19-May-2021

ପୁରୀ- (ସମୀର ରଞ୍ଜନ ନାୟକ) ୧୮.୦୫.୨୦୨୧- କୋଭିଡ କଟକଣା ଓ ଲକ୍ ଡାଉନ୍ ଯୋଗୁଁ ଅସୁବିଧାରେ ଚଳୁଥିବା  କିନ୍ନର ମାନଙ୍କୁ ସୁଯୋଗ ସଂସ୍ଥ‍ା ପକ୍ଷରୁ ରିଲିଫ୍ ବଣ୍ଟନ କରାଯାଇଛି।ପୁରୀ ପୌରାଞ୍ଚଳ ତଥା ଏହାର ଆଖପାଖ ଅଞ୍ଚଳରେ ବସବାସ କରୁଥିବା ପ୍ରାୟ ୫୦ ଜଣ କିନ୍ନର ମାନଙ୍କୁ ଚୂଡା, ଚାଉଳ, ଚିନି, ପନି ପରିବା ସହିତ  ସାନିଟାଇଜର ,ମାସ୍କ  ଓ ସାବୁନ୍ ମଧ୍ୟ ବଣ୍ଟନ କରାଯାଇଛି ।ସାମାଜିକ , ସାଂସ୍କୃତିକ ଓ ଶୈକ୍ଷକ  ଅନୁଷ୍ଠାନ ନିର୍ମାଣ ପୁରୀ ଓ ସୁଯୋଗ ଭୁବନେଶ୍ୱର ଦ୍ଵାରା ଏହି କାର୍ଯ୍ୟକ୍ରମ ଆୟୋଜିତ ହେଇଥିଲା। ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀ ତ୍ରିନାଥ ପାଢୀ ଏହି ବଣ୍ଟନ କାର୍ଯରେ ଯୋଗ ଦେଇ କିନ୍ନର ମାନଙ୍କ ପୁନର୍ବାସ ପାଇଁ ସ୍ବେଚ୍ଛାସେବୀ ଅନୁଷ୍ଠାନ ମାନେ କାର୍ଯ କରିବା ପାଇଁ ଆଗେଇ ଆସିବା ଉଚିତ୍ ବୋଲି କହିଥିଲେ। ସେହିପରି ନାଲକୋର ପୂର୍ବତନ CMD ତଥା ସୁଯୋଗର ଅଧକ୍ଷ ଡଃ ତପନ କୁମାର ଚାନ୍ଦ ଭର୍ଚ୍ୟୁଆଲ ମୋଡ ମାଧ୍ୟମରେ ଯୋଗ ଦେଇ ସୁଯୋଗ ଅନୁଷ୍ଠାନ ଆଗାମୀ ଦିନରେ କିନ୍ନର ମାନଙ୍କ ଥଇଥାନ ପାଇଁ କାର୍ଯ କରିବ ବୋଲି କହିଥିଲେ। ପୁରୀ ଜିଲ୍ଲା କିନର ମହାସଂଘ ସଭାପତି ପ୍ରିୟାଶୀଂ ଲକ୍ ଡାଉନ୍ ଯୋଗୁଁ କିନରମାନେ ଅନେକ ଅଭାବ ଅସୁବିଧାରେ ଥିବା ଏବଂ ଏଭଳି ସମୟରେ ସୁଯୋଗ ଓ ନିର୍ମାଣ ଅନୁଷ୍ଠାନ ସେମାନଙ୍କୁ ସହଯୋଗ କରି ଥିବାରୁ ଧନ୍ୟବଦ୍ ଦେଇ ଥିଲେ। ଏହି କାର୍ଯ୍ୟ କ୍ରମକୁ ଶିଶୁ କଲ୍ୟାଣ କମିଟି ର ପୂର୍ବତନ ଅଧ୍ୟକ୍ଷ ତଥା ନିର୍ମାଣ ଅନୁଷ୍ଠାନର ସମ୍ପାଦକ ପରିଚାଳନା କରିଥିବା ବେଳେ ଶ୍ରୀ ପ୍ରସାଦ ମହାନ୍ତି, ଶ୍ରୀ ସତ୍ୟ ସୁନ୍ଦର ନାୟକ, ଶ୍ରୀ ବିଚି ପଟ୍ଟନାୟକ  ସହଯୋଗ କରି ଥିଲେ। ଏହି ଅବସରରେ ପୁରୀ ଜିଲ୍ଲା ସମାଜିକ୍  ସୁରକ୍ଷା ତଥା ଭିନ୍ନକ୍ଷମ ସଶକ୍ତି କରଣ ବିଭାଗ ତରଫରୁ ୨୮ ଜଣ କିନ୍ନରଙ୍କୁ ପରିଚୟ ପତ୍ର ପ୍ରଦାନ କରାଯାଇ ଥିଲା।