18-May-2021

ବଲାଙ୍ଗିର(ପ୍ରେରଣା ଖବର)-କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ସଭାପତି ମଣ୍ଡଳ ସଦସ୍ୟ, ପୂର୍ବତନ ମନ୍ତ୍ରୀ ତଥା ବରିଷ୍ଠ ଆଇନଜୀବୀ କାର୍ତ୍ତିକ ତରିଆଙ୍କ ତିରୋଧାନ ହୋଇଯାଇଛି । ଗତ କାଲି ୭୦ ବର୍ଷ ବୟସରେ ଶ୍ରୀ ତରିଆ ଇହଧାମ ତ୍ୟାଗ କରିଛନ୍ତି । ଶ୍ରୀ ତରିଆ ଜଣେ ସୁନାମଧନ୍ୟ ଆଇନଜ୍ଞ, ରାଜନେତା ତଥା ସୁସଂଗଠକ ଥିôଲେ । ଗତ କିଛି ବର୍ଷ ହେଲା ସେ ସକ୍ରିୟ ଭାବରେ କୋସଲ ମୁକ୍ତି ଆନ୍ଦୋଳନ ସହ ଜଡିତ ରହିଥିଲେ । ଶ୍ରୀ ତରିଆ ବିଭିନ୍ନ ସମୟରେ କୋସଲ ରାଜ୍ୟ ସମନ୍ୱୟ ସମିତିର ସୁବର୍ଣ୍ଣପୁର ଜିଲ୍ଲା ସଭାପତି, ବଲାଙ୍ଗିର ଲୋକସଭା ନିର୍ବାଚନ ମଣ୍ଡଳିର ସଭାପତି ମଣ୍ଡଳି ସଦସ୍ୟ ଓ କେନ୍ଦ୍ରୀୟ ସଭାପତି ମଣ୍ଡଳୀର ସଦସ୍ୟ ରୂପେ କୋସଲ ମୁକ୍ତି ଆନ୍ଦୋଳନର ବିଭିନ୍ନ କାର୍ଯ୍ୟକ୍ରମରେ ସକ୍ରିୟ ଯୋଗଦାନ କରିଥିଲେ । ଶ୍ରୀ ତରିଆଙ୍କ ସମୁନ୍ଧି ପ୍ରଫେସର ଜୟଦେବ ଦଣ୍ଡସେନା ମଧ୍ୟ କୋସଲ ମୁକ୍ତି ଆନ୍ଦୋଳନରେ ସକ୍ରିୟ ଅଛନ୍ତି ।  ବିରମହାରାଜପୁର ବାର ଏସୋସିଏସନର ସଭାପତି ରୂପେ ଶ୍ରୀ ତରଆ ହାଇକୋର୍ଟ ବେଞ୍ଚ ଆନ୍ଦୋଳନରେ ମଧ୍ୟ ସକ୍ରିୟ ଥିôଲେ । ଶ୍ରୀ ତରିଆଙ୍କ ବିୟୋଗ କୋସଲ ମୁକ୍ତି ଆନ୍ଦୋଳନଙ୍କ ପାଇଁ ଏକ ଅପୁରଣୀୟ କ୍ଷତି ତଥା ତାଙ୍କ ବିୟୋଗରେ କୋସଲ ଆନ୍ଦୋଳନରେ ବିଭିନ୍ନ ସାମାଜିକ ଆନ୍ଦୋଳନରେ ଏକ ଶୁନ୍ୟସ୍ଥାନ ସୃଷ୍ଟି ହେଲା ବୋଲି ଶ୍ରୀ ତରିଆଙ୍କୁ ଶ୍ରଦ୍ଧାଞ୍ଜଳି ଜଣାଇ କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ଅଧ୍ୟକ୍ଷ ପ୍ରମୋଦ କୁମାର ମିଶ୍ର ମତବ୍ୟକ୍ତ କରିଛନ୍ତି । ଅନ୍ୟମାନଙ୍କ ମଧ୍ୟରେ କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ଉପାଧ୍ୟକ୍ଷ ମନୋରଞ୍ଜନ ସିଂ ବରିହା ଓ ମନୋରଂଜନ ସାହୁ, ସାଧାରଣ ସଂପାଦକ ସୁନିଲ ପୁରୋହିତ, ବିଭୁଦତ୍ତ ମିଶ୍ର, ପ୍ରଶାନ୍ତ ମାଝି, ସଂପାଦକ ମଣ୍ଡଳି ସଦସ୍ୟ ଲଳିତ କୁମାର ସାହୁ, ସୁରେନ୍ଦ୍ର ସାହୁ, ରାମଚନ୍ଦ୍ର ଅମାତ, ସୁରେନ୍ଦ୍ର ପଣ୍ଡା, କୋଷାଧ୍ୟକ୍ଷ ପ୍ରମୋଦ ଝାଙ୍କର, ଯୁବ ସଂଗଠକ ଡୋଳାମଣି ପ୍ରଧାନ ପ୍ରମୁଖ ଶ୍ରୀ ତରିଆଙ୍କ ସ୍ମୃତି ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।