12-May-2021

ବଲାଙ୍ଗିର (ପ୍ରେରଣା ଖବର): ସଂପ୍ରତି ବଢୁଥିବା କୋରୋନାର  ସଂକ୍ରମଣକୁ ରୋକିବାକୁ ଜରୁରୀ ସବୁବେଳେ ମାସ୍କ ପିନ୍ଧିବା, ହାତ  ଧୋଇବା ଓ ସାମାଜିକ ଦୂରତା ରକ୍ଷା କରିବା । କୋଭିଡ  ସଂକ୍ରମଣକୁ ପ୍ରତିହତ କରିବା ପାଇଁ  ଯେଉଁମାନେ  ଆଗରେ ଠିଆ  ହୋଇ ସମାଜର  ସୁରକ୍ଷାରେ ନିଜକୁ ସମର୍ପିତ କରିଛନ୍ତି, ସେମାନେ କୋରୋନା ଯୋଦ୍ଧା । ସେଇ କୋରୋନା ଯୁଦ୍ଧର ଆଗୁଆ ସେନାନୀ  ବଲାଙ୍ଗୀର  ପୌରାଞ୍ଚଳରେ  କାର୍ଯ୍ୟ କରୁଥିବା  ସଫେଇ କର୍ମଚାରୀ,  ତଦାରଖକାରୀ, ସ୍ବଚ୍ଛ ସାଥୀ ଓ ସୁପରଭାଇଜର ତଥା ପୌର କର୍ମଚାରୀ  ମାନଙ୍କୁ  କୋଭିଡ ମୁକାବିଲା ପାଇଁ  ଉନ୍ନତ ମାନର N95ମାସ୍କ  ବ୍ୟବହାର କରିବାକୁ ଯୋଗାଇ  ଦେଇଛନ୍ତି  ବଲାଙ୍ଗୀର  ନଅଗାଁର ଅଗ୍ରଣୀ ସ୍ବେଚ୍ଛାସେବୀ ସଂଗଠନ  ପଲ୍ଲୀଆଲୋକ ପାଠାଗାର । ଆଜି ପୌର ନିର୍ବାହୀ ଅଧିକାରୀ ବିପିନ ବିହାରୀ ଦୀପଙ୍କୁ ଭେଟି  ପଲ୍ଲୀ ଆଲୋକ ପାଠାଗାର ର ସଂପାଦକ ପ୍ରଶାନ୍ତ ନାୟକ, କାର୍ଯ୍ୟକ୍ରମ ସଂଯୋଜକ ହୀରାଲାଲ ମିଶ୍ର ଓ ଭାଗିରଥି ସାହୁ  ୪୦୦ ଟି N95 ୬୦୦ ସର୍ଜିକାଲ ମାସ୍କ  ପ୍ରଦାନ କରିଛନ୍ତି ।କୋଭିଡ ମୁକାବିଲା କ୍ଷେତ୍ରରେ  ଏହି ମାସ୍କ  ପ୍ରଦାନ  ଏକ ଗୁରୁତ୍ୱପୂର୍ଣ୍ଣ ସହଯୋଗ ବୋଲି ପୌର ନିର୍ବାହୀ ଅଧିକାରୀ ଶ୍ରୀ ଦୀପ କହିଥିବା ବେଳେ  ପଲ୍ଲୀ ଆଲୋକ ପାଠାଗାର ର ସଂପାଦକ ପ୍ରଶାନ୍ତ ନାୟକ  ଗତ କୋଭିଡ ସମୟ ରୁ ଏ ଯାବତ  ସେମାନେ  କପଡା ମାସ୍କ ବଣ୍ଟନ  ସହିତ   ଅନାଥ ତଥା ଘରେ ରହି 

ଯାଇଥିବା  ଦାଦନ ଶ୍ରମିକ ଙ୍କ     ସନ୍ତାନ ମାନଙ୍କୁ  ସେମାନେ ପୁଷ୍ଟିକର ଖାଦ୍ୟ ଉପାଦାନ ସହ ରାସନ ସାମଗ୍ରୀ   ସାହାଯ୍ୟ  କରି ଆସିଥିବା  ଓ ପୌର ପ୍ରଶାସନ  ଚାହିଁଲେ ସେମାନେ ଆହୁରି ମଧ୍ୟ କୋଭିଡ ମୁକାବିଲା  ପାଇଁ   ବିଭିନ୍ନ କ୍ଷେତ୍ରରେ  ସହଯୋଗ ପ୍ରଦାନ  କରିବେ ବୋଲି କହିଥିଲେ ।