16-May-2021

ସାଲେପୁର: ମହିଳାଙ୍କ ମୃତ୍ୟୁ। କିରାସିନି ଢାଳି ନିଆଁ ଲଗାଇ  ମହିଳାଙ୍କୁ ମାରିଲେ ଶାଶୂଘର ଲୋକେ। ବାପଘର ଲୋକେ ଥାନାରେ କଲେ ହତ୍ୟା ଅଭିଯୋଗ। ଏଭଳି ଅଭାବନୀୟ ଘଟଣା ଘଟିଛି କଟକ ଜିଲ୍ଲା ସାଲେପୁର ଥାନା ଫୋଗଳ ଗ୍ରାମରରେ।  ମୃତ ମହିଳା ଜଣଙ୍କ ହେଲେ ନିଶ୍ଚିନ୍ତକୋଇଲି ବ୍ଳକ ଜିଗ୍ନିପୁର ପଂଚୟତ  ବସୁପଦା ଗ୍ରାମର ରାସନ ବିବିଙ୍କ ଝିଅ ନୁର ଯାହାଂ। ନୁର ଯାହାଂ ଫଗୋଳ ଗ୍ରାମର ସେକ ଅବଦୁଲ ହୁସେନଙ୍କ ପୁଅ ସେକ ଫିରୋଜଙ୍କୁ 3ବର୍ଷ ତଳେ ବିବାହ କରିଥିଲେ। ନୁର ଯାହାଂଙ୍କର ଦେଢ଼ ବର୍ଷର ଏକପୁତ୍ର  ଅଛି। ଆଗରୁ ବହୁବାର ପାରିବାରିକ କଳହ ଲାଗିରହିଥାଏ। ପାରିବାରିକ କଳହରୁ ତାଙ୍କୁ  ଶାଶୁଘର ଲୋକେ କିରାସିନି ଢାଳି ମାରିଥିବା ନେଇ  ଝିଅର ବାପଘର ଲୋକେ ସାଲେପୁର ଥାନାରେ ଅଭିଯୋଗ କରିଛନ୍ତି। ଲିଖିତ ଅଭିଯୋଗ ପାଇବା ପରେ  ପୋଲିସ ଘଟଣା ସ୍ଥଳରେ ପହଂଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା ରଜୁ କରି  ଶାଶୂ ଶ୍ୱଶୁର ଏବଂ ସ୍ଵାମୀଙ୍କୁ ଅଟକ ରଖି ତଦନ୍ତ ଜାରୀ ରଖିଛନ୍ତି।( ଦୀପକ କୁମାର ଷଡଙ୍ଗୀଙ୍କ ରିପୋର୍ଟ)