22-May-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା):କଳାହାଣ୍ଡି ଜିଲ୍ଲା କୋକସରା ବ୍ଲକ ଫୁପ- ଗାଁ ଗ୍ରାମ ପଞ୍ଚାୟତ ସିନାପଡାରେ ଗ୍ରାମ୍ୟ ଜଳ ଯୋଗାଣ ପ୍ରକଳ୍ପ  ଦ୍ୱାରା ପାନୀୟ ଜଳଯୋଗାଣର ବ୍ୟବସ୍ଥା ରହିଛି କିନ୍ତୁ ଯେଉଁଠାରେ ଜଳ ଯୋଗାଣ ପ୍ରକଳ୍ପ ରହିଛି ତାହା ୨ମାସ ହେଲା କାର୍ଯ୍ୟକ୍ଷମ ହୋଇ ନାହିଁ । ଏବେବି ବ୍ଲକ ର ଅନେକ ଗାଁରେ ଜଳ ଯୋଗାଇବାରେ ସରକାର  ବିଫଳ ହୋଇଛନ୍ତି ।ଗାଁ ଲୋକ କହିବା ଅନୁସାରେ ଦୀର୍ଘ ୨ମାସ କାଳ ଗ୍ରାମ୍ୟ ଜଳ ଯୋଗାଣ ପ୍ରକଳ୍ପ ଅଚଳ ହେବା ପରେ ମଧ୍ୟ  ଆର୍   ଡବ୍ଲ୍ୟୁ ଏସ୍ ଏସ୍  ଏଥି ପ୍ରତି ଦୃଷ୍ଟି ଦେଇ ନାହିଁ ।

ଏହା କାର୍ଯ୍ୟକ୍ଷମ ହେଉ ନ ଥିବାରୁ ଲୋକେ ପିଇବା ପାଣି ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପରିତାପର ବିଷୟ ହେଲା ଉକ୍ତ  ଫୁପ-ଗାଁ ସିନପଡ଼ାରେ ନଳକୂପ  ଟିଏ ଅଛି ତାହା ପୁଣି ବିଳମ୍ବରେ ପାଣି ଓ ଅଳ୍ପ ଅଳ୍ପ ବାହାରୁଛି ଯାହାଫଳରେ ଲୋକେ ପିଇବା ପାଣି ପାଇଁ ଡହଳ ବିକଳ ହେଉଛନ୍ତି ।ଏ ବାବଦରେ ଆର୍ ଡବ୍ଲ୍ୟୁ ଏସ୍  ଏସ୍ କନିଷ୍ଠ ଯନ୍ତ୍ରୀଙ୍କୁ ଫୋନ ମାଧ୍ୟମରେ ଯୋଗାଯୋଗ କରିଥିଲେ ମଧ୍ୟ ପ୍ରତିକ୍ରିୟା ମିଳି ପାରି ନଥିଲା । ପରେ କୋକସରା ବିଡ଼ିଓ ଙ୍କୁ ଯୋଗାଯୋଗ କଲାପରେ  ତଦନ୍ତ କରି ଏହାର ସମାଧାନ କରିବାର ପ୍ରତିଶୃତି ଦେଇଛନ୍ତି ।
ତେଣୁ ବିଭାଗୀୟ ଅଧିକାରୀ ତୁରନ୍ତ ଏଥି ପ୍ରତି ଦୃଷ୍ଟି ଦେଇ ଉକ୍ତ ଗ୍ରାମକୁ ଟ୍ୟାଙ୍କର ଯୋଗେ ପାନୀୟ ଜଳ ଯୋଗାଇ ଦେବା ତଥା ନୂତନ ପାଣି ଟାଙ୍କି ନିର୍ମାଣ ପାଇଁ  ସାଧାରଣରେ ଦାବି ହେଉଛି ।