୍ଲାର ବିକାଶ ଅନେକାଂଶରେ ଗତିଶୀଳ, ସେ ସ୍ଵତନ୍ତ୍ର ଭାବେ ଏପରି କାର୍ଯ୍ୟ ଉପରେ ଅଙ୍କୁଶ ଲଗାଇବା ଆବଶ୍ୟକ l