18-May-2021

ଟିଟିଲାଗଡ,(ପ୍ରେରଣା ଖବର) ବିଦ୍ୟୁତ ବିଭାଗର ଅବହେଳା ମନୋଭାବ ଯୋଗୁଁ ଟିଟିଲାଗଡ ସହର ଗୋପବନ୍ଧୁ ପାର୍କ ନିକଟରେ ବିଦ୍ୟୁତ ଖୁଣ୍ଟରେ ନିଆଁ ଲାଗି ଯାଇ ଥିବା ବେଳେ ଦୁଇ ଜଣ ନିଆଁହୁଳାରୁ ଅଳ୍ପକେ ବର୍ତୀ ଯାଇଥିଲେ । ସୂଚନା ଅନୁଯାୟୀ ସୋମବାର ଅପରାହ୍ନ ପ୍ରାୟ ୫ ଟା ସମୟରେ ସହରର 

 ଗୋପବନ୍ଧୁ ପାର୍କ ସାମ୍ନାରେ ଥିବା ଏକ ବିଦ୍ୟୁତ ଖୁଣ୍ଟରେ ହଠାତ ନିଆଁ ଲାଗି ଯାଇଥିଲା । ମୁଖ୍ୟ ସଡକରେ ଏକ ବାଇକ ଯୋଗେ ଯାଉଥିବା ଦମ୍ପତି ଉକ୍ତ ରାସ୍ତାକଡରେ ଥିବା ବିଦ୍ୟୁତ ଖୁଣ୍ଟର ନିଆଁ ଛିଟିକି ପଡିବାରୁ ଅଳ୍ପକେ ବର୍ତୀ ଯାଇଥିଲେ । ଉକ୍ତ ଦୁଇ ଦମ୍ପତି ଟିଟିଲାଗଡ ଡ଼ାକ୍ତରଖାନାରେ ଚିକିତ୍ସିତ ହୋଇଥିବା ବେଳେ ଅବସ୍ଥା ସଂକଟାପନ୍ନ  ଥିବା ସୂଚନା ପ୍ରଦାନ କରାଯାଇଛି । ପ୍ରକାଶ ଯେ ଏହି ବିଦ୍ୟୁତ ଖୁଣ୍ଟ ଗୁଡ଼ିକରେ ବିଭିନ୍ନ ରାଜନୈତିକ ଦଳୀୟ ପତାକା ତଥା ବିଭିନ୍ନ କାଗଜ ବ୍ୟାନର ଓ ଚଢେଇ ବସା ରହିଥିବା ବେଳେ ଅନେକ ମୋବାଇଲ ନେଟୱର୍କର ପ୍ଲାଷ୍ଟିକ ତାର ଓ ସେଟଅପ ବକ୍ସ ଗୁଡିକ ରହିଛି । ସ୍ଵତନ୍ତ୍ର ଭାବେ କେବଳ ବିଦ୍ୟୁତ ଖୁଣ୍ଟରେ ବିଦ୍ୟୁତ ତାର ବଦଳରେ ଏପରି ବ୍ୟବହାର ହେବା ଯୋଗୁଁ ଏପରି ଘଟଣା ବାରମ୍ବାର ଘଟୁଥିବା ଦେଖାଯାଉଛି । ଏହି ନିଆଁ ଲାଗିବା ନେଇ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ସୂଚନା ଦେବାରୁ ନିଆଁକୁ ଆୟତ୍ତ କରାଯିବାରୁ  ନିକଟରେ ଥିବା ଗୃହ 

ଗୁଡ଼ିକର ଧନଜୀବନ ହାନି ଘଟିବାରୁ ଅଳ୍ପକେ ରକ୍ଷା ପାଇ ଯାଇଥିଲା । ଏ ନେଇ ବିଭଗୀୟ ଉଚ୍ଚ ଅଧିକାରୀ ସହରର ସମସ୍ତ ବିଦ୍ୟୁତ ଖୁଣ୍ଟରେ ଏଭଳି ଘଟଣାର ପୁନରାବୃତ୍ତି ନ ହେବା ନେଇ ଉପଯୁକ୍ତ ପଦକ୍ଷେପ ନେବାକୁ ଦାବୀ ହେଉଛି ।