21-Oct-2020

କଳାହାଣ୍ଡି/କୋକସରା(ତ୍ରିନାଥ ବେଶ୍ରା) ଜିଲ୍ଲାର ଐତିହାସିକ ଓ ଧାର୍ମିକ ପୃଷ୍ଠଭୂମି ବୋଲାଉଥିବା ବନ ପାହାଡ଼ ଘେରା ଗୁଡ଼ହାଣ୍ଡି ଡୋକ୍ରିଚଞ୍ଚରା  ଟାଙ୍ଗରା ହେବାକୁ ଲାଗିଛି । ଏହାକୁ ଦୃଷ୍ଟିରେ ରଖି ଗୁଡ଼ହାଣ୍ଡି ଡୋକ୍ରିଚଞ୍ଚରା ଉନ୍ନୟନ କମିଟି ପକ୍ଷରୁ 7 ସପ୍ତାହ ଧରି ପ୍ରତି ରବିବାର ଦିନ  ବନୀକରଣ ଯୋଜନାରେ ୨ ହଜାରରୁ ଊର୍ଦ୍ଧ୍ଵ ବୃକ୍ଷ ରୋପଣ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କୋକସରା ବ୍ଲକ୍ ଆମପାଣି ଜୋନ୍ ଜିଲ୍ଲାପରିଷଦ ହେମାଙ୍ଗିନୀ  ହଂସ ଯୋଗ ଦେଇଥିଲେ  । ପର୍ଯୟଟନସ୍ଥଳୀ  ଗୁଡ଼ହାଣ୍ଡି ଡୋକ୍ରିଚଞ୍ଚରାରେ  ପର୍ଯ୍ୟଟକଙ୍କ ପାଇଁ ଶୌଚାଳୟ ସୁବିଧା, ବିଦ୍ୟୁତ୍ ସେବା ଭଳି ଜରୁରୀକାଳୀନ ସେବା ଯୋଗାଇ ଦେବା ପାଇଁ କମିଟି ପକ୍ଷରୁ ଜିଲ୍ଲା ପରିଷଦ ମହୋଦୟାଙ୍କୁ  ନିବେଦନ କରିଥିଲେ । ଡୋକ୍ରିଚଞ୍ଚରା  ଉନ୍ନତିକରଣ ନିମନ୍ତେ ଦୁଇଟି ସୋଲାର ଲାଇଟ୍ ଓ ଗୋଷ୍ଠୀ ଶୌଚାଳୟ ଦେବା ସହିତ  ଅନ୍ୟାନ୍ୟ ବ୍ୟବସ୍ତା ପାଇଁ ସରକାରଙ୍କ ଦୃଷ୍ଟି ଆକର୍ଷଣ କରିବି ବୋଲି ପ୍ରତିଶ୍ରୁତି ଦେଇଥିଲେ । ଏହି କାର୍ଯ୍ୟକ୍ରମରେ ସଭାପତି ଭଦ୍ରେଶ୍ୱର ପାତ୍ର କମିଟି ଉପ ସଭାପତି ଘନଶ୍ୟାମ ନାୟକ,ସମ୍ପାଦକ ମଧୁବନ ପାତ୍ର, ମଣ୍ଡଳ ସଭାପତି ଅର୍ଜୁନ ଭାଟି ଜିତେନ୍ ମାଝୀ, ଅଭିରାମ ଲଦୁଆ , ସୁଧୀର ପାତ୍ର ତଥା କମିଟିର  ବ ହୁ ସଦସ୍ୟ  ଉପସ୍ଥିତ    ଥିଲେ